ສາທິດວິທີຮັກສາສຸຂະພາບແບບພື້ນເມືອງຈີນ

- advert banner 728 90 728x90 - ສາທິດວິທີຮັກສາສຸຂະພາບແບບພື້ນເມືອງຈີນ

ໃນວັນທີ 5 ກໍລະກົດນີ້, ສູນວັດທະນະທໍາຈີນປະຈໍາລາວໄດ້ຈັດການສາທິດວິທີຮັກສາສຸຂະພາບ ແລະ ຄວາມງາມແບບພື້ນເມືອງຈີນ, ໂດຍທ່ານຊົ້ງພິງ ຊ່ຽວຊານຈາກສະພາບັນດິດວິທະຍາສາດການແພດພື້ນເມືອງແຫ່ງຊາດຈີນ ໄດ້ນໍາສະເໜີກ່ຽວກັບວິທີປິ່ນປົວພະຍາດຜິວໜັງ ແລະ ສິວດ້ວຍການດູດລົມດ້ວຍຄວດແກ້ວ, ກະຕຸກເລືອດໃນຮ່າງກາຍ, ເຈາະເລືອດ, ການນວດ, ການລົນຄັວນ, ເຊິ່ງສາມາດຊ່ວຍກໍາຈັດສານພິດໃນຮ່າງກາຍ, ປັບປຸງການໝູນວຽນຂອງເລືອດ, ຫລຸດນໍ້າໜັກໄດ້ ແລະ ຕ້ານຄວາມແກ່ຕົວຂອງຜິວໜັງຢ່າງມີປະສິດທິຜົນ.

ທ່ານ ຊົ້ງພິງ ກ່າວວ່າ: ການຮັກສາສຸຂະພາບ ແລະ ຄວາມງາມບໍ່ພຽງແຕ່ເອົາໃຈໃສ່ເບິ່ງແຍງສະເພາະຜິວໜ້າເທົ່ານັ້ນ, ແຕ່ສິ່ງສໍາຄັນແມ່ນຕ້ອງປັບປຸງທົ່ວລະບົບຮ່າງກາຍໃຫ້ຖືກຕ້ອງເພື່ອສ້າງຄວາມສົມດຸນຂອງຮ່າງ ກາຍ, ເຮັດໃຫ້ເລືອດລົມໃນຮ່າງກາຍໄຫລວຽນດີ ດ້ວຍການກິນອາຫານທີ່ມີປະໂຫຍດ, ອອກກໍາລັງກາຍ, ການນອນ, ອາລົມ ແລະ ອື່ນໆ, ຊຶ່ງລ້ວນແຕ່ແມ່ນວິທີພື້ນຖານສໍາຄັນເພື່ອຮັກສາຄວາມງາມ ແລະ ຕ້ານການແກ່ຕົວຂອງຮ່າງກາຍແບບການແພດພື້ນເມືອງຈີນ.

ທ່ານ ຊົ້ງພິງ ຈົບການສຶກສາທີ່ມະຫາວິທະຍາໄລຢາພື້ນເມືອງຈີນໃນລະດັບປະລິນຍາເອກ ແລະ ມີປະສົບການດ້ານການປິ່ນປົວພະຍາດຜິວໜັງຫລາຍກວ່າ 20 ປີ ແລະ ເຄີຍໄດ້ຮັບຕໍາແໜ່ງເປັນຮອງຫົວໜ້າແພດ ພະແນກຜິວໜັງໂຮງໝໍກວາງອ່ານເມີນຂອງສະພາບັນດິດວິທະຍາສາດການແພດພື້ນເມືອງຈີນ, ປັດຈຸບັນເຮັດໜ້າທີ່ກ່ຽວກັບການໂຄສະນາເຜີຍແຜ່ວັດທະນະທໍາຢາພື້ນເມືອງຈີນຕໍ່ຕ່າງປະເທດ.

- 1 1 - ສາທິດວິທີຮັກສາສຸຂະພາບແບບພື້ນເມືອງຈີນ
- Tiger Head 728x90 - ສາທິດວິທີຮັກສາສຸຂະພາບແບບພື້ນເມືອງຈີນ

ເຂົ້າຮ່ວມພິທີດັ່ງກ່າວມີທ່ານຫົວໜ້າສູນວັດທະນະທໍາຈີນປະຈໍາລາວ, ມີຜູ້ຕາງໜ້າຈາກກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ,  ສະຫະພັນແມ່ຍິງ, ກະຊວງສຶກສາທິການ ແລະ ກິລາ, ພ້ອມດ້ວຍແຂກຖືກເຊີນເຂົ້າຮ່ວມເປັນຈໍານວນຫລາຍ.

error: Content is protected !!