ຜູ້ຊ່ຽວຊານຊີ້ ລັດຖະບານອັງກິດບົກຜ່ອງຢັບຢັ້ງໂຄວິດ-19 ຫລັງຈຳນວນຜູ້ເສຍຊີວິດສູງຮອດແສນຄົນ

ຜູ້ຊ່ຽວຊານຊີ້ ລັດຖະບານອັງກິດບົກຜ່ອງຢັບຢັ້ງໂຄວິດ-19 ຫລັງຈຳນວນຜູ້ເສຍຊີວິດສູງຮອດແສນຄົນ - 5568 - ຜູ້ຊ່ຽວຊານຊີ້ ລັດຖະບານອັງກິດບົກຜ່ອງຢັບຢັ້ງໂຄວິດ-19 ຫລັງຈຳນວນຜູ້ເສຍຊີວິດສູງຮອດແສນຄົນ
ຜູ້ຊ່ຽວຊານຊີ້ ລັດຖະບານອັງກິດບົກຜ່ອງຢັບຢັ້ງໂຄວິດ-19 ຫລັງຈຳນວນຜູ້ເສຍຊີວິດສູງຮອດແສນຄົນ - Untitled design - ຜູ້ຊ່ຽວຊານຊີ້ ລັດຖະບານອັງກິດບົກຜ່ອງຢັບຢັ້ງໂຄວິດ-19 ຫລັງຈຳນວນຜູ້ເສຍຊີວິດສູງຮອດແສນຄົນ

ນາຍົກລັດຖະມົນຕີ ບໍຣິສ ຈອນ​ສັນ ຂອງ​ອັງກິດ ຖະ​ແຫລ​ງຂ່າວ​ສະ​ແດງ​ຄວາມ​ເສຍ​ໃຈ​ຕໍ່​ຄອບຄົວ ​ແລະ ພີ່ນ້ອງ​ຜູ້​ເສຍ​ຊີວິດ ຫລັງ​ຈຳນວນ​ຜູ້​ເສຍ​ຊີວິດ​ຈາກ​ໂຄ​ວິດ-19 ​ສູງ​ເຖິງ 1 ​ແສນ​ຄົນ ​ເຮັດ​ໃຫ້​ອັງກິດ​ກາຍ​ເປັນ​ປະ​ເທດ​ທີ່​ມີ​ຜູ້​ເສຍ​ຊີວິດ​ຕໍ່​ອັດຕາ​ປະຊາກອນ​ສູງ​ທີ່​ສຸດ​ໃນ​ໂລກ.

ຜູ້ນຳ​ອັງກິດ​ຍັງ​ກ່າວ​ຂໍ​ໂທດ “ຕໍ່​ທຸກ​ຊີວິດ​ທີ່​ຕ້ອງ​ຈາກ​ໄປ ​ແລະ ​ໃນ​ຖານະ​ນາຍົກລັດຖະມົນຕີ ຂ້າພະ​ເຈົ້າຈະ​ຮັບຜິດຊອບ​ຕໍ່​ມາດ​ຕະການ​ທຸກ​ຢ່າງ​ທີ່​ລັດຖະບານ​ໄດ້​ດຳ​ເນີນ​ໄປ”. ທັງ​ນີ້ ທ່ານ​ເນັ້ນວ່າ: ລັດຖະບານ​ພະຍາຍາມ​ເຮັດ​ທຸກ​ວິທີ​ທາງ​ແລ້ວ ​ແລະ ຈະ​ເຮັດ​ວຽກ​ໜັກ​ຕໍ່​ໄປ ​ເພື່ອ​ຫລຸດ​ຈຳນວນ​ຜູ້​ເສຍ​ຊີວິດ ​ແລະ ຕິດ​ເຊື້ອ​ໃຫ້​ຫລາຍ​ທີ່​ສຸດ​ເທົ່າ​ທີ່​ຈະ​ເຮັດ​ໄດ້.

​ໃນ​ເດືອນ​ມີນາ​ປີຜ່ານມາ, ທ່ານ ຈອນ​ສັນ ​ເຄີຍ​ຄາດ​ຫວັງ​ວ່າ​ຈະ​ຢັບຢັ້ງບໍ່​ໃຫ້​ຈຳນວນ​ຜູ້​ເສຍ​ຊີວິດ​ສູງ​ເຖິງ 2 ໝື່ນ​ຄົນ, ​ແຕ່​ຜ່ານ​ມາ 10 ​ເດືອນ ມື້ນີ້​ທ່ານ​ອອກ​ມາ​ຂໍ​ໂທດ​ທີ່​ປ່ອຍ​ໃຫ້​ຜູ້​ເສຍ​ຊີວິດ​ເພີ່ມ​ເກີນ 1 ​ແສນ​ຄົນ ທ່າມກາງ​ບັນຫາ​ອີກ​ຫລາຍ​ຢ່າງ ທັງ​ໂຮງໝໍ​ທີ່​ແອ​ອັດ, ບຸກຄະລາ​ກອນ​ທາງ​ການ​ແພດ​ທີ່​ຕ້ອງ​ຫລຸດ​ມາດຖານ​ການ​ເບິ່ງ​ແຍງ​ຄົນ​ເຈັບ ​ເພາະ​ວຽກ​ລົ້ນມື, ​ໂຮງຮຽນ ​ແລະ ມະຫາວິທະຍາ​ໄລ​ຕ້ອງ​ປິດ​ການ​ຮຽນ-ການ​ສອນ ຍ້າຍ​ໄປ​ຮຽນ​ອອນ​ລາຍ, ທຸລະ​ກິດ​ຫ້າງ​ຮ້ານ​ສ່ວນ​ຫລາຍ​ຕ້ອງ​ປິດ, ຜູ້​ຄົນ​ອອກ​ມາ​ລວມກຸ່ມ​ສັງ​ສັນ​ບໍ່​ໄດ້, ຍົກ​ເວັ້ນອອກກຳລັງ​ກາຍ​ກາງ​ແຈ້ງ​ຢ່າງ​ຈຳກັດ.

ຜູ້​ຊ່ຽວຊານ​ເບິ່ງ​ວ່າ: ສະຖິຕິ​ໃໝ່​ທີ່​ໜ້າ​ເສົ້ານີ້​ເປັນ​ຫລັກ​ຖານ​ວ່າ ລັດຖະບານ​ບໍ່​ເຄີຍຮຽນ​ຮູ້​ຈາກ​ຄວາມ​ຜິດພາດ​ໃນ​ອະດີດ ​ໂດຍ​ທ່ານ ຣິຊາດ ​ເມີ​ເຣ ປະທານ​ເຈົ້າໜ້າ​ທີ່​ບໍລິຫານ​ກອງ​ທຶນ King’s Fund ກ່າວ​ວ່າ: “ບໍ່​ໜ້າ​ເຊື່ອ​ວ່າ​ປະ​ເທດ​ທີ່​ຮັ່ງມີ ​ແລະ ມີ​ລະບົບ​ສາທາລະນະ​ສຸກ​ພຽບພ້ອມ” ຈະ​ກາຍ​ເປັນ​ໜຶ່ງ​ໃນ​ປະ​ເທດ​ທີ່​ມີ​ຜູ້​ເສຍ​ຊີວິດ​ຫລາຍ​ທີ່​ສຸດ​ໃນ​ໂລກ.

ທ່ານ ຈອນ​ສັນ ຊີ້​ແຈງ​ວ່າ: ການ​ທີ່​ລັດຖະບານ​ຄວບ​ຄຸມ​ການ​ແຜ່​ລະບາດ​ຮອບ​ໃໝ່​ນີ້​ບໍ່​ໄດ້ ​ເປັນ​ຜົນ​ຈາກ​ເຊື້ອ​ໂຄ​ວິດ-19 ກາຍພັນ​ພາຍ​ໃນ​ປະ​ເທດ ທີ່​ຮູ້ຈັກ​ກັນ​ໃນ​ຊື່ “ສາຍ​ພັນ​ອັງກິດ” (UK Variant) ທີ່​ລະບາດ​ໄດ້​ງ່າຍ​ກວ່າ ​ແລະ ມີ​ອັນຕະລາຍ​ຫລາຍ​ກວ່າ.

ລັດຖະມົນຕີ​ສາທາລະນະ​ສຸກ​ເອງ​ຢືນຢັນ​ວ່າ: ມາດ​ຕະການ​ຕ່າງໆ​ຂອງ​ລັດຖະບານ​ກຳລັງ​ໄດ້ຜົນ ຈົນ​ກະ​ທັງ​ເກີດ​ໂຄ​ວິດ-19 ກາຍພັນ​ນີ້, ​ແຕ່​ຜູ້​ຊ່ຽວຊານ​ຊີ້​ວ່າ: ລັດຖະບານ​ເອງ​ຫລະ​ຫລວມ.

ຜູ້ຊ່ຽວຊານຊີ້ ລັດຖະບານອັງກິດບົກຜ່ອງຢັບຢັ້ງໂຄວິດ-19 ຫລັງຈຳນວນຜູ້ເສຍຊີວິດສູງຮອດແສນຄົນ - Wave100S AD to Website 2020 0 - ຜູ້ຊ່ຽວຊານຊີ້ ລັດຖະບານອັງກິດບົກຜ່ອງຢັບຢັ້ງໂຄວິດ-19 ຫລັງຈຳນວນຜູ້ເສຍຊີວິດສູງຮອດແສນຄົນ

ສາ​ສະ​ດາ​ຈານ ​ແອນ ຈອນ​ສັນ ປະທານ​ສະ​ຖາ​ບັນ​ວິທະຍາສາດ​ການ​ແພດ ລະບຸ​ວ່າ: ການ​ຫລຸດຜ່ອນ​ມາດ​ຕະການ​ຊ່ວງ​ກ່ອນ​ເທດສະການ​ຄຣິສມາດ ມີ​ສ່ວນ​ເຊື່ອມ​ໂຍງ​ກັບ​ການ​ເພີ່ມ​ສູງ​ຂອງ​ຜູ້​ຕິດ​ເຊື້ອ ​ແລະ ຜູ້​ເສຍ​ຊີວິດ.

ສ່ວນ​ຂໍ້​ອ້າງ​ເຖິງ​ໂຄ​ວິດ-19 “ສາຍ​ພັນ​ອັງກິດ” ສາ​ສະ​ດາ​ຈານ ​ແອນ ຊີ້​ວ່າ: ລັດຖະບານ​ຮູ້​ເຖິງ​ສັນຍານ​ການ​ກາຍພັນ​ຂອງ​ເຊື້ອ​ໃນ​ປະ​ເທດ​ນັບ​ແຕ່​ເດືອນ​ກໍລະກົດ​ປີຜ່ານມາ, ​ແຕ່​ຂໍ້​ແກ້​ຕົວ​ຂອງ​ນາຍົກລັດຖະມົນຕີຄື ທ່ານ​ບໍ່​ໄດ້​ອ່ານ​ລາຍ​ງານ​ໃນ​ເລື່ອງ​ນີ້.

ນີ້​ເປັນ​ສິ່ງ​ທີ່​ຜູ້​ຊ່ຽວຊານ​ຫລາຍ​ຄົນ​ເຫັນ​ພ້ອມ​ວ່າ: ທ່ານ ຈອນ​ສັນ ບົກ​ຜ່ອງ ຖ້າ​ທ່ານ​ໃສ່​ໃຈ​ຫລາຍ​ກວ່າ​ນີ້ ອ່ານ​ລາຍ​ງານ​ທີ່ຜູ້​ຊ່ຽວຊານ​ທາງ​ການ​ແພດ​ພະຍາຍາມ​ເຕືອນ ​ແລະ ຮຽນ​ຮູ້​ຈາກ​ຄວາມ​ຜິດພາດ​ນັບ​ແຕ່​ການ​ລັອກດາວ​ຄັ້ງທຳ​ອິດ ສະຖານະ​ການ​ຢູ່​ອັງກິດ​ຈະ​ບໍ່​ຮ້າຍ​ແຮງ​ເຖິງ​ລະດັບ​ນີ້.

ຜູ້ຊ່ຽວຊານຊີ້ ລັດຖະບານອັງກິດບົກຜ່ອງຢັບຢັ້ງໂຄວິດ-19 ຫລັງຈຳນວນຜູ້ເສຍຊີວິດສູງຮອດແສນຄົນ - WhatsApp Image 2020 05 27 at 5 - ຜູ້ຊ່ຽວຊານຊີ້ ລັດຖະບານອັງກິດບົກຜ່ອງຢັບຢັ້ງໂຄວິດ-19 ຫລັງຈຳນວນຜູ້ເສຍຊີວິດສູງຮອດແສນຄົນ
ຜູ້ຊ່ຽວຊານຊີ້ ລັດຖະບານອັງກິດບົກຜ່ອງຢັບຢັ້ງໂຄວິດ-19 ຫລັງຈຳນວນຜູ້ເສຍຊີວິດສູງຮອດແສນຄົນ - WhatsApp Image 2020 05 27 at 5 - ຜູ້ຊ່ຽວຊານຊີ້ ລັດຖະບານອັງກິດບົກຜ່ອງຢັບຢັ້ງໂຄວິດ-19 ຫລັງຈຳນວນຜູ້ເສຍຊີວິດສູງຮອດແສນຄົນ
error: Alert: ເນື້ອຫາຂ່າວມີລິຂະສິດ !!