ອີຣານ ວາງເງື່ອນໄຂເຈລະຈາ ນິວເຄຣຍ

ອີຣານ ວາງເງື່ອນໄຂເຈລະຈາ ນິວເຄຣຍ - Iran zarif strategy of nuclear program 20012021 768x461 1 - ອີຣານ ວາງເງື່ອນໄຂເຈລະຈາ ນິວເຄຣຍ
ອີຣານ ວາງເງື່ອນໄຂເຈລະຈາ ນິວເຄຣຍ - Untitled design - ອີຣານ ວາງເງື່ອນໄຂເຈລະຈາ ນິວເຄຣຍ

ໜັງສືພິມ ຕາເວັນອອກກາງລາຍງານ ເມື່ອວັນທີ 25 ມັງກອນນີ້ວ່າ ບັນດານັກການທູດຂອງ ອີຣານ ໄດ້ປຶກສາຫາລືກັບລັດຖະບານຂອງ ໂຈໄບເດັນ ກ່ຽວກັບການຟື້ນຟູຄືນຂໍ້ຕົກລົງ ນິວເຄຣຍ ພ້ອມທັງວາງເງື່ອນໄຂໃໝ່ອອກມາ 7 ເງື່ອນໄຂ.

ໂຈໄບເດັນ ໄດ້ສະແດງຄວາມສະໜັບສະໜູນ ໃຫ້ກັບຄືນມາໃນໂຄງການນິວເຄຣຍສາກົນ ຊຶ່ງອະດີດປະທານາທິບໍດີ ໂດນັລທຣຳ ໄດ້ຖອນຕົວອອກໃນປີ 2018 ຜ່ານມາ. ບັນດາເຈົ້າໜ້າທີ່ໃນລັດຖະບານໃໝ່ ຂອງໄບເດັນ ກຳລັງດຳເນີນການເຈລະຈາກັບຕົວແທນຂອງ ອີຣານຢູ່.

ເງື່ອນໄຂທຳອິດ ທີ່ທາງການ ອີຣານ ວາງອອກກໍຄື ອີຣານຈະບໍ່ຍອມຮັບການຜ່ອນຜັນການລົງໂທດສ່ວນໃດສ່ວນໜຶ່ງ. ເຕເຮຣານ ຢືນຢັນວ່າ ສະຫະລັດຕ້ອງປະຕິບັດຕາມທຸກເງື່ອນໄຂຂອງຂໍ້ຕົກລົງ ສາກົນ, ຊຶ່ງໃນນັ້ນລວມທັງບັນຫາຍົກເລີກການປິດລ້ອມທັງໝົດຕໍ່ອີຣານ.

ເງື່ອນໄຂທີສອງ: ທຸກບັນຫາທີ່ບໍ່ເຂົ້າແກັບເຂົ້າເກຍກັນ ຕ້ອງໄດ້ປຶກສາຫາລືກັນຢູ່ໃນກອບຂອງຄະນະເຈລະຈາ. ໜຶ່ງໃນບັນຫາບໍ່ລົ່ງລອຍກັນໃນຂະນະນີ້ ແມ່ນການຮຽກຮ້ອງຂອງຝ່າຍອີຣານ ໃຫ້ສະຫະລັດ ໃຊ້ແທນຄືນຜົນເສຍຫາຍທັງໝົດ ທີ່ໄດ້ຮັບຈາກການ ຈີກສັນຍານິວເຄຣຍ ແລະ ການລົງໂທດຂອງອະດີດປະທານາທິບໍດີ ໂດນັລທຣຳ ສ້າງຂຶ້ນ.

ເງື່ອນໄຂທີສາມ: ເຕເຮຣານ ຈະບໍ່ຍອມຮັບການນຳໃຊ້ບັນດາມາດຕາຂອງຂໍ້ຕົກລົງນິວເຄຣຍ ເພື່ອແກ້ໄຂບັນຫາເປັນແຕ່ລະອັນສະເພາະ, ເຊັ່ນວ່າ ບັນຫາໂຄງການລູກສອນໄຟ ແລະ ການເຄື່ອນໄຫວຂອງ ເຕເຮຣານ ຢູ່ ຕ່າງປະເທດ.

ອີຣານ ວາງເງື່ອນໄຂເຈລະຈາ ນິວເຄຣຍ - Wave100S AD to Website 2020 0 - ອີຣານ ວາງເງື່ອນໄຂເຈລະຈາ ນິວເຄຣຍ

ເງື່ອນໄຂທີສີ່: ບໍ່ໃຫ້ມີສະມາຊິກເພີ່ມເຕີມອີກໃນຄະນະເຈລະຈາ ສາກົນ ນັບທັງບັນດາປະເທດ ອາຣັບ, ນອກຈາກ ອີຣານ ກັບ ກຸ່ມ P5+1 ຊື່ງລວມມີ: ສະຫະລັດອາເມລິກາ, ລັດເຊຍ, ຈີນ, ຝຣັ່ງ, ອັງກິດ ແລະ ເຢຍລະມັນ ເທົ່ານັ້ນ.

ເງື່ອນໄຂທີ ຫ້າ: ເລື່ອງຄວາມກັງວົນຂອງບັນດາປະເທດໃນຂົງເຂດນັ້ນ ແມ່ນໃຫ້ປຶກສາຫາລືເປັນບັນຫາສະເພາະ ບໍ່ໃຫ້ເອົາລວມເຂົ້າໃນໂຄງການເຈລະຈາ ນິວເຄຣຍ ຂອງອີຣານ.

ເງື່ອນໄຂທີຫົກ: ເຖິງແມ່ນ ອີຣານ ຈະບໍ່ຕຽມພ້ອມການເຈລະຈາບັນຫາລູກສອນໄຟກໍຕາມ ແຕ່ ອີຣານ ຍອມຮັບການເຈລະຈາກ່ຽວກັບຂອບການຄວບຄຸມອາວູດຢູ່ໃນພາກພື້ນ ພາຍໃຕ້ການຕິດຕາມຢ່າງໃກ້ສິດຂອງ ສະຫະປະຊາຊາດ, ພິເສດແມ່ນຄວາມເປັນຫວ່ງການພັດທະນາລູກສອນໄຟ ແລະ ນິວເຄຣຍຂອງ ອິດສະລາເອວ.

ເງື່ອນໄຂທີເຈັດ: ອີຣານຈະບໍ່ເຫັນດີນຳວິທີການແກ້ໄຂໃຫ້ກັບ 2 ລັດ ອິດສະລາເອວ ແລະ ປາແລດສະຕີນ. ບັນດາປະເທດ ມຸດສະລີມ ຮຽກຮ້ອງໃຫ້ສະຫະປະຊາຊາດ ຕ້ອງທາບທາມຢັ່ງຫາງສຽງຂອງປະຊາຊົນ ຢິວ ແລະ ປາແລດສະຕີນ ກ່ຽວກັບບັນຫາດັ່ງກ່າວ.

ອີຣານ ວາງເງື່ອນໄຂເຈລະຈາ ນິວເຄຣຍ - WhatsApp Image 2020 05 27 at 5 - ອີຣານ ວາງເງື່ອນໄຂເຈລະຈາ ນິວເຄຣຍ
ອີຣານ ວາງເງື່ອນໄຂເຈລະຈາ ນິວເຄຣຍ - WhatsApp Image 2020 05 27 at 5 - ອີຣານ ວາງເງື່ອນໄຂເຈລະຈາ ນິວເຄຣຍ
error: Alert: ເນື້ອຫາຂ່າວມີລິຂະສິດ !!