ກອງທຶນໂດຍກົງແຫ່ງສະຫະພັນຣັດເຊຍ ມອບຢາວັກແຊັງປ້ອງກັນ ໂຄວິດ-19 ຈໍານວນ 1.000 ໂດສ ໃຫ້ກະຊວງສາທາລະນະສຸກ

- 111 - ກອງທຶນໂດຍກົງແຫ່ງສະຫະພັນຣັດເຊຍ ມອບຢາວັກແຊັງປ້ອງກັນ ໂຄວິດ-19 ຈໍານວນ 1.000 ໂດສ ໃຫ້ກະຊວງສາທາລະນະສຸກ
- Untitled design - ກອງທຶນໂດຍກົງແຫ່ງສະຫະພັນຣັດເຊຍ ມອບຢາວັກແຊັງປ້ອງກັນ ໂຄວິດ-19 ຈໍານວນ 1.000 ໂດສ ໃຫ້ກະຊວງສາທາລະນະສຸກ

ໃນວັນທີ 21 ມັງກອນ 2021 ທີ່ກະຊວງສາທາລະນະສຸກ, ກອງທຶນໂດຍກົງ ແຫ່ງສະ ຫະພັນຣັດເຊຍ ໄດ້ມອບຢາວັກແຊັງປ້ອງກັນພະຍາດໂຄວິດ-19 “Sputnik V” ຈຳນວນ 1.000 ໂດສ, ເຊິ່ງເປັນຊຸດທຳອິດ ໃຫ້ແກ່ລັດຖະບານລາວ. ຕາງໜ້າມອບ ໂດຍ ທ່ານ ພູວົງ ສຸ້ຍຍະວົງ ປະທານບໍລິສັດ ແອັດແລນຕິກ ອີນເຕີເນ ເຊີນແນວ ກຣູບ ຈຳກັດ ແລະ ຮັບໂດຍ ທ່ານ ດຣ.ພູທອນ ເມືອງປາກ ຮອງລັດຖະມົນຕີ ກະຊວງສາທາລະນະສຸກ, ຊຶ່ງມີ ທ່ານ ວະລາດີເມຍ ກາລີນິນ ເອກອັກຄະຣັດສະທູດຮັດເຊຍ ປະຈຳ ສປປ ລາວເຂົ້າຮ່ວມເປັນສັກຂີພິຍານນຳດ້ວຍ ແລະ ທ່ານໄດ້ກ່າວໃນພິທີວ່າ:

- 222 300x169 - ກອງທຶນໂດຍກົງແຫ່ງສະຫະພັນຣັດເຊຍ ມອບຢາວັກແຊັງປ້ອງກັນ ໂຄວິດ-19 ຈໍານວນ 1.000 ໂດສ ໃຫ້ກະຊວງສາທາລະນະສຸກ

“Sputnik V” ແມ່ນຢາວັກແຊັງທີ່ລົງ ທະບຽນເປັນຄັ້ງທຳອິດຂອງໂລກ ທີ່ມີປະສິດທິພາບທາງດ້ານຄຣີນິກເທົ່າກັບ 91,4% ແລະ 100% ສໍາລັບກໍລະນີຮ້າຍແຮງ ທີ່ພັດທະນາໂດຍ ສູນລະບາດວິທະຍາ ແລະ ຈຸລິນຊີວິທະຍາແຫ່ງຊາດ ກາ ມາເລຢາ, ເຊິ່ງເປັນໜຶ່ງໃນສະຖາບັນຄົ້ນຄວ້າຊັ້ນນຳຂອງໂລກ.

ທ່ານທູດໃຫ້ຮູ້ວ່າ: ປັດຈຸບັນນີ້, ພົນລະເມືອງຂອງຣັດເຊຍ ເກືອບ 1 ລ້ານຄົນ ໄດ້ຮັບການສັກຢາ “Sputnik V” ເປັນທີ່ຮຽບຮ້ອຍແລ້ວ ໂດຍບໍ່ມີຜົນຂ້າງຄຽງໃດໆ. ຫລາຍກວ່າ 50 ປະເທດ ໄດ້ຍື່ນໃບສະໝັກສໍາລັບການຊື້ຢາວັກ ແຊັງຂອງຣັດເຊຍປະມານ 1,2 ຕື້ໂດສ, ໂດຍສະເພາະ ຫວຽດນາມ, ອິນໂດເນເຊຍ, ມາເລເຊຍ ແລະ ຟີລິບປິນ ພາຍໃນປະຊາຄົມອາຊຽນ. ຂ້າພະເຈົ້າ ມີຄວາມຍິນດີທີ່ຈະປະກາດວ່າ ຣັດເຊຍ ແລະ ລາວ ໄດ້ຕົກລົງເຫັນດີໃນການສະໜອງຢາວັກແຊັງ “Sputnik V” ຈຳນວນ 2 ລ້ານໂດສ ໃຫ້ແກ່  ລາວ ນັ້ນໝາຍຄວາມວ່າ 25% ຂອງປະຊາກອນລາວ ຈະໄດ້ຮັບຢາວັກແຊັງ ທີ່ມີປະສິດ ທິພາບ ແລະ ປອດໄພ ຈາກຣັດເຊຍ.

- Wave100S AD to Website 2020 0 - ກອງທຶນໂດຍກົງແຫ່ງສະຫະພັນຣັດເຊຍ ມອບຢາວັກແຊັງປ້ອງກັນ ໂຄວິດ-19 ຈໍານວນ 1.000 ໂດສ ໃຫ້ກະຊວງສາທາລະນະສຸກ

ໂອກາດນີ້, ທ່ານ ດຣ. ພູທອນ ເມືອງປາກ ໄດ້ກ່າວສະແດງຄວາມຂອບໃຈມາຍັງບໍລິສັດກໍຄື ລັດຖະບານຣັດເຊຍ ທີ່ໄດ້ໃຫ້ການຊ່ວຍເຫລືອແກ່ ສປປ ລາວ. ພວກເຮົາມີຄວາມເຊື່ອໝັ້ນ ແລະ ຈະນຳໃຊ້ຢາວັກແຊັງດັ່ງກ່າວ ໃນກຸ່ມເປົ້າໝາຍທີ່ມີຄວາມສ່ຽງສູງ ທີ່ໄດ້ກຳນົດໄວ້ແລ້ວ ເປັນຕົ້ນແມ່ນ ບັນດາແພດໝໍ, ພະນັກງານທີ່ປະຕິບັດໜ້າທີ່ຢູ່ດ່ານ ແລະ ສູນຈຳກັດບໍລິເວນຕ່າງໆ, ຜູ້ອາຍູສູງ ແລະ ກຸ່ມສ່ຽງຕ່າງໆ ແລະ ຫວັງວ່າ ລັດຖະບານຣັດເຊຍ ຈະສືບຕໍ່ຊ່ວຍເຫລືອຢາວັກແຊັງ ຕາມທີ່ໄດ້ຕົກລົງກັນໄວ້ໃນຈຳນວນ 2 ລ້ານໂດສ ໃຫ້ແກ່ ສປປ ລາວ.

- WhatsApp Image 2020 05 27 at 5 - ກອງທຶນໂດຍກົງແຫ່ງສະຫະພັນຣັດເຊຍ ມອບຢາວັກແຊັງປ້ອງກັນ ໂຄວິດ-19 ຈໍານວນ 1.000 ໂດສ ໃຫ້ກະຊວງສາທາລະນະສຸກ
error: Alert: ເນື້ອຫາຂ່າວມີລິຂະສິດ !!