ຍົກລະດັບວຽກງານອະນຸລັກສັດປ່າໃຫ້ສື່ມວນຊົນລາວ

- 987 - ຍົກລະດັບວຽກງານອະນຸລັກສັດປ່າໃຫ້ສື່ມວນຊົນລາວ
- Untitled design - ຍົກລະດັບວຽກງານອະນຸລັກສັດປ່າໃຫ້ສື່ມວນຊົນລາວ

ສື່ມວນຊົນລາວ ຈາກຫລາຍພາກສ່ວນ ທັງສູນກາງ ແລະ ທ້ອງຖິ່ນ ໄດ້ເຂົ້າຮ່ວມຍົກລະດັບຄວາມຮູ້ ກ່ຽວກັບວຽກງານອະນຸລັກ ແລະ ສະກັດກັ້ນ ການຄ້າຂາຍສັດປ່າ, ໄດ້ຈັດຂຶ້ນໃນວັນທີ 18-24 ມັງກອນນີ້ ຢູ່ຫ້ອງການອຸທິຍານແຫ່ງຊາດ ນໍ້າແອດ-ພູເລີຍ, ເມືອງຮ້ຽມ ແຂວງຫົວພັນ, ໂດຍສະມາຄົມນັກຂ່າວ ແຫ່ງ ສປປ ລາວ ຮ່ວມກັບອົງການອະນຸລັກສັດ (WCS) , ພາຍຫລັງໄດ້ຮັບການສະໜັບສະໜູນ ຈາກອົງການຮ່ວມມືເຢຍລະມັນ (GIZ) ປະຈໍາລາວ.

ໃນການສໍາມະນາ, ສື່ມວນຊົນລາວໄດ້ ແລກປ່ຽນຄວາມຮູ້ໃນວຽກງານອານຸລັກສັດປ່າ ຈາກອົງການ WCS ແລະ ເຈົ້າໜ້າທີ່ກອງຄຸ້ມຄອງເຂດອຸທິຍານດັ່ງກ່າວ, ເປັນຕົ້ນແມ່ນວຽກງານສົ່ງເສີມການມີສ່ວນຮ່ວມ ຂອງປະຊາຊົນທ້ອງ ຖິ່ນໃນການອະນຸລັກສັດປ່າ ແລະ ທໍາມະຊາດ, ການສົ່ງເສີມໃຫ້ປະຊາຊົນມີລາຍຮັບ ຈາກການບໍລິການທ່ອງທ່ຽວພາຍໃນອຸທິຍານຜ່ານສອງກິດຈະກໍາ ຄື: ການລ່ອງເຮືອ ເພື່ອຊົມສັດປ່າໃນຍາມຄໍ່າຄືນ ແລະ ການຍ່າງປ່າເພື່ອຊົມສັດປ່າ ແລະ ທໍາມະຊາດ ຢູ່ອຸທິຍານແຫ່ງນີ້ ເພື່ອບໍ່ໃຫ້ປະຊາຊົນເຂົ້າໄປບຸກລຸກ ແລະ ທໍາລາຍປ່າໄມ້ ດ້ວຍການຈັບ ຈອງດິນເພື່ອເຮັດການຜະລິດ, ຂຸດຄົ້ນໄມ້ ແລະ ລ່າສັດປ່າ. ພ້ອມໄດ້ຮັບຟັງລາຍງານກ່ຽວກັບສະພາບການຄ້າຂາຍສັດປ່າ ກໍຄື ອາຊະຍາກໍາທາງສັດປ່າທີ່ເກີດຂຶ້ນໃນພາກພື້ນ ແລະ ໃນລາວ ທີ່ຍັງມີຢ່າງຕໍ່ເນື່ອງໃນຫລາຍຮູບແບບ, ເພື່ອເປັນຂໍ້ມູນນໍາໃຊ້ເຂົ້າໃນການຂຽນຂ່າວ ແລະ ຜະລິດລາຍການຕ່າງໆ ກ່ຽວກັບການອະນຸລັກ ແລະ ສະກັດກັ້ນການຄ້າຂາຍສັດປ່າ ໃຫ້ສັງຄົມໄດ້ຮັບຮູ້ຢ່າງຖືກຕ້ອງ, ເພື່ອສະກັດກັ້ນສະພາບການລ້າ ແລະ ຄ້າຂາຍສັດປ່າ ຢູ່ປະເທດເຮົາໃຫ້ລຸດລົງ.

- Wave100S AD to Website 2020 0 - ຍົກລະດັບວຽກງານອະນຸລັກສັດປ່າໃຫ້ສື່ມວນຊົນລາວ

ສໍາລັບ ອຸທິຍານແຫ່ງຊາດນໍ້າແອດ-ພູເລີຍ, ຖືກຍົກລະດັບຈາກປ່າສະຫງວນແຫ່ງຊາດນໍ້າແອດ-ພູເລີຍໃນເມື່ອກ່ອນ, ເຊິ່ງເປັນໜຶ່ງໃນປ່າສະຫງວນ 25 ແຫ່ງໃນ ສປປ ລາວ, ມີຄວາມສໍາຄັນລະດັບຊາດ ກໍຄື ລະດັບໂລກ. ເນື່ອງຈາກອຸທິຍານແຫ່ງນີ້, ເປັນແຫລ່ງສະໜອງອາຫານແບບຍືນຍົງ, ເປັນແຫລ່ງຍອດ ນໍ້າ, ຂະຫຍາຍສັດປ່າ, ແຫລ່ງພືດເປັນຢາ ແລະ ຊ່ວຍຫລຸດຜ່ອນ ການປ່ຽນແປງດິນຟ້າອາກາດ. ປັດຈຸບັນ, ອຸທິຍານແຫ່ງນີ້ ມີເນື້ອທີ່ຫລາຍກວ່າ 4 ແສນເຮັກຕາ. ມີສັດປ່າສະຫງວນ ທີ່ໃກ້ສູນພັນປະເພດເສືອໂຄ່ງກວ່າ 6 ຊະນິດ, ສັດລ້ຽງລູກດ້ວຍນົມ ຫລາຍກວ່າ 50 ສາຍພັນ ແລະ ນົກຫລາຍກວ່າ 300 ສາຍພັນ.

- WhatsApp Image 2020 05 27 at 5 - ຍົກລະດັບວຽກງານອະນຸລັກສັດປ່າໃຫ້ສື່ມວນຊົນລາວ

Comment

    Anonymous
    24/01/2021 - 2:18 pm

    ຄືວ່າມີແຕ່ 1.000 ດົດແມ່ນບໍ່ຂ່າວນີ້ນາ

Comments are closed.

error: Alert: ເນື້ອຫາຂ່າວມີລິຂະສິດ !!