ກະຊວງປ້ອງກັນປະເທດ ສ້າງຕັ້ງບໍລິສັດ ຮ່ວມທຶນກະສິກໍາ ເພື່ອສົ່ງເສີມເສດຖະກິດດ້ານກະສິກຳ ແລະ ການລ້ຽງສັດ

- 142840090 1546457858891322 8299301097749489806 o - ກະຊວງປ້ອງກັນປະເທດ ສ້າງຕັ້ງບໍລິສັດ ຮ່ວມທຶນກະສິກໍາ ເພື່ອສົ່ງເສີມເສດຖະກິດດ້ານກະສິກຳ ແລະ ການລ້ຽງສັດ
- Untitled design - ກະຊວງປ້ອງກັນປະເທດ ສ້າງຕັ້ງບໍລິສັດ ຮ່ວມທຶນກະສິກໍາ ເພື່ອສົ່ງເສີມເສດຖະກິດດ້ານກະສິກຳ ແລະ ການລ້ຽງສັດ

ກົມຜະລິດ-ກະສິກໍາ ກົມໃຫຍ່ພະລາທິການ ກະຊວງປ້ອງກັນປະເທດ ຮ່ວມກັບ ບໍລິສັດ ສາງຈ່ຽງການລົງທຶນລາວ ຈໍາກັດຜູ້ດຽວ ເຊັນສັນຍາ ສ້າງຕັ້ງບໍລິສັດ ຮ່ວມທຶນກະສິກໍາຄົບວົງຈອນ ຈໍາກັດ ໃນວັນທີ 26 ມັງກອນ 2021 ຢູ່ນະຄອນຫລວງວຽງຈັນ, ໂດຍການຮ່ວມລົງນາມ ລະຫວ່າງ ທ່ານ ພັນໂທ ບຸນນໍາ ວົງນະດີ ຮອງຫົວໜ້າກົມຜະລິດ-ກະສິກໍາ ກົມໃຫຍ່ພະລາທິການ, ກະຊວງປ້ອງກັນປະເທດ ແລະ ທ່ານ ນາງ ຄອນສະຫວັນ ແສງວິໄວ ປະທານອໍານວຍການ ບໍລິສັດ ສາງຈ່ຽງ ລົງທຶນລາວ ຈໍາກັດຜູ້ດຽວ,ໂດຍມີ ທ່ານ ພົນຕີ ວົງຄໍາ ພົມມະກອນ ຫົວໜ້າກົມໃຫຍ່ພະລາທິການ ກະຊວງປ້ອງກັນປະເທດ, ມີພາກສ່ວນກ່ຽວຂ້ອງສອງຝ່າຍເຂົ້າຮ່ວມ. ບໍລິສັດດັ່ງກ່າວ, ສ້າງຕັ້ງຂຶ້ນເພື່ອສົ່ງເສີມເສດຖະກິດ ດ້ານກະ ສິກຳ-ການລ້ຽງສັດ, ສົ່ງເສີມການຜະລິດເປັນສິນຄ້າ, ສົ່ງເສີມການແປຮູບຜະລິດຕະພັນກະສິກຳ ໃຫ້ເປັນຜະລິດຕະພັນແຫ່ງຊາດ ສະໜອງຕະຫລາດພາຍໃນ ແລະ ຕ່າງປະເທດ ລວມເຖິງການຂໍໂກຕາສົ່ງອອກງົວໄປ ສປ ຈີນ.

- 143228452 1546457878891320 7378363931963226752 o 300x200 - ກະຊວງປ້ອງກັນປະເທດ ສ້າງຕັ້ງບໍລິສັດ ຮ່ວມທຶນກະສິກໍາ ເພື່ອສົ່ງເສີມເສດຖະກິດດ້ານກະສິກຳ ແລະ ການລ້ຽງສັດ

ທ່ານ ບຸນສູງ ຢາທໍ່ຕູ້ ຮອງຫົວໜ້າກົມໃຫຍ່ພະລາທິການ ກະຊວງປ້ອງກັນປະເທດ ກ່າວວ່າ: ບໍ ລິສັດດັ່ງກ່າວ, ຈະດຳເນີນກິດຈະການກ່ຽວກັບການປູກຝັງ ແລະ ລ້ຽງສັດໃຫຍ່; ຜະລິດ ແລະ ຊື້ຂາຍຜະ ລິດຕະພັນກະສິກຳ-ຜະລິດຕະພັນແປຮູບ ຈາກຜະລິດຕະພັນກະສິກຳ ເປັນຕົ້ນ ອາຫານສຳເລັດຮູບ, ຜະ ລິດຕະພັນຈາກສັດໃຫຍ່ ແລະ ອື່ນໆ ທັງຢູ່ພາຍໃນ ແລະ ຕ່າງປະເທດ; ດຳເນີນກິດຈະການໂຮງງານຂ້າສັດທັນສະໄໝ, ໂຮງງານແປຮູບອາຫານຜະລິດຕະພັນຈາກສັດ; ດໍາເນີນກິດຈະການຟາມລ້ຽງສັດ, ຟາມທອມສັດ, ສູນກັກກັນສັດ, ສູນສັດຕະວະແພດ ແລະ ສູນພັດທະນາເຕັກນິກກະສິກຳ, ພ້ອມທັງບໍລິການ ການຝຶກອົບຮົມ ແລະ ເຕັກນິກກະສິກຳ; ດຳເນີນກິດຈະການຕະຫລາດຊື້-ຂາຍສັດໃຫຍ່ ໂດຍສະເພາະ ສອງຝ່າຍແມ່ນເອົາໃຈໃສ່ໃນການຂໍໂກຕາການສົ່ງອອກງົວ, ຜະລິດຕະພັນຈາກງົວ ທີ່ຜະລິດຈາກໂຄງການ ເພື່ອບັນລຸເປົ້າໝາຍສົ່ງອອກງົວ ໄປ ສປ ຈີນ 400.000 ໂຕ/ປີ. ລວມມູນຄ່າການລົງທຶນ ປະມານ 300 ລ້ານໂດລາສະຫະລັດ ໂດຍມີກຳນົດສັນຍາການລົງທຶນເປັນເວລາ 30 ປີ ແລະ ສາມາດຕໍ່ເວລາໄດ້ 2 ຄັ້ງ ບົນພື້ນການການເຫັນດີເປັນເອກະພາບກັນທັງສອງຝ່າຍ.

- Wave100S AD to Website 2020 0 - ກະຊວງປ້ອງກັນປະເທດ ສ້າງຕັ້ງບໍລິສັດ ຮ່ວມທຶນກະສິກໍາ ເພື່ອສົ່ງເສີມເສດຖະກິດດ້ານກະສິກຳ ແລະ ການລ້ຽງສັດ

ທ່ານ ນາງ ຄອນສະຫວັນ ແສງວິໄວ ໄດ້ໃຫ້ຮູ້ວ່າ: ລັກສະນາຂອງໂຄງການ ຈະເປັນການສົ່ງເສີມການລ້ຽງງົວ ໂດຍການຈັດຕັ້ງທີ່ມີແບບແຜນ ແລະ ມາດຕະຖານດ້ານສະຖານທີ່, ອຸປະກອນຮັບໃຊ້, ແນວພັນ ແລະ ລະບົບເຕັກນິກ, ເຊິ່ງສາມາດສ້າງວຽກເຮັດງານທຳ ແລະ ສົ່ງເສີມເສດຖະກິດໃຫ້ບັນດາກົມກອງທ້ອງຖິ່ນ ທີ່ຂຶ້ນກັບກະຊວງປ້ອງກັນປະເທດ. ນອກນັ້ນ, ຍັງສາມາດຜັນຂະຫຍາຍໄປເຖິງປະຊາຊົນຂັ້ນທ້ອງຖິ່ນ ທີ່ມີພື້ນຖານດ້ານການປູກຝັງ-ລ້ຽງສັດ ໄດ້ມີວຽກເຮັດງານທຳຕື່ມອີກ.

- WhatsApp Image 2020 05 27 at 5 - ກະຊວງປ້ອງກັນປະເທດ ສ້າງຕັ້ງບໍລິສັດ ຮ່ວມທຶນກະສິກໍາ ເພື່ອສົ່ງເສີມເສດຖະກິດດ້ານກະສິກຳ ແລະ ການລ້ຽງສັດ
error: Alert: ເນື້ອຫາຂ່າວມີລິຂະສິດ !!