10 ອາຊີບທີ່ກຳລັງຈະຫາຍໄປ ຝັນຮ້າຍຂອງມະນຸດເງິນເດືອນ

- 020401 2021 - 10 ອາຊີບທີ່ກຳລັງຈະຫາຍໄປ ຝັນຮ້າຍຂອງມະນຸດເງິນເດືອນ
- Untitled design - 10 ອາຊີບທີ່ກຳລັງຈະຫາຍໄປ ຝັນຮ້າຍຂອງມະນຸດເງິນເດືອນ

ຍ້ອນເຕັກໂນໂລຊີມີຄວາມທັນສະໄໝຫລາຍຂຶ້ນ ແລະ ສະຫລາດຫລາຍຂຶ້ນ ຈຶ່ງເປັນເຫດໃຫ້ຫລາຍໆອາຊີບບໍ່ຈຳເປັນຕ້ອງໃຊ້ມະນຸດອີກແລ້ວ ມາເບິ່ງກັນວ່າມີອາຊີບໃດແດ່ທີ່ກຳລັງຈະຫາຍໄປໃນອະນາຄົດ ເພື່ອທີ່ຈະໄດ້ກຽມໂຕຮັບມືໃຫ້ທັນ.

- 040401 2021 300x167 - 10 ອາຊີບທີ່ກຳລັງຈະຫາຍໄປ ຝັນຮ້າຍຂອງມະນຸດເງິນເດືອນ

  1. ຄົນຂັບລົດ : ມີປະຊາກອນບໍ່ໜ້ອຍທີ່ປະກອບອາຊີບນີ້, ແຕ່ຝັນຮ້າຍກໍຄື ອາຊີບຂອງພວກເຂົາອາດຈະຖືກແທນບ່ອນດ້ວຍເຕັກໂນໂລຊີແບບ 100%. Elon Musk ຈາກ TESLA ເຄີຍໄດ້ໃຫ້ສຳພາດໄວ້ວ່າ ພາຍໃນອີກ 2 ປີ ເຕັກໂນໂລຊີຂອງລົດໄຮ້ຄົນຂັບຈະພ້ອມໃຊ້ງານແບບສົມບູນ ແລະ ໃຊ້ເວລາອີກປະມານ 3 ປີຂ້າງໜ້າ ເພື່ອຊຸກຍູ້ໃຫ້ລັດຖະບານຍອມຮັບ.

- 020401 2021 300x162 - 10 ອາຊີບທີ່ກຳລັງຈະຫາຍໄປ ຝັນຮ້າຍຂອງມະນຸດເງິນເດືອນ

2. ຊາວນາ, ຊາວສວນ, ຊ່າວໄຮ່ : ມີປະຊາກອນປະກອບອາຊີບເຫລົ່ານີ້ເປັນຈຳນວນບໍ່ໜ້ອຍ, ແຕ່ຍ້ອນເຕັກໂນໂລຊີຂອງລົດໄຖສະໄໝໃໝ່ທີ່ອີກບໍ່ດົນຈະແລ່ນ ແລະ ດຳເນີນງານດ້ວຍຕົນເອງໄດ້ ໂດຍບໍ່ຕ້ອງໃຊ້ຄົນ. ການປູກຝັງທີ່ຄວບຄຸມດ້ວຍລະບົບ Wireless ຈະເລີ່ມເຂົ້າມາມີບົດບາດຫລາຍຂຶ້ນເຊັ່ນກັນ.

3. ຜູ້ຜະລິດສິ່ງພິມ/ສຳນັກພິມ : ພຶດຕິກຳການເສບຂ່າວຂອງຄົນເຮົາໃນທຸກມື້ນີ້ໄດ້ປ່ຽນໄປຫລາຍ ສະໄໝກ່ອນຕ້ອງອາໄສຂ່າວຈາກໜັງສືພິມຢ່າງດຽວ, ແຕ່ສະໄໝນີ້ຫລາຍຄົນໄປໃຊ້ Social Media ແທນ. ທາງດ້ານໜັງສື ເຖິງວ່າໃນປະເທດເຮົາຈະຍັງນິຍົມການອ່ານໜັງສືເປັນຮູບແບບເຫລັ້ມຢູ່, ແຕ່ເຮົາກໍເລີ່ມເຫັນຄົນອ່ານ E-Book ຫລາຍຂຶ້ນເລື້ອຍໆເຊັ່ນກັນ.

- 050401 2021 300x200 - 10 ອາຊີບທີ່ກຳລັງຈະຫາຍໄປ ຝັນຮ້າຍຂອງມະນຸດເງິນເດືອນ

4. ພະນັກງານເກັບເງິນ : ບໍລິສັດທີ່ນຳກະແສນີ້ກໍຄື Amazon ຜູ້ດຳເນີນຮ້ານ Amazon Go ເຊິ່ງເປັນຮ້ານຄ້າທີ່ບໍ່ມີພະນັກງານເກັບເງິນເລີຍຈັກຄົນ ເພາະມີລະບົບຈ່າຍເງິນອັດຕະໂນມັດເມື່ອລູກຄ້າຍ່າງອອກຈາກຮ້ານ ໂດຍຕັດເງິນຈາກບັນຊີທີ່ຜູກໄວ້ກັບ Amazon ເລີຍ. ສາມາດອ່ານລາຍລະອຽດຂອງຮ້ານ Amazon Go ເພີ່ມຕື່ມໄດ້. ເຖິງວ່າໃນປະເທດລາວເຮົາຈະຍັງບໍ່ມີຮ້ານທັນສະໄໝແບບ Amazon Go ແຕ່ຊຸບເປີມາກເກັດ ຫລື ຮ້ານຄ້າຫລາຍແຫ່ງກໍມີເຄື່ອງຊຳລະເງິນດ້ວຍຕົນເອງແລ້ວ.

5. ຕົວແທນ ແລະ ນາຍໜ້າການທ່ອງທ່ຽວ : ໜ້າທີ່ຂອງຜູ້ດຳເນີນທຸລະກິດ ຫລື ປະກອບອາຊີບນີ້ກໍຄື ຈອງປີ້ຍົນ ແລະ ຈອງບ່ອນພັກໃຫ້ແກ່ນັກທ່ອງທ່ຽວ ເຊິ່ງຕອນນີ້ກໍຖືກ Skyscanner, Airbnb, Booking.com ຫລື ແອັບອື່ນໆອີກຫລວງຫລາຍເຂົ້າມາແທນບ່ອນແລ້ວກໍມີ.

6. ພະນັກງານສາຍການຜະລິດຕ່າງໆ : ພະນັກງານເຫລົ່ານີ້ຈະເຮັດວຽກໃນນິຄົມອຸດສາຫະກຳຕ່າງໆ ເຊິ່ງຕອນນີ້ເລີ່ມມີການໃຊ້ຫຸ່ນຈັກເຂົ້າມາທົດແທນໄດ້ບາງພາກສ່ວນຮຽບຮ້ອຍແລ້ວ.

- Wave100S AD to Website 2020 0 - 10 ອາຊີບທີ່ກຳລັງຈະຫາຍໄປ ຝັນຮ້າຍຂອງມະນຸດເງິນເດືອນ

- 070401 2021 300x208 - 10 ອາຊີບທີ່ກຳລັງຈະຫາຍໄປ ຝັນຮ້າຍຂອງມະນຸດເງິນເດືອນ

7. ພະນັກງານເສີບອາຫານ : ບໍ່ໜ້າເຊື່ອວ່າໃນອະນຄົດເຮົາອາດຈະຍ່າງເຂົ້າໄປໃນຮ້ານອາຫານທີ່ບໍ່ມີພະນັກງານເສີບອາຫານເລີຍ ເພາະທຸກຢ່າງຖືກເຮັດຜ່ານ Tablet ໄດ້ໝົດ ແລະ ອາຫານກໍຖືກເອົາມາສົ່ງຢູ່ໂຕະໂດຍຫຸ່ນຈັກ. ໃນປະເທດລາວເຮົານັ້ນເຖິງວ່າຈະຍັງບໍ່ມີຫຸ່ນຈັກເສີບອາຫານ, ແຕ່ເຮົາກໍເລີ່ມເຫັນນະວັດຕະກຳການສັ່ງອາຫານຜ່ານ Tablet ໄດ້ໃນຮ້ານອາຫານບາງຮ້ານແລ້ວ.

8. ພະນັກງານທະນາຄານ : ໃນສະໄໝນີ້ ເຮົາເກືອບບໍ່ຕ້ອງໄປທະນາຄານ ຍົກເວັ້ນວ່າຈະເປັນເລື່ອງສຳຄັນໆແທ້ໆເທົ່ານັ້ນ. ທຸກມື້ນີ້ເຮົາມີໂຕຊ່ວຍດັ່ງແອັບມືຖືທີ່ເຮັດໃຫ້ເຮົາໂອນເງິນ, ຈ່າຍບິນໄດ້ຢ່າງງ່າຍດາຍ ໂດຍບໍ່ຕ້ອງຜ່ານເຈົ້າໜ້າທີ່ທະນາຄານ.

9. ທະຫານອາກາດ ແລະ ທະຫານ : ໃນປັດຈຸບັນ ໃນສະໜາມບິນເລີ່ມມີການໃຊ້ໂດຣນຫລາຍຂຶ້ນ ບໍ່ຕ້ອງເສຍຊັບພະຍາກອນຄົນໄປໂດຍບໍ່ເກີດປະໂຫຍດ ແລະ ຍັງມີຄວາມແນ່ນອນກ່ວາການໃຊ້ຄົນນຳອີກ.

10. ພະນັກງານກໍ່ສ້າງ : ເປັນອີກອາຊີບໜຶ່ງທີ່ຈະຫາຍໄປ ເພາະເຕັກໂນໂລຊີການຜະລິດໂດຍບໍ່ຕ້ອງໃຊ້ຄົນມີຄວາມກ້າວໜ້າຫລາຍຂຶ້ນເລື້ອຍໆ ອີກບໍ່ດົນເຮົາອາດຈະເຫັນຕຶກທີ່ຖືກສ້າງໂດຍຫຸ່ນຈັກ 100% ເລີຍກໍເປັນໄດ້.

(ຂໍ້ມູນອ້າງອີງ : https://www.alux.com/jobs-gone-automation-ai/) .

 

- WhatsApp Image 2020 05 27 at 5 - 10 ອາຊີບທີ່ກຳລັງຈະຫາຍໄປ ຝັນຮ້າຍຂອງມະນຸດເງິນເດືອນ
error: Alert: ເນື້ອຫາຂ່າວມີລິຂະສິດ !!