ຟີລິບປິນພົບໂຄວິດກາຍພັນ ຈາກອັງກິດໃນທ້ອງຖິ່ນ

ຟີລິບປິນພົບໂຄວິດກາຍພັນ ຈາກອັງກິດໃນທ້ອງຖິ່ນ - cq5dam - ຟີລິບປິນພົບໂຄວິດກາຍພັນ ຈາກອັງກິດໃນທ້ອງຖິ່ນ
ຟີລິບປິນພົບໂຄວິດກາຍພັນ ຈາກອັງກິດໃນທ້ອງຖິ່ນ - Untitled design - ຟີລິບປິນພົບໂຄວິດກາຍພັນ ຈາກອັງກິດໃນທ້ອງຖິ່ນ

ລັດຖະບານ​ຟີ​ລິບ​ປິນຢືນຢັນ​ການ​ພົບ​ການ​ແຜ່​ເຊື້ອ​ໄວຣັສ​ໂຄ​ໂຣນາສາ​ຍພັນ​ໃໝ່ “ຊະນິດ​ກາຍພັນ” ​ແບບ​ທີ່​ພົບ​ຄັ້ງທຳ​ອິດ​ຢູ່​ອັງກິດ ​ເປັນ​ກຸ່ມ​ກ້ອນ​ໃນ​ແຂວງ​ທາງ​ເໜືອ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ທ່ານ ນາງ ມາ​ເຣຍ ​ໂຣຊາຣິ​ໂອ ​ເວີ​ເຈຍ ລັດຖະມົນຕີ​ກະຊວງ​ສາທາລະນະ​ສຸກ​ຂອງ​ຟີ​ລິບ​ປິນ ກ່າວ​ໃນ​ວັນ​ທີ 26 ມັງກອນ 2021 ຢືນຢັນ​ວ່າ​ເຊື້ອ​ໄວຣັສ​ໂຄ​ໂຣນາສາ​ຍພັນ​ໃໝ່​ຊະນິດ​ກາຍພັນ​ຈາກ​ອັງກິດ ​ໃນ​ຊື່ “B1.1.7” ​ເຊິ່ງມີ​ອັດຕາ​ການ​ແຜ່​ກະຈາຍ​ງ່າຍ ​ແລະ ວ່ອງ​ໄວ​ກວ່າ​ສາຍ​ພັນ​ທີ່​ແຜ່​ລະບາດ​ນັບ​ແຕ່​ປີຜ່ານມາ ​ໄດ້​ແຜ່​ເຂົ້າສູ່​ທ້ອງ​ຖິ່ນ​ໃນ​ປະ​ເທດ.

ທັງ​ນີ້, ​ເຈົ້າໜ້າ​ທີ່​ພົບ​ຜູ້​ຕິດ​ເຊື້ອສະ​ສົມ​ຢ່າງ​ໜ້ອຍ 17 ຄົນ ຈາກ​ຈຳນວນ​ດັ່ງກ່າວ​ເປັນ​ການ​ຕິດ​ເຊື້ອ​ແບບ​ກຸ່ມ​ກ້ອນຢ່າງ​ໜ້ອຍ 12 ຄົນ ຢູ່​ເມືອງ​ໂບນ​ໂຕກ ​ແຂວງ​ບູລູລຸນ​ດູ​ຄິນ ທາງ​ຕອນ​ເໜືອ​ຂອງ​ປະ​ເທດ, ສ່ວນ​ຜູ້​ສຳຜັດ​ໃກ້ຊິດ​ອີກ​ປະມານ 30 ຄົນ​ມີ​ຜົນ​ເປັນ​ບວກ ​ແຕ່​ຍັງ​ບໍ່​ມີ​ການ​ຢືນຢັນ​ວ່າ: ມີ​ໃຜ​ໄດ້​ຮັບ​ເຊື້ອກາຍພັນ ຫລື ບໍ່.

ທັງ​ນີ້, ຟີ​ລິບ​ປິນພົບ​ຜູ້​ຕິດ​ເຊື້ອກາຍພັນ​ຄັ້ງທຳ​ອິດ​ໃນ​ອາທິດ​ຜ່ານ​ມາ ​ເປັນ​ຜູ້ຍິງ​ຊາວ​ຟີ​ລິບ​ປິນ​ເດີນທາງ​ກັບ​ມາ​ຈາກ​ສະຫະລັດ​ອາຣັບ​ເອມິ​ເຣດ (UAE). ສ່ວນ​ປະທານາທິບໍດີ ​ໂຣດຣິ​ໂກ ດູ​ເຕີ​ເຕ ຜູ້ນຳ​ຟີ​ລິບ​ປິນ ​ເລື່ອນ​ການ​ຫລຸດຜ່ອນ​ມາດ​ຕະການ​ໃຫ້​ເດັກ​ອາຍຸ​ລະຫວ່າງ 10-14 ປີ ​ໃນ​ພື້ນທີ່​ສ່ຽງ​ຕໍ່າ ສາມາດ​ອອກ​ນອກ​ເຄຫາ​ສະຖານ ​ເຊິ່ງ​ເຄີຍ​ກຳນົດ​ໄວ້​ໃຫ້​ມີ​ຜົນ​ໃນ​ວັນ​ທີ 1 ກຸມພາ​ນີ້.

ຟີລິບປິນພົບໂຄວິດກາຍພັນ ຈາກອັງກິດໃນທ້ອງຖິ່ນ - Wave100S AD to Website 2020 0 - ຟີລິບປິນພົບໂຄວິດກາຍພັນ ຈາກອັງກິດໃນທ້ອງຖິ່ນ

ປັດຈຸບັນ ຟີ​ລິບ​ປິນ​ເປັນ​ໜຶ່ງ​ໃນ​ປະ​ເທດ​ທີ່​ມີ​ສະຖິຕິ​ກ່ຽວ​ກັບ​ພະຍາດ​ໂຄ​ວິດ-19 ສູງ​ເປັນ​ລຳດັບ​ຕົ້ນຂອງ​ທະວີບອາຊີ ​ໂດຍ​ມີ​ຜູ້​ຕິດ​ເຊື້ອສະ​ສົມ​ຫລາຍ​ກວ່າ 500.000 ຄົນ, ປິ່ນປົວ​ຫາຍ​ປະມານ 475.000 ຄົນ ​ແລະ ​ເສຍ​ຊີວິດ​ຫລາຍ​ກວ່າ 10.000 ຄົນ.

ຟີລິບປິນພົບໂຄວິດກາຍພັນ ຈາກອັງກິດໃນທ້ອງຖິ່ນ - WhatsApp Image 2020 05 27 at 5 - ຟີລິບປິນພົບໂຄວິດກາຍພັນ ຈາກອັງກິດໃນທ້ອງຖິ່ນ
ຟີລິບປິນພົບໂຄວິດກາຍພັນ ຈາກອັງກິດໃນທ້ອງຖິ່ນ - WhatsApp Image 2020 05 27 at 5 - ຟີລິບປິນພົບໂຄວິດກາຍພັນ ຈາກອັງກິດໃນທ້ອງຖິ່ນ
error: Alert: ເນື້ອຫາຂ່າວມີລິຂະສິດ !!