ຮົງກົງ ວາງແຜນໃຊ້ ໂຊເຟຍ ຫຸ່ນຍົນອັດສະລິຍະ ເບິ່ງແຍງຜູ້ຕິດເຊື້ອໂຄວິດ-19

ຮົງກົງ ວາງແຜນໃຊ້ ໂຊເຟຍ ຫຸ່ນຍົນອັດສະລິຍະ ເບິ່ງແຍງຜູ້ຕິດເຊື້ອໂຄວິດ-19 - Sophia robot - ຮົງກົງ ວາງແຜນໃຊ້ ໂຊເຟຍ ຫຸ່ນຍົນອັດສະລິຍະ ເບິ່ງແຍງຜູ້ຕິດເຊື້ອໂຄວິດ-19
ຮົງກົງ ວາງແຜນໃຊ້ ໂຊເຟຍ ຫຸ່ນຍົນອັດສະລິຍະ ເບິ່ງແຍງຜູ້ຕິດເຊື້ອໂຄວິດ-19 - Untitled design - ຮົງກົງ ວາງແຜນໃຊ້ ໂຊເຟຍ ຫຸ່ນຍົນອັດສະລິຍະ ເບິ່ງແຍງຜູ້ຕິດເຊື້ອໂຄວິດ-19

ສຳນັກ​ຂ່າວຣອຍ​ເຕີ ລາຍ​ງານ​ວ່າ: ຈາກ​ທີ່​ມີ​ການ​ເປີດ​ຕົວ​ຫຸ່ນ​ຍົນ​ຄ້າຍຄື​ມະນຸດ ຊື່: ​ໂຊ​ເຟຍ ​ໃນ​ປີ 2016 ​ໄປ​ແລ້ວ, ຕອນ​ນີ້​ຮົງ​ກົງ​ມີ​ແຜນ​ຈະ​ຜະລິດ​ຫຸ່ນ​ຍົນ​ນີ້​ຈຳນວນ​ຫລາຍ​ກ່ອນ​ທ້າຍ​ປີ​ນີ້ ​ແລະ ນຳ​ອອກ​ມາ​ໃຊ້​ໃຫ້​ໄດ້​ພາຍ​ໃນ​ກາງ​ປີ​ນີ້ ​ເພື່ອ​ຈະ​ໃຊ້​ໃນ​ການ​ເບິ່ງ​ແຍງ​ຜູ້​ຕິດ​ເຊື້ອ​ໂຄ​ວິດ-19 ລວມທັງ​ຄົນ​ເຈັບ​ຈາກ​ພະຍາດ​ອື່ນໆ. ທັງ​ນີ້ ນັກວິ​ໄຈ​ຄາດ​ວ່າ: ການລະບາດ​ຂອງ​ໂຄ​ວິດ-19 ຈະ​ສາມາດ​ເປັນ​ໂອກາດ​ທີ່​ດີ​ໃນ​ການ​ຂະຫຍາຍ​ອຸດສາຫະກຳ​ດ້ານ​ຫຸ່ນ​ຍົນ​ນຳ​ເຊັ່ນ​ກັນ.

ທ່ານ ​ເດ​ວິດ ​ແຮນ​ສັນ ຜູ້​ສ້າງຕັ້ງ ​ແລະ ປະທານ​ບໍລິຫານ​ຂອງ Hanson Robotics ທີ່​ເປັນ​ແຫ​ລ່ງຜະລິດ​ຂອງ​ຫຸ່ນ​ຍົນ​ໂຊ​ເຟຍ ກ່າວ​ວ່າ: ຕອນ​ນີ້​​ໂລກ​ເຕັມ​ໄປ​ດ້ວຍ​ໂຄ​ວິດ-19 ຈຳ​ເປັນ​ຈະ​ຕ້ອງ​ມີ​ການ​ໃຊ້​ລະບົບ​ອັດຕະ​ໂນ​ມັດ​ເພີ່ມ​ຂຶ້ນ​ເລື້ອຍໆ ​ເພື່ອ​ໃຫ້​ຜູ້​ຄົນ​ປອດ​ໄພ​ຫລາຍ​ທີ່​ສຸດ.

ນອກຈາກ​ນັ້ນ, ທ່ານ​ຍັງ​ບອກ​ວ່າ: ການ​ສ້າງ​ຫຸ່ນ​ຍົນ​ນີ້​ບໍ່​ໄດ້​ພຽງ​ແຕ່​ແກ້​ໄຂ​ບັນຫາ​ໃນ​ເລື່ອງ​ຂອງ​ໂຄ​ວິດ ​ແລະ ສຸຂະພາບ​ເທົ່າ​ນັ້ນ, ​ແຕ່​ຍັງ​ເຂົ້າມາ​ຊ່ວຍ​ເລື່ອງ​ການ​ບໍລິການ​ລູກ​ຄ້າ ທັງ​ການ​ຄ້າຂາຍ​ຍ່ອຍ, ການ​ບໍລິການ​ດ້ານ​ສາຍ​ການບິນ ​ແລະ ອື່ນໆ​ ​ແລະ ຫຸ່ນ​ຍົນ​ໂຊ​ເຟຍ​ຍັງ​ມີ​ຄວາມ​ສາມາດ​ຄ້າຍຄື​ມະນຸດ ​ເຮັດ​ໃຫ້​ມັນ​ອາດ​ຈະ​ເປັນ​ເລື່ອງ​ທີ່​ດີ​ສຳລັບ​ຕອນ​ນີ້ ທີ່​ຜູ້​ຄົນ​ຫລາຍ​ຄົນ​ອາດ​ຮູ້ສຶກ​ເຖິງ​ຄວາມ​ໂດ​ດດ່ຽວ, ​ເຫງົາ ​ແລະ ຫ່າງ​ໄກ​ຈາກ​ສັງຄົມ​ຫລາຍ​ເກີນ​ໄປ.

ຮົງກົງ ວາງແຜນໃຊ້ ໂຊເຟຍ ຫຸ່ນຍົນອັດສະລິຍະ ເບິ່ງແຍງຜູ້ຕິດເຊື້ອໂຄວິດ-19 - Wave100S AD to Website 2020 0 - ຮົງກົງ ວາງແຜນໃຊ້ ໂຊເຟຍ ຫຸ່ນຍົນອັດສະລິຍະ ເບິ່ງແຍງຜູ້ຕິດເຊື້ອໂຄວິດ-19

ທ່ານ ​ໂຍຮັນ ​ໂຮ​ນ ສາ​ສະ​ດາ​ຈານ​ດ້ານ​ຫຸ່ນ​ຍົນ ກ່າວ​ວ່າ: ການ​ແຜ່​ລະບາດ​ຂອງ​ໂຄ​ວິດ​ຈະ​ເຮັດ​ໃຫ້​ເຮົາ​ມີ​ຫຸ່ນ​ຍົນ​ເຂົ້າສູ່​ຕະຫລາດ​ໄດ້​​ໄວ​ຂຶ້ນ ​ເພາະ​ຄົນ​ເລີ່​ມຈະ​ເນັ້ນໜັກ ​ແລະ ​ເຂົ້າ​ໃຈ​ແລ້ວ​ວ່າ: ບໍ່​ມີ​ທາງ​ເລືອກ​ອື່ນ​ແລ້ວ.

ຫລາຍ​ຝ່າຍ​ອາດ​ຍັງ​ມີ​ຄວາມ​ກັງ​ວົນ​ການ​ເຂົ້າມາ​ຂອງ​ໂຊ​​ເຟຍ ທີ່​ເປັນ​ຫຸ່ນ​ຍົນ ​ເຊິ່ງອາດ​ຈະ​ມີ​ຜົນ​ຕໍ່​ການ​ເຂົ້າມາ​ທົດ​ແທນ​ບົດບາດ​ສຳຄັນ​ຂອງ​ມະນຸດ, ຫຸ່ນ​ຍົນ​ໂຊ​ເຟຍ​ມີ​ຄຳ​ຕອບ​ໃຫ້​ກັບ​ທ່ານ​ແລ້ວ ຫລັງ​ຈາກ​ທີ່​ຮູ້​ຄວາມ​ກັງວົນ​ນີ້ ນາງ​ຕອບ​ກັບ​ມາ​ວ່າ: “ບາງ​ຄົນ​ບອກ​ວ່າ ​ເຮົາ​ບໍ່​ມີ​ຫຍັງ​ທີ່​ເປັນຕາ​ຢ້ານ ນອກຈາກ​ຢ້ານ​ຕົວ​ເຮົາ​ເອງ”.

ຮົງກົງ ວາງແຜນໃຊ້ ໂຊເຟຍ ຫຸ່ນຍົນອັດສະລິຍະ ເບິ່ງແຍງຜູ້ຕິດເຊື້ອໂຄວິດ-19 - WhatsApp Image 2020 05 27 at 5 - ຮົງກົງ ວາງແຜນໃຊ້ ໂຊເຟຍ ຫຸ່ນຍົນອັດສະລິຍະ ເບິ່ງແຍງຜູ້ຕິດເຊື້ອໂຄວິດ-19
ຮົງກົງ ວາງແຜນໃຊ້ ໂຊເຟຍ ຫຸ່ນຍົນອັດສະລິຍະ ເບິ່ງແຍງຜູ້ຕິດເຊື້ອໂຄວິດ-19 - WhatsApp Image 2020 05 27 at 5 - ຮົງກົງ ວາງແຜນໃຊ້ ໂຊເຟຍ ຫຸ່ນຍົນອັດສະລິຍະ ເບິ່ງແຍງຜູ້ຕິດເຊື້ອໂຄວິດ-19
error: Alert: ເນື້ອຫາຂ່າວມີລິຂະສິດ !!