ນັກຮຽນລາວ 3 ຄົນໄດ້ຮັບທຶນໄປສຶກສາຕໍ່ຢູ່ປະເທດຝຣັ່ງ

- advert banner 728 90 728x90 - ນັກຮຽນລາວ 3 ຄົນໄດ້ຮັບທຶນໄປສຶກສາຕໍ່ຢູ່ປະເທດຝຣັ່ງ

ນັກຮຽນລາວ ຈຳນວນ 3 ຄົນທີ່ຮຽນຈົບມັດທະຍົມຕອນປາຍ (ມ7) ຈາກໂຮງຮຽນ ມສ ວຽງຈັນ ແລະ ໂຮງຮຽນມັດທະຍົມຝຣັ່ງໄດ້ຮັບທຶນໄປສຶກສາຕໍ່ວິຊາຊີບຢູ່ມະຫາວິທະຍາໄລດ້ານເຕັກໂນໂລຊີທີ່ມີຊື່ສຽງຢູ່ປະເທດຝຣັ່ງ ເປັນເວລາ 2 ປີ, ໂດຍໄດ້ຮັບການສະໜັບສະໜູນຈາກບໍລິສັດໄຟຟ້ານ້ຳເທີນ 2 ແລະ ພິທີເຊັນສັນຍາມອບທຶນດັ່ງກ່າວໄດ້ຈັດຂຶ້ນໃນວັນທີ 6 ກໍລະກົດນີ້ ລະຫວ່າງທ່ານນາງ ໂກຣດີນ ເລີດູ ເອກອັກຄະລັດຖະທູດຝຣັ່ງປະຈໍາລາວ ແລະ ທ່ານ ເຟຣເດຣິກ ອອບຟ໌ ອຳນວຍການໃຫຍ່ບໍລິສັດໄຟຟ້ານ້ຳເທີນ 2 ໂດຍມີພາກສ່ວນກ່ຽວຂ້ອງເຂົ້າຮ່ວມເປັນສັກຂີພິຍານ.

- new3 - ນັກຮຽນລາວ 3 ຄົນໄດ້ຮັບທຶນໄປສຶກສາຕໍ່ຢູ່ປະເທດຝຣັ່ງ

ນັກຮຽນທັງສາມຄົນຈະເດີນທາງໃນວັນທີ 21 ກໍລະກົດນີ້ ແລະ ພາຍຫລັງຮຽນຈົບມາແລ້ວຈະໄດ້ມີໂອກາດເຂົ້າເຮັດວຽກກັບບໍລິສັດໄຟຟ້ານ້ຳເທີນ 2.

ໂຄງການໃຫ້ທຶນການສຶກສາດັ່ງກ່າວໄດ້ເລີ່ມມາແຕ່ປີ 2015 ໂດຍມີນັກ ຮຽນນັກສຶກສາຈໍານວນ 7 ຄົນ, ປັດຈຸບັນນັກສຶກສາເຫລົ່ານັ້ນພວມຮໍ່າຮຽນໃນປະເທດຝຣັ່ງ, ການໃຫ້ທຶນດັ່ງກ່າວເປັນການປະກອບສ່ວນເຂົ້າໃນການພັດທະນາບຸກຄະລາກອນ ເພື່ອຕອບສະໜອງຄວາມຕ້ອງການຂອງຂະແໜງ ອຸດສາຫະກຳພະລັງງານ ແລະ ອື່ນໆ.

- lattana 1 - ນັກຮຽນລາວ 3 ຄົນໄດ້ຮັບທຶນໄປສຶກສາຕໍ່ຢູ່ປະເທດຝຣັ່ງ
error: Content is protected !!