ຍົກລະດັບຄວາມຮູ້ການຕ້ານອາຊະຍາກຳທີ່ມີການຈັດຕັ້ງ ແລະ ການຟອກເງິນໃຫ້ພະນັກງານປະຕິບັດກົດໝາຍ

- Anti thief - ຍົກລະດັບຄວາມຮູ້ການຕ້ານອາຊະຍາກຳທີ່ມີການຈັດຕັ້ງ ແລະ ການຟອກເງິນໃຫ້ພະນັກງານປະຕິບັດກົດໝາຍ
- AGL banner - ຍົກລະດັບຄວາມຮູ້ການຕ້ານອາຊະຍາກຳທີ່ມີການຈັດຕັ້ງ ແລະ ການຟອກເງິນໃຫ້ພະນັກງານປະຕິບັດກົດໝາຍ

ອົງການໄອຍະການປະຊາຊົນສູງສຸດຮ່ວມກັບສະຖາບັນຊ່ວຍເຫລືອດ້ານກົດໝາຍ ແລະ ວິຊາການ (ILSTA), ໄດ້ຈັດຝຶກອົບຮົມກ່ຽວກັບການຕ້ານອາຊະຍາກຳທີ່ມີການຈັດຕັ້ງ ແລະ ຕ້ານການຟອກເງິນ, ໂດຍລົງເລິກວຽກງານຕ້ານການຄ້າມະນຸດ, ການລັກລອບນຳຄົນເຂົ້າ-ອອກເມືອງ ແລະ ຕ້ານການສໍ້ລາດບັງຫລວງ ໃຫ້ແກ່ພະນັກງານບັງຄັບໃຊ້ກົດໝາຍ ເປັນຕົ້ນ: ອົງການໄອຍະການແຂວງ ແລະ ເຈົ້າໜ້າທີ່ຕຳຫລວດຈາກ 4 ແຂວງພາກກາງຄື: ນະຄອນຫລວງວຽງຈັນ, ແຂວງວຽງຈັນ, ບໍລິຄຳໄຊ ແລະ ໄຊສົມບູນ ຫລາຍກວ່າ 60 ຄົນ, ເພື່ອຍົກສູງຄວາມສາມາດ, ຄວາມເຂົ້າໃຈ ແລະ ຖອດຖອນບົດຮຽນການຈັດຕັ້ງປະຕິບັດຂອງສາກົນໃນການຕ້ານອາຊະຍາກຳທີ່ມີການຈັດຕັ້ງ ແລະ ຕ້ານການຟອກເງິນ, ໂດຍເນັ້ນໃສ່ການຄ້າມະນຸດ, ການລັກລອບນຳຄົນເຂົ້າ-ອອກເມືອງ ແລະ ຕ້ານການສໍ້ລາດບັງຫລວງໃຫ້ເຈົ້າໜ້າທີ່ບັງຄັບໃຊ້ກົດໝາຍ.

ຜ່ານມາຊຸດຝຶກອົບຮົມດັ່ງກ່າວເຄີຍໄດ້ຈັດໃຫ້ແກ່ພະນັກງານບັງຄັບໃຊ້ກົດໝາຍ 4 ແຂວງພາກເໜືອ ແລະ ຈະສືບຕໍ່ຈັດໃຫ້ກັບພະນັກງານບັງຄັບໃຊ້ກົດໝາຍໃນຂອບເຂດທົ່ວປະເທດ, ຊຶ່ງແມ່ນໜຶ່ງໃນກິດຈະກຳການຮ່ວມມື ລະຫວ່າງອົງການໄອຍະການປະຊາຊົນສູງສຸດ ແລະ ສະຖາບັນ ILSTA.

ທ່ານຮອງປະທານອົງການໄອຍາການປະຊາຊົນສູງສຸດ ບຸນຍັງ ຈັນດາລະສານ ກ່າວວ່າ: ປັດຈຸບັນບັນຫາອາຊະຍາກຳແມ່ນມີຄວາມສະຫລັບຊັບຊ້ອນ ແລະ ມີລັກສະນະເປັນກຸ່ມກ້ອນ ແລະ ຂ້າມຊາດ, ສະນັ້ນມັນຈຶ່ງມີຄວາມຈຳເປັນທີ່ເຈົ້າໜ້າທີ່ຜູ້ບັງຄັບໃຊ້ກົດໝາຍຕ້ອງມີຄວາມຮັບຮູ້ແຈ້ງ ແລະ ປະສົບການໃນການຕໍ່ສູ້ກັບອາຊາຍາກຳຕ່າງໆທີ່ນັບມື້ເພີ່ມຂຶ້ນຫລາຍ.

- Wave100S AD to Website 2020 0 - ຍົກລະດັບຄວາມຮູ້ການຕ້ານອາຊະຍາກຳທີ່ມີການຈັດຕັ້ງ ແລະ ການຟອກເງິນໃຫ້ພະນັກງານປະຕິບັດກົດໝາຍ

ຊຸດຝຶກອົບຮົມດັ່ງກ່າວຈັດຂຶ້ນໃນວັນທີ 4 ກໍລະກົດນີ້ທີ່ທ່າລາດ, ແຂວງວຽງຈັນ, ໂດຍການເປັນປະທານຂອງທ່ານ ບຸນຍັງ ຈັນດາລະສານ ຮອງປະທານອົງການໄອຍາການປະຊາຊົນສູງສຸດ ແລະ ທ່ານ ລີຊາດ ຟີລິບປາດ ຫົວໜ້າສະຖາບັນ ILSTA ໂດຍໄດ້ຮັບການຊ່ວຍເຫລືອທາງການເງິນຈາກກະຊວງການເງິນລຸກຊຳບວກ.

- lattana 1 - ຍົກລະດັບຄວາມຮູ້ການຕ້ານອາຊະຍາກຳທີ່ມີການຈັດຕັ້ງ ແລະ ການຟອກເງິນໃຫ້ພະນັກງານປະຕິບັດກົດໝາຍ
error: Alert: Content is protected !!