5 ວິທີເບິ່ງແຍງຕົນເອງໃຫ້ພ້ອມຮັບມືກັບອາກາດໜາວ

- 130401 2021 - 5 ວິທີເບິ່ງແຍງຕົນເອງໃຫ້ພ້ອມຮັບມືກັບອາກາດໜາວ
- Untitled design - 5 ວິທີເບິ່ງແຍງຕົນເອງໃຫ້ພ້ອມຮັບມືກັບອາກາດໜາວ

- 140401 2021 300x188 - 5 ວິທີເບິ່ງແຍງຕົນເອງໃຫ້ພ້ອມຮັບມືກັບອາກາດໜາວ

1. ກາຍພ້ອມ ໃຈພ້ອມ ເຮັດຮ່າງກາຍໃຫ້ອົບອຸ່ນ : ເຮົາຂໍແນະນຳໃຫ້ທຸກທ່ານເບິ່ງແຍງສຸຂະພາບຂອງຕົນເອງ ແລະ ຄົນໃນຄອບຄົວຢ່າງໃກ້ຊິດ ໂດຍການໝັ່ນເບິ່ງແຍງຮັກສາຮ່າງກາຍໃຫ້ອົບອຸ່ນຢູ່ສະເໝີ ແລະ ອາໄສຢູ່ໃນບ່ອນອົບອຸ່ນ ໂດຍສະເພາະກຸ່ມສ່ຽງທີ່ຕ້ອງເພີ່ມການເບິ່ງແຍງ ແລະ ລະມັດລະວັງເປັນພິເສດ ກໍຄື ກຸ່ມເດັກນ້ອຍ, ຜູ້ເຖົ້າ ແລະ ຜູ້ທີ່ມີພະຍາດປະຈຳໂຕ ເນື່ອງຈາກກຸ່ມດັ່ງກ່າວນີ້ສ່ຽງຕໍ່ການເຈັບປ່ວຍໄດ້ງ່າຍ ຫາກປ່ວຍຈະມີອາການຮຸນແຮງຫລາຍກ່ວາກຸ່ມອື່ນ. ດັ່ງນັ້ນ, ທຸກຄົນຈຶ່ງເບິ່ງແຍງສຸຂະພາບຮ່າງກາຍໃຫ້ແຂງແຮງໂດຍການອອກກຳລັງກາຍ ຕາມມາໂດຍການກິນອາຫານໃຫ້ຄົບ 5 ໝວດ ເຊິ່ງອາດຈະຊຳ້ໆກັບການທ່ອງຈື່ມາຕັ້ງແຕ່ສະໄໝຮຽນ, ແຕ່ນີ້ກໍແມ່ນເລື່ອງຈິງ ໃຜທີ່ຮູ້ວ່າເປັນພູມແພ້ກໍຄວນກິນໃຫ້ດີ, ນອນໃຫ້ໄດ້ ແລະ ພັກຜ່ອນໃຫ້ພຽງພໍ. ສ່ວນໃຜທີ່ຮ່າງກາຍພໍແຂງແຮງກໍຢ່າຖືເບົາໄປ ຄວນດື່ມເຄື່ອງດື່ມທີ່ສາມາດໃຫ້ຄວາມອົບອຸ່ນແກ່ຮ່າງກາຍໄດ້. ນອກເໜືອຈາກນັ້ນ ສຸຂະພາບຜິວກໍບໍ່ຄວນຖືເບົາ ແນະນຳໃຫ້ທາຄຣີມ ຫລື ຜະລິດຕະພັນທີ່ໃຫ້ຄວາມຊຸ່ມຊື່ນແກ່ຜິວ ບໍ່ປ່ອຍໃຫ້ຜິວແຫ້ງແຕກ ແລະ ລອກເປັນເກັດ ເພາະມັນຈະຄັນ ແລະ ເກົາ ຈົນອາດເກີດບາດແຜຕາມມາ ແລ້ວຜິວຂອງທ່ານກໍຈະບໍ່ງາມ.

- 100401 2021 300x200 - 5 ວິທີເບິ່ງແຍງຕົນເອງໃຫ້ພ້ອມຮັບມືກັບອາກາດໜາວ

2. ແຟຊັ່ນຍາມໜາວ ຕ້ອງມາແລ້ວ : ຄົ້ນຕູ້ ເສື້ອຜ້າອາພອນ ເຄື່ອງນຸ່ງຫົ່ມ, ຜ້າພັນຄໍ, ຖົງຕີນ-ຖົງມື, ໝວກໄໝພົມ, ຊຸດໜັງ ອັນໃດທີ່ກັນໜາວ ແລະ ເຮັດໃຫ້ຮ່າງກາຍເຮົາອົບອຸ່ນຂຶ້ນ ຮີບເອົາອອກມາເຮັດຄວາມສະອາດ ແລະ ນຸ່ງເພື່ອສ້າງຄວາມອົບອຸ່ນແກ່ຮ່າງກາຍເລີຍ ຍິ່ງໃຜທີ່ປີນີ້ຍັງບໍ່ໄດ້ມີແຟຊັ່ນຍາມໜາວອວດໝູ່ ກໍຮີບເອົາອອກມາດັດແປງປະສົມປະສານແຟຊັ່ນຍາມໜາວທີ່ເປັນເອກະລັກຂອງຕົນເອງໄດ້ແລ້ວ.

3. ງົດດື່ມເຄື່ອງດື່ມທີ່ມີອານກໍຮໍ,​ແຕ່ຍັງຕ້ອງລ້າງມືດ້ວຍເຈວ ຫລື ສະເປຣອານກໍຮໍຢູ່ : ການດື່ມອານກໍຮໍໃນຍາມໜາວອັນຕະລາຍເຖິງຊີວິດ ຫາກໃຜຕິດຕາມຂ່າວກໍຈະພົບວ່າມີຄົນເສຍຊີວິດຈາກການດື່ມເຫລົ້າໃນຍາມໜາວທຸກປີ ເພາະຄວາມນິຍົມທີ່ວ່າ ດື່ມເຫລົ້າເພື່ອຄາຍຄວາມໜາວເຢັນ ເພາະລິດຂອງເຫລົ້າຈະເຮັດໃຫ້ຮ່າງກາຍອົບອຸ່ນ, ແຕ່ທ່ານຮູ້ຫລືບໍ່ວ່າມັນເປັນຄວາມເຊື່ອທີ່ບໍ່ຖືກຕ້ອງ ການດື່ມສິ່ງມຶນເມົາເຂົ້າສູ່ຮ່າງກາຍໃນໄລຍະທຳອິດ ຫລອດເລືອດຝອຍໃຕ້ຜິວໜັງຈະຂະຫຍາຍໂຕ ເຮັດໃຫ້ຮູ້ສຶກຮ້ອນ ແລ້ວຮ່າງກາຍຈະລະບາຍຄວາມຮ້ອນຫລາຍຂຶ້ນໂດຍບໍ່ຮູ້ໂຕ ເຮັດໃຫ້ອຸນຫະພູມຂອງຮ່າງກາຍຫລຸດລົງຕໍ່າກ່ວາປົກກະຕິ ຫາກເຜີນອນຫລັບໄປ ເມື່ອຮ່າງກາຍສຳຜັດອາກາດເຢັນເປັນເວລາດົນ ອາດສົ່ງຜົນໃຫ້ຊັອກ ແລະ ເສຍຊີວິດໄດ້ໃນທີ່ສຸດ. ດັ່ງນັ້ນ, ຈົ່ງປ່ຽນຄວາມຄິດໃໝ່ ທ່ອງໄວ້ວ່າ ເວລານີ້ຕ້ອງງົດດື່ມເຄື່ອງດື່ມທີ່ມີອານກໍຮໍ, ແຕ່ຍັງຕ້ອງລ້າງມື ແລະ ສີດສະເປຣອານກໍຮໍ ເພື່ອຂ້າເຊື້ອໄວຣັສໂຄວິດ-19.

- Wave100S AD to Website 2020 0 - 5 ວິທີເບິ່ງແຍງຕົນເອງໃຫ້ພ້ອມຮັບມືກັບອາກາດໜາວ

- 120401 2021 300x200 - 5 ວິທີເບິ່ງແຍງຕົນເອງໃຫ້ພ້ອມຮັບມືກັບອາກາດໜາວ

4. ສັງເກດຜູ້ທີ່ກິນຢາບາງຊະນິດ : ໃຜບໍ່ເປັນພະຍາດກໍຖືວ່າເປັນລາບອັນປະເສີດ ສ່ວນໃຜທີ່ເປັນພະຍາດກໍຈົ່ງຟັງໃຫ້ດີໆ ໃນຍາວໜາວ ຫລື ຍາມອາກາດເຢັນແບບນີ້ ຄົນທີ່ເປັນໄບໂພລ່າ, ຊຶມເສົ້າ ຫລື ຜູ້ທີ່ກິນຢາບາງຊະນິດ ຄວນສັງເກດອາການຂອງຕົນເອງໃຫ້ດີ ເພາະຢາບາງຊະນິດເມື່ອກິນເຂົ້າໄປແລ້ວ ຈະມີຜົນເຮັດໃຫ້ອຸນຫະພູມໃນຮ່າງກາຍຂອງເຮົາຫລຸດລົງ ຍົກໂຕຢ່າງດັ່ງນີ້ : ຢາກ່ອມປະສາດ ຫລື ຢາປິ່ນປົວອາການຊັອກ ແລະ ສະໝຸນໄພອື່ນໆທີ່ມີຜົນເຮັດໃຫ້ອຸນຫະພູມຮ່າງກາຍຫລຸດຕໍ່າລົງ ຈົ່ງລະວັງ.

5. ໃສ່ໜ້າກາກອະນາໄມ, ລ້າງມື, ເວັ້ນໄລຍະຫ່າງກັບຄົນໃນຄອບຄົວ : ນອກຈາກໄຂ້ຫວັດໃຫຍ່ ແລະ ໂຄວິດ – 19 ແລ້ວ ໃນຍາມອາກາດໜາວເຢັນແບບນີ້ ທ່ານອາດສ່ຽງເກີດພະຍາດຕິດຕໍ່ທາງລະບົບການຫາຍໃຈທີ່ມີການຕິດຕໍ່ໃນລັກສະນະດຽວກັນໄດ້ງ່າຍ ທັງນີ້ຂໍແນະນຳໃຫ້ທ່ານອັດປາກ-ອັດດັງເມື່ອໄອຈາມ ຫລື ໃສ່ໜ້າກາກອະນາໄມຕະຫລອດເວລາ ທັງໃນເວລາທີ່ຢູ່ພາຍໃນເຮືອນ ຫລື ຢູ່ໃກ້ຊິດກັບຄົນໃນຄອບຄົວ ເພື່ອຫລີກເວັ້ນການຕິດເຊື້ອທີ່ອາດເກີດຂຶ້ນ ແລະ ຢ່າລືມໝັ່ນລ້າງມືດ້ວຍສະບູ ຫລື ເຈວອານກໍຮໍເປັນປະຈຳ ແລະ ຍັງຄວນເວັ້ນໄລຍະຫ່າງ, ແຍກສິ່ງຂອງເຄື່ອງໃຊ້ ສິ່ງສຳຄັນຄວນຫລີກເວັ້ນສະຖານທີ່ແອອັດ ເພື່ອຄວາມປອດໄພຂອງທຸກຄົນ.

- WhatsApp Image 2020 05 27 at 5 - 5 ວິທີເບິ່ງແຍງຕົນເອງໃຫ້ພ້ອມຮັບມືກັບອາກາດໜາວ
error: Alert: ເນື້ອຫາຂ່າວມີລິຂະສິດ !!