ທ່ານ ໂຈ ໄບເດນ ຈະປ່ຽນລົດທັງໝົດຂອງລັດຖະບານອາເມລິກາ ເປັນລົດໄຟຟ້າ

ທ່ານ ໂຈ ໄບເດນ ຈະປ່ຽນລົດທັງໝົດຂອງລັດຖະບານອາເມລິກາ ເປັນລົດໄຟຟ້າ - image 8 1 - ທ່ານ ໂຈ ໄບເດນ ຈະປ່ຽນລົດທັງໝົດຂອງລັດຖະບານອາເມລິກາ ເປັນລົດໄຟຟ້າ
ທ່ານ ໂຈ ໄບເດນ ຈະປ່ຽນລົດທັງໝົດຂອງລັດຖະບານອາເມລິກາ ເປັນລົດໄຟຟ້າ - Untitled design - ທ່ານ ໂຈ ໄບເດນ ຈະປ່ຽນລົດທັງໝົດຂອງລັດຖະບານອາເມລິກາ ເປັນລົດໄຟຟ້າ

ປະທານາທິບໍດີ ​ໂຈ ​ໄບ​ເດນ ປະກາດ​ວ່າ: ລັດຖະບານອາ​ເມ​ລິ​ກາ ຈະ​ເລີ່​ມຂະ​ບວນການ​ຢຸດຕິ​ການ​ໃຊ້​ຍານພາຫະນະ​ທີ່​ຂັບ​ເຄື່ອນ​ດ້ວຍ​ເຄື່ອງ​ຈັກ​ທີ່​ກິນນ້ຳມັນ ບໍ່​ວ່າ​ຈະ​ເປັນລົດ, ລົດ​ບັນທຸກ ​ແລະ SUV ທັງ​ໝົດ ​ແລ້ວ​ປ່ຽນ​ມາ​ໃຊ້​ຍານພາຫະນະ​ທີ່​ຂັບ​ເຄື່ອນ​ດ້ວຍ​ໄຟຟ້າ​ແທນ.

​ເພື່ອ​ສົ່ງ​ເສີມ​ນະ​ໂຍບາຍ​ພະລັງງານ​ສະອາດ ​ແລະ ​ເປັນ​ການ​ປຸກລະດົມ​ການ​ໃຊ້​ລົດ​ໄຟຟ້າ EV ທີ່​ຜະລິດ​ຂຶ້ນຢູ່​ອາ​ເມ​ລິ​ກາ (American-made EVs) ທີ່​ທ່ານ ​ໂຈ ​ໄບ​ເດນ ​ໄດ້​ໃຫ້​ຄຳ​ສັນຍາ​​ເອົາ​ໄວ້.

ທັງ​ນີ້, ຕາມ​ລາຍ​ງານ​ຂອງ General Services Administration ​ໃນ​ປີ 2019 ລັດຖະບານ​ອາ​ເມ​ລິ​ກາ ມີ​ຍານພາຫະນະ​ທັງ​ໝົດ​ເກືອບ 650.000 ຄັນ ​ແບ່ງ​ເປັນ​ລົດ​ສ່ວນ​ບຸກຄົນ 245.000 ຄັນ, ລົດ​ທາງ​ທະຫານ 173.000 ຄັນ ​ແລະ ລົດ​ໄປສະນີ 225.000 ຄັນ ​ເຊິ່ງການ​ປ່ຽນ​ຍານພາຫະນະ​ທັງ​ໝົດ​ເປັນ​ຍານພາຫະນະ​ໄຟຟ້າ ອາດ​ຕ້ອງ​ໃຊ້​ເງິນ​ຫລາຍ​ກວ່າ 20.000 ລ້ານ​ໂດ​ລາ​ສະຫະລັດ.

ຖື​ເປັນ​ຂ່າວ​ດີ​ສຳລັບ​ຜູ້​ຜະລິດ​ລົດ​ໄຟຟ້າ EV ​ໃນ​ອາ​ເມ​ລິ​ກາ​ເຊັ່ນ: Tesla, Rivian ​ແລະ Lordstown ລວມທັງ​ຜູ້​ຜະລິດ​ລົດ​ຄື Ford ​ແລະ General Motors ທີ່​ກຳລັງ​ລົງທຶນ​ຢ່າງ​ໜັກ ​ເພື່ອ​ພັດທະນາ ​ແລະ ຜະລິດ​ລົດ​ໄຟຟ້າ.

ທ່ານ ໂຈ ໄບເດນ ຈະປ່ຽນລົດທັງໝົດຂອງລັດຖະບານອາເມລິກາ ເປັນລົດໄຟຟ້າ - Wave100S AD to Website 2020 0 - ທ່ານ ໂຈ ໄບເດນ ຈະປ່ຽນລົດທັງໝົດຂອງລັດຖະບານອາເມລິກາ ເປັນລົດໄຟຟ້າ

ນອກຈາກ​ນີ້, ທ່ານ ​ໂຈ ​ໄບ​ເດນ ຍັງ​ໃຫ້​ຄຳ​ໝັ້ນວ່າ: ຈະ​ສ້າງ​ຕຳ​ແໜ່​ງງານ​ໃໝ່ 1 ລ້ານ​ຕຳ​ແໜ່​ງ​ໃນ​ອຸດສາຫະກຳ​ລົດຍົນ ຕະຫລອດ​ຕ່ອງ​ໂຊ່​ອຸປະ​ທານ ນັບ​ແຕ່​ຊິ້ນສ່ວນ​ອຸປະກອນ, ການ​ຜະລິດ ​ໄປ​ຈົນ​ເຖິງ​ສະຖານີ​ສາກ​ລົດ​ໄຟຟ້າ. ຈະ​ສ້າງ​ສິ່ງ​ຈູງ​ໃຈ ຫລື ມອບ​ສ່ວນ​ຫລຸດ​ພິ​ເສດ​ໃຫ້​ປະຊາຊົນ ​ເພື່ອ​ໃຫ້​ຫັນ​ມາ​ໃຊ້​ລົດ​ໄຟຟ້າ​ເພີ່ມ​ຂຶ້ນ, ຈະ​ໃຫ້​ສິ່ງ​ຈູງ​ໃຈ​ຕໍ່​ຜູ້​ຜະລິດ​ລົດ ​ເພື່ອ​ໃຫ້​ສ້າງ ຫລື ປັບ​ປຸງ​ໂຮງງານ ສຳລັບ​ປະກອບ​ລົດ​ໄຟຟ້າ EV ​ແລະ ຊິ້ນສ່ວນ​ທີ່​ກ່ຽວຂ້ອງ​ ລວມທັງ​ໃຫ້​ຄຳ​ໝັ້ນວ່າ: ຈະ​ທຸ້ມ​ເງິນ​ຫລາຍ​ພັນ​ລ້ານ​ໂດ​ລາ​ສະຫະລັດ ​ເພື່ອ​ເພີ່ມ​ສະຖານີ​ສາກ​ລົດ​ໄຟຟ້າ 550.000 ​ແຫ່ງ​ໃນ​ອາ​ເມ​ລິ​ກາ ​ເພື່ອ​ໃຫ້​ແນ່​ໃຈ​ວ່າ: ລົດ​ທຸກ​ຄັນ​ໃນ​ຖະໜົນ ຈະ​ບໍ່ມີ​ການ​ປ່ອຍ​ມົນ​ລະ​ພິດ ພາຍ​ໃນ​ປີ 2040.

ທ່ານ ໂຈ ໄບເດນ ຈະປ່ຽນລົດທັງໝົດຂອງລັດຖະບານອາເມລິກາ ເປັນລົດໄຟຟ້າ - WhatsApp Image 2020 05 27 at 5 - ທ່ານ ໂຈ ໄບເດນ ຈະປ່ຽນລົດທັງໝົດຂອງລັດຖະບານອາເມລິກາ ເປັນລົດໄຟຟ້າ
ທ່ານ ໂຈ ໄບເດນ ຈະປ່ຽນລົດທັງໝົດຂອງລັດຖະບານອາເມລິກາ ເປັນລົດໄຟຟ້າ - WhatsApp Image 2020 05 27 at 5 - ທ່ານ ໂຈ ໄບເດນ ຈະປ່ຽນລົດທັງໝົດຂອງລັດຖະບານອາເມລິກາ ເປັນລົດໄຟຟ້າ
error: Alert: ເນື້ອຫາຂ່າວມີລິຂະສິດ !!