ຍີ່ປຸ່ນຊ່ວຍປັບປຸງສະຖານບໍລິການສາທາລະນະສຸກ ແລະ ໂຮງຮຽນ

- 147 - ຍີ່ປຸ່ນຊ່ວຍປັບປຸງສະຖານບໍລິການສາທາລະນະສຸກ ແລະ ໂຮງຮຽນ
- Untitled design - ຍີ່ປຸ່ນຊ່ວຍປັບປຸງສະຖານບໍລິການສາທາລະນະສຸກ ແລະ ໂຮງຮຽນ

ລັດຖະບານຍີ່ປຸ່ນ ໄດ້ໃຫ້ການຊ່ວຍເຫລືອລ້າ  522.221 ໂດລາສະຫະລັດ ສໍາລັບໂຄງການສາທາລະນະສຸກຢູ່ແຂວງຊຽງຂວາງ ແລະ ແຂວງວຽງຈັນ ແລະ ໂຄງການສຶກສາຢູ່ແຂວງຫລວງນ້ຳທາ, ອຸດົມໄຊ ແລະ ແຂວງໄຊຍະບູລີ ໂດຍຜ່ານໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGPs) ຊຶ່ງພິທີລົງນາມຮັບໂຄງການດັ່ງກ່າວໄດ້ຈັດຂຶ້ນທີ່ນະຄອນຫລວງວຽງຈັນໃນວັນທີ 20 ມັງກອນຜ່ານມານີ້ ລະຫວ່າງ ທ່ານ ທາເກວາກະ ເຄໂຊ ເອກອັກຄະຣາຊະທູດຍີ່ປຸ່ນ ປະຈໍາ ສປປ ລາວ ແລະ ບັນດາຕົວແທນຈາກການນຳຂັ້ນເມືອງ ແລະ ແຂວງ ທີ່ກ່ຽວຂ້ອງ.

- 741 300x225 - ຍີ່ປຸ່ນຊ່ວຍປັບປຸງສະຖານບໍລິການສາທາລະນະສຸກ ແລະ ໂຮງຮຽນ

ໜຶ່ງໃນໂຄງການສາທາລະນະສຸກ ແມ່ນຈະໄດ້ສ້າງສູນສຸຂະພາບຫລັງໃໝ່ ຢູ່ບ້ານພຽງດ່ານ ແຂວງຊຽງຂວາງ ເນື່ອງຈາກອາຄານຫລັງເກົ່າເປ່ເພ ຍ້ອນຖືກໄພນ້ຳຖ້ວມ ໃນປີ 2018 ຜ່ານມາ ແລະ ອີກ ໂຄງການ ໜຶ່ງແມ່ນຈະສ້າງສູນສຸຂະພາບແມ່ ແລະ ເດັກ ຢູ່ ເມືອງຫີນເຫີບ ແຂວງວຽງຈັນ ເພື່ອແນໃສ່ຍົກລະດັບຄວາມສາມາດ ແລະ ປັບປຸງສະພາບແວດລ້ອມໃນການເບິ່ງ ແຍງແມ່ໃນລະຫວ່າງຖືພາ.

ສຳລັບໂຄງການສຶກສາ ແມ່ນຈະສ້າງອາຄານໂຮງຮຽນມັດທະຍົມຕອນຕົ້ນນ້ຳບໍ່ ແຂວງ ຫລວງນ້ຳທາ, ມັດທະຍົມຕອນຕົ້ນພູວຽງໄຊ ແຂວງອຸດົມໄຊ ແລະ ໂຮງຮຽນອະນຸບານບ້ານທາດ ແຂວງໄຊຍະບູລີ, ພ້ອມປະກອບສິ່ງອຳນວຍຄວາມສະດວກອື່ນໆອີກ.

- Wave100S AD to Website 2020 0 - ຍີ່ປຸ່ນຊ່ວຍປັບປຸງສະຖານບໍລິການສາທາລະນະສຸກ ແລະ ໂຮງຮຽນ

ໃນກອງປະຊຸມລັດຖະມົນຕີ ການຕ່າງປະເທດແມ່ນ້ຳຂອງ-ຍີ່ປຸ່ນ ຄັ້ງທີ 13 ທີ່ຈັດຂຶ້ນໃນເດືອນກໍລະກົດ 2020 ທີ່ຜ່ານມາ, ລັດຖະບານຍີ່ປຸ່ນ ໄດ້ເນັ້ນວ່າ: ຈະຈັດຕັ້ງປະຕິບັດໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ ເປັນມູນຄ່າ 1 ຕື້ເຢນ ພາຍໃນໄລຍະທ້າຍເດືອນມີນາ 2021, ໃນຮູບແບບຂອງແຜນລິເລີ່ມ KUNASONE (ຮາກຫຍ້າ) ເພື່ອສົ່ງເສີມເປົ້າໝາຍການພັດທະນາທີ່ຍືນຍົງໃຫ້ແກ່ພາກພື້ນແມ່ນ້ຳຂອງ ແລະ ສົ່ງເສີມການພັດທະນາເສດຖະກິດ-ສັງ ຄົມຂອງທ້ອງຖິ່ນໃນບັນດາປະເທດພາກພື້ນແມ່ນ້ຳຂອງ, ລວມທັງ ສປປ ລາວ ເພື່ອຮັບ ປະກັນ “ບໍ່ໃຫ້ມີໃຜຖືກຖິ້ມໄວ້ທາງຫລັງ” ພ້ອມນີ້ ລັດຖະບານຍີ່ ປຸ່ນ ຈະສືບຕໍ່ໃຫ້ການຊ່ວຍເຫລືອລາວຕື່ມອີກໃນການ ປັບປຸງພື້ນຖານຊີວິດການເປັນຢູ່ຂັ້ນຮາກຖານຕໍ່ໄປ.

- WhatsApp Image 2020 05 27 at 5 - ຍີ່ປຸ່ນຊ່ວຍປັບປຸງສະຖານບໍລິການສາທາລະນະສຸກ ແລະ ໂຮງຮຽນ
error: Alert: ເນື້ອຫາຂ່າວມີລິຂະສິດ !!