ການຄຸ້ມຄອງສັດປ່າ ໃນເຂດອຸທິຍານແຫ່ງຊາດນໍ້າແອດ-ພູເລີຍ ຍັງມີສິ່ງທ້າທາຍ

ການຄຸ້ມຄອງສັດປ່າ ໃນເຂດອຸທິຍານແຫ່ງຊາດນໍ້າແອດ-ພູເລີຍ ຍັງມີສິ່ງທ້າທາຍ - 126081256 3780160372018936 5436558424321040469 o - ການຄຸ້ມຄອງສັດປ່າ ໃນເຂດອຸທິຍານແຫ່ງຊາດນໍ້າແອດ-ພູເລີຍ ຍັງມີສິ່ງທ້າທາຍ
ການຄຸ້ມຄອງສັດປ່າ ໃນເຂດອຸທິຍານແຫ່ງຊາດນໍ້າແອດ-ພູເລີຍ ຍັງມີສິ່ງທ້າທາຍ - Untitled design - ການຄຸ້ມຄອງສັດປ່າ ໃນເຂດອຸທິຍານແຫ່ງຊາດນໍ້າແອດ-ພູເລີຍ ຍັງມີສິ່ງທ້າທາຍ

ພາຍຫລັງລັດຖະບານ ໄດ້ຍົກລະດັບປ່າສະຫງວນແຫ່ງຊາດນໍ້າແອດ-ພູເລີຍ, ຂຶ້ນເປັນອຸ ທິຍານແຫ່ງຊາດ ແຕ່ປີ 2019 ເປັນຕົ້ນມາ, ໜຶ່ງໃນວຽກງານທີ່ມີຄວາມຫຍຸ້ງຍາກ ແລະ ເປັນສິ່ງທ້າທາຍທີ່ສຸດ ກໍຄື ການຕິດຕາມກວດກາ ແລະ ສະກັດກັ້ນຜູ້ລັກລອບລ່າສັດ ແລະ ຕັດໄມ້ໃນເຂດອຸທິຍານດັ່ງກ່າວ.
ທ່ານ ເອ່ວ ທະນູໄຊ ຫົວໜ້າທີມກວດກາລາດຕະເວນໃນເຂດອຸທິຍານ ໃຫ້ຮູ້ວ່າ: ອຸທິຍານແຫ່ງນີ້, ມີເນື້ອທີ່ 4 ແສນກວ່າເຮັກຕາ, ກວມເອົາ 10 ເມືອງ ຂອງ 3 ແຂວງ ຄື :ເມືອງຮ້ຽມ, ເມືອງຊ່ອນ, ເມືອງແອດ, ຫົວເມືອງ ແລະ ເມືອງຊໍາເໜືອ ແຂວງຫົວພັນ; ເມືອງວຽງຄໍາ, ປາກແຊງ ແລະ ເມືອງໂພນໄຊ ແຂວງຫລວງພະບາງ ແລະ ເມືອງພູກູູດ ແຂວງຊຽງຂວາງ. ມີປະຊາຊົນອາໄສຢູ່ຕິດແປະ ແລະ ໃກ້ຄຽງ ທັງໝົດ 107 ບ້ານ ລວມມີປະຊາກອນທັງໝົດ 35 ພັນກວ່າຄົນ. ອຸທິຍານແຫ່ງນີ້, ໄດ້ແບ່ງອອກເປັນ 3 ເຂດ ຄື: ເຂດຫວງຫ້າມເດັດຂາດ, ເຂດຄຸ້ມຄອງນໍາໃຊ້ ແລະ ເຂດກັນຊົນ. ຊຶ່ງຍ້ອນມີເນື້ອທີ່ກວ້າງໃຫຍ່ດັ່ງກ່າວ, ຈຶ່ງເຮັດໃຫ້ການປະຕິບັດວຽກງານປົກປັກຮັກສາ ແລະ ຄຸ້ມຄອງສັດປ່າມີຄວາມຫຍຸ້ງຍາກ ແລະ ທ້າທາຍສູງ, ອັນທີຫນຶ່ງແມ່ນຍ້ອນວ່າໃນປັດຈຸບັນ ທີມກວດ ກາລາດຕະເວນໃນເຂດອຸທິຍານແຫ່ງນີ້, ມີພຽງ 40 ກວ່າຄົນເທົ່ານັ້ນ, ໂດຍໄດ້ແບ່ງອອກເປັນ 8 ກຸ່ມເຊັ່ນ: 2 ກຸ່ມ ແມ່ນເວນຍາມປ້ອມ ແລະ ອີກ 6 ກຸ່ມ ແມ່ນລາດຕະເວນໄປຕາມປ່າໃນຕະຫລອດປີ, ເຊິ່ງບາງຄັ້ງ ກໍມີຄວາມສ່ຽງຖືກປະທະກັບຜູ້ລະເມີດໃນຫລາຍຮູບແບບ, ຂະນະດຽວກັນການບັງຄັບໃຊ້ກົດໝາຍ ຫລື ແກ້ໄຂຄະດີ ທີ່ເປັນການລັກລອບເຂົ້າໄປໃນເຂດອຸທິຍານ ຍັງບໍ່ມີຄວາມເດັດຂາດ ແລະ ເຂັ້ມງວດເທົ່າທີ່ຄວນຄືນັບແຕ່ເດືອນທັນວາ 2020 ມາຮອດຕົ້ນເດືອນມັງກອນ 2021 ນີ້ໄດ້ພົບເຫັນຜູ້ລະເມີດເຂົ້າໄປລັກລອບລ່າສັດປ່າ-ສັດນໍ້າ ແລະ ຕັດໄມ້ຫລາຍກວ່າ 40 ຄັ້ງ, ໂດຍຜູ້ກະທໍາຜິດສ່ວນໃຫຍ່ກໍແມ່ນປະຊາຊົນຢູ່ໃກ້ຄຽງ. ນອກນີ້, ຍັງມີເຈົ້າໜ້າທີ່ລັດ ແລະ ຊາວຕ່າງປະເທດອີກຈໍານວນໜຶ່ງ. ເວົ້າລວມແລ້ວ, ເຂດອຸທິຍານແຫ່ງຊາດນໍ້າແອດ-ພູເລີຍ ແມ່ນມີຄວາມສໍາຄັນຫລາຍສໍາລັບສິ່ງທີ່ມີຊີວິດ ເປັນແຫລ່ງທີ່ສ້າງຄວາມສົດຊື່ນຍືນຍົງຂອງທໍາມະຊາດ, ປ່າໄມ້, ແຫລ່ງນໍ້າ ແລະ ຍັງຖືໄດ້ວ່າ ເປັນເຮືອນຫລັງສຸດທ້າຍຂອງສັດປ່ານາໆຊະນິດໄດ້ເພີ່ງພາອາໄສ. ປັດຈຸບັນ, ໃນອຸທິຍານແຫ່ງນີ້, ໄດ້ພົບເຫັນສັດກິນຊີ້ນປະເພດເສືອຫລາຍກວ່າ 9 ຊະນິດ, ສັດລ້ຽງລູກດ້ວຍນົມຫລາຍກວ່າ 50 ຊະນິດ, ສັດປີກປະມານ 300 ກວ່າຊະນິດ ແລະ ສັດປະເພດອື່ນໆ ເປັນຈໍານວນຫລາຍ.
ໃນຜ່ານມາເຖິງວ່າລັດຖະບານເຮົາ ຍັງບໍ່ໄດ້ ສະຫນອງງົບປະມານເຂົ້າໃນການປະຕິບັດວຽກງານບໍລິຫານ ແລະ ຄຸ້ມຄອງ ໃນອຸທິຍານດັ່ງກ່າວ, ແຕ່ກໍມີຫລາຍອົງການໄດ້ເຂົ້າໄປຊ່ວຍເຫລືອຄື ນັບແຕ່ປີ 2003 ເປັນຕົ້ນມາ ແມ່ນອົງການອານຸລັກສັດປ່າ (WCS) ໄດ້ເຂົ້າມາຮ່ວມມືກັບພາກລັດກ່ຽວຂ້ອງໃນການສ້າງ ນິຕິກໍາເພື່ອຄຸ້ມຄອງ, ສົ່ງເສີມການມີສ່ວນຮ່ວມຂອງຊຸມຊົນ, ສ້າງກິດຈະກໍາ ການທ່ອງທ່ຽວແບບຊຸມຊົນມີສ່ວນຮ່ວມ ແລະ ການຈັດສັນອາຊີບອື່ນແທນການຖາງປ່າ ແລະ ລ່າສັດຂອງປະຊາຊົນໃນເຂດອຸທິຍານດັ່ງກ່າວອີກດ້ວຍ.

ການຄຸ້ມຄອງສັດປ່າ ໃນເຂດອຸທິຍານແຫ່ງຊາດນໍ້າແອດ-ພູເລີຍ ຍັງມີສິ່ງທ້າທາຍ - Wave100S AD to Website 2020 0 - ການຄຸ້ມຄອງສັດປ່າ ໃນເຂດອຸທິຍານແຫ່ງຊາດນໍ້າແອດ-ພູເລີຍ ຍັງມີສິ່ງທ້າທາຍ
ການຄຸ້ມຄອງສັດປ່າ ໃນເຂດອຸທິຍານແຫ່ງຊາດນໍ້າແອດ-ພູເລີຍ ຍັງມີສິ່ງທ້າທາຍ - WhatsApp Image 2020 05 27 at 5 - ການຄຸ້ມຄອງສັດປ່າ ໃນເຂດອຸທິຍານແຫ່ງຊາດນໍ້າແອດ-ພູເລີຍ ຍັງມີສິ່ງທ້າທາຍ
ການຄຸ້ມຄອງສັດປ່າ ໃນເຂດອຸທິຍານແຫ່ງຊາດນໍ້າແອດ-ພູເລີຍ ຍັງມີສິ່ງທ້າທາຍ - WhatsApp Image 2020 05 27 at 5 - ການຄຸ້ມຄອງສັດປ່າ ໃນເຂດອຸທິຍານແຫ່ງຊາດນໍ້າແອດ-ພູເລີຍ ຍັງມີສິ່ງທ້າທາຍ
error: Alert: ເນື້ອຫາຂ່າວມີລິຂະສິດ !!