DVV International ມອບປື້ມ ແລະ ລົດ ໃຫ້ກົມການສຶກສານອກໂຮງຮຽນ

DVV International ມອບປື້ມ ແລະ ລົດ ໃຫ້ກົມການສຶກສານອກໂຮງຮຽນ - KLS 8839 01 scaled - DVV International ມອບປື້ມ ແລະ ລົດ ໃຫ້ກົມການສຶກສານອກໂຮງຮຽນ
DVV International ມອບປື້ມ ແລະ ລົດ ໃຫ້ກົມການສຶກສານອກໂຮງຮຽນ - Untitled design - DVV International ມອບປື້ມ ແລະ ລົດ ໃຫ້ກົມການສຶກສານອກໂຮງຮຽນ

ໃນວັນທີ 26 ມັງກອນນີ້ ຫ້ອງການດີວີວີ ອິນເຕີເນເຊິນແນວ (DVV Inter national) ໄດ້ມອບ ປື້ມບັນທຶກຈຳນວນ 2.000 ຫົວ, ປະຕິທິນ 1.300 ຊຸດ, ຈົດໝາຍຂ່າວ: ສຶກສານອກໂຮງຮຽນ ແລະ ການຮຽນຮູ້ຕະຫລອດຊີວິດ ໃນອາຊີຕາເວັນອອກສ່ຽງໃຕ້ຈຳນວນ 400 ສະບັບ ແລະ ລົດຮັບໃຊ້ໂຄງການຈຳນວນຫນຶ່ງຄັນ ໃຫ້ແກ່ກົມການສຶກສານອກໂຮງຮຽນ (ກສນ), ກະຊວງສຶກສາທິການ ແລະ ກິລາ.ຊຶ່ງພິທີມອບ-ຮັບໄດ້ມີຂຶ້ນລະຫ່ວາງ ທ່ານ ດຣ. ໂຢຮັນ ແຮລມັນ (Dr. Johann Heilmann) ຜູ້ອຳນວຍການ ຫ້ອງການດັ່ງກ່າວປະຈຳພາກພື້ນອາຊີຕາເວັນອອກສ່ຽງໃຕ້ ແລະ  ທ່ານ ນາງ ພິລານີ ພິດສະໄໝ ຮອງຫົວໜ້າກົມການສຶກສານອກໂຮງຮຽນ, ໂດຍການເຂົ້າຮ່ວມຂອງ ທ່ານ ພຸດ ສິມມາລາວົງ ຮອງລັດຖະມົນຕີ ກະຊວງສຶກສາທິການ ແລະ ກິລາ.

ທ່ານ ໂຢຮັນ ແຮລມັນ ໄດ້ກ່າວໃນພິທີວ່າ: ໃນປີ 2021ນີ້ ຫ້ອງການຂອງຕົນ ໄດ້ກ້າວເຂົ້າສູ່ຂັ້ນຕອນການລະດົມທຶນໃໝ່ ແລະ ການອອກແບບແນວ ທາງໃໝ່ຮ່ວມກັບຄູ່ຮ່ວມງານທັງໝົດຄື: ກົມ ການສຶກສນອກໂຮງຮຽນ, ກົມອາຊີວະສຶກສາ, ຄະນະສຶກສາສາດ, ມະຫາວິທະຍາໄລແຫ່ງຊາດ, ສູນພັດທະນາການສຶກສານອກໂຮງຮຽນ, ສູນພັດທະນາຊົນນະບົດ. ໂດຍສະເພາະ, ຈະໄດ້ເນັ້ນໃສ່ການຈັດຕັ້ງປະຕິບັດດຳລັດການຮຽນຮູ້ຕະຫລອດຊີວິດ, ເຊິ່ງໄດ້ຮັບການອະນຸມັດຈາກລັດຖະບານລາວໃນປີ 2020 ຊຶ່ງເປັນຈຸດເລີ້ມຕົ້ນຂອງຂະບວນການທີ່ຍາວນານດັ່ງກ່າວ.ແຕ່ກໍ ຫວັງວ່າ: ດຳລັດນີ້ ຈະກໍ່ໃຫ້ເກີດການປ່ຽນແປງກ່ຽວກັບແນວຄວາມຄິດໃນພາກການສຶກສາ ເຊິ່ງຈະຊ່ວຍໃຫ້ມີການແລກປ່ຽນກັນໃນຫລາກຫລາຍສາຂາ, ນັບທັງການສຶກສານອກໂຮງຮຽນ ແລະ ການຮຽນຮູ້ຕາມອັດຕະຍາໄສ, ການສ້າງວັດທະນະທຳການຮຽນຮູ້ແບບໃໝ່ ທີ່ຈະຊ່ວຍໃຫ້ພົນລະເມືອງລາວໄດ້ຮັບການສຶກສາສູງຂຶ້ນ.

DVV International ມອບປື້ມ ແລະ ລົດ ໃຫ້ກົມການສຶກສານອກໂຮງຮຽນ - Wave100S AD to Website 2020 0 - DVV International ມອບປື້ມ ແລະ ລົດ ໃຫ້ກົມການສຶກສານອກໂຮງຮຽນ
DVV International ມອບປື້ມ ແລະ ລົດ ໃຫ້ກົມການສຶກສານອກໂຮງຮຽນ - WhatsApp Image 2020 05 27 at 5 - DVV International ມອບປື້ມ ແລະ ລົດ ໃຫ້ກົມການສຶກສານອກໂຮງຮຽນ
DVV International ມອບປື້ມ ແລະ ລົດ ໃຫ້ກົມການສຶກສານອກໂຮງຮຽນ - WhatsApp Image 2020 05 27 at 5 - DVV International ມອບປື້ມ ແລະ ລົດ ໃຫ້ກົມການສຶກສານອກໂຮງຮຽນ
error: Alert: ເນື້ອຫາຂ່າວມີລິຂະສິດ !!