ມຽນມາເລີ່ມສັກວັກຊີນໂຄວິດ-19 ແລ້ວ ໃຫ້ສິດບຸກຄະລາກອນການແພດກຸ່ມທຳອິດ

- 9aa2e1ad6348f645d1ff9cc2d928ffc7 - ມຽນມາເລີ່ມສັກວັກຊີນໂຄວິດ-19 ແລ້ວ ໃຫ້ສິດບຸກຄະລາກອນການແພດກຸ່ມທຳອິດ
- Untitled design - ມຽນມາເລີ່ມສັກວັກຊີນໂຄວິດ-19 ແລ້ວ ໃຫ້ສິດບຸກຄະລາກອນການແພດກຸ່ມທຳອິດ

ວັນ​ທີ 27 ມັງກອນ 2021, ສຳນັກ​ຂ່າວ AFP ລາຍ​ງານ​ວ່າ: ທາງ​ການ​ມຽນມາ​ເລີ່​ມຕົ້ນ​ໂຄງການ​ສັກ​ວັກ​ຊີ​ນ​ໂຄ​ວິດ-19 ​ແລ້ວ​ໃນ​ວັນ​ທີ 27 ມັງກອນນີ້ ​ໂດຍ​ບັນຍາກາດ​ຢູ່​ນະຄອນຫລວງ​ເນ​ປີ​ດໍ ຂອງ​ມຽນມາ, ນາງ ອອງຊານ ຊູ​ຈີ ທີ່​ປຶກສາ​ແຫ່ງ​ລັດ​ຂອງ​ມຽນມາ ​ເດີນທາງ​ເຂົ້າຮ່ວມ​ເປັນ​ສັກຂີ​ພິຍານ​ໃນ​ການ​ສັກ​ວັກ​ຊີ​ນ​ໂຄ​ວິດ-19 ດ້ວຍ​ຕົນ​ເອງ.

ກ່ອນ​ໜ້າ​ນີ້ ​ເວັບ​ໄຊ​ອິຣະວະ​ດີ ສື່​ພາສາ​ອັງກິດ​ຂອງ​ມຽນມາ ​ເປີດ​ເຜີຍ​ວ່າ: ທາງ​ການ​ມຽນມາ​ຫາ​ກໍ​ໄດ້​ຮັບ​ວັກ​ຊີ​ນ​ໂຄ​ວິດ-19 ສູດ​ທີ່​ພັດທະນາ​ໂດຍ​ບໍລິສັດ​ AstraZeneca ຮ່ວມ​ກັບ​ມະຫາວິທະຍາ​ໄລ​ອອກ​ຟອດ ​ເຊິ່ງຜະລິດ​ໂດຍ​ສະ​ຖາ​ບັນ​ເຊ​ຣຳ​ແຫ່ງ​ອິນ​ເດຍ (Serum Institute of India) ​​ໃນ​ວັນ​ທີ 22 ມັງກອນ ​ເຊິ່ງມຽນມາ​ໄດ້​ຮັບ​ມາ​ທັງ​ໝົດ 1,5 ລ້ານ​ໂດ​ສ ພຽງພໍ​ຕໍ່​ການ​ສັກ​ໃຫ້​ປະຊາຊົນ 750.000 ຄົນ.

​ໂດຍ​ທາງ​ການ​ມຽນມາ​ຈະ​ໃຫ້​ສິດ​ບຸກຄະລາ​ກອນ​ທາງ​ການ​ແພດ​ທີ່​ມີ​ຢູ່ 110.000 ກວ່າ​ຄົນ ​ແລະ ອາສາ​ສະໝັກ​ອີກ 10.000 ກວ່າ​ຄົນ ​ເປັນ​ກຸ່ມ​ທຳ​ອິດ​ທີ່​ຈະ​ໄດ້​ຮັບ​ວັກ​ຊີ​ນ​ໂຄ​ວິດ-19 ກ່ອນ​ຈະ​ໃຫ້​ສິດ​ເຈົ້າໜ້າ​ທີ່​ລັດ​ສຳຄັນໆ ​ແລະ ຜູ້​ທີ່​ມີ​ອາຍຸ​ສູງ​ກວ່າ 65 ປີ ​ເຊິ່ງມີ​ຢູ່​ປະມານ 3,5 ລ້ານ​ຄົນທົ່ວ​ປະ​ເທດ​ເປັນ​ລຳດັບ​ຕໍ່​ໄປ.

- Wave100S AD to Website 2020 0 - ມຽນມາເລີ່ມສັກວັກຊີນໂຄວິດ-19 ແລ້ວ ໃຫ້ສິດບຸກຄະລາກອນການແພດກຸ່ມທຳອິດ

ກ່ອນ​ໜ້າ​ນີ້ ທາງ​ການ​ມຽນມາ​ເປີດ​ເຜີຍ​ວ່າ: ​ໄດ້​ສັ່ງ​ຈອງ​ວັກ​ຊີ​ນ​ໂຄ​ວິດ-19 ຈຳນວນ 30 ລ້ານ​ໂດ​ສ ຈາກ​ສະ​ຖາ​ບັນ​​ເຊຣຳ​ແຫ່ງ​ອິນ​ເດຍ​ແລ້ວ ​ໂດຍ​ຄາດ​ວ່າ​ຈະ​ໄດ້​ຮັບ​ວັກ​ຊີ​ນຈຳນວນ​ດັ່ງກ່າວ​ໃນ​ເດືອນ​ກຸມພາ​ນີ້. ຂະນະ​ດຽວ​ກັນ ຍັ​ງ​ເຈລະຈາ​ຊື້ວັກ​ຊີ​ນຈາກ​ຈີນ, ຣັດ​ເຊຍ, ອັງກິດ ​ແລະ ອາ​ເມ​ລິ​ກາ​ເພີ່ມ​ອີກ ພາຍ​ໃຕ້​ເປົ້າໝາຍວ່າ: ຈະ​ຕ້ອງ​ສັກ​ວັກ​ຊີ​ນ​ໂຄ​ວິດ-19 ປະຊາຊົນ​ໃຫ້​ໄດ້ 40% ຂອງ​ປະຊາກອນ​ທັງ​ໝົດ 54,4 ລ້ານ​ຄົນ​ພາຍ​ໃນ​ປີ​ນີ້.

- WhatsApp Image 2020 05 27 at 5 - ມຽນມາເລີ່ມສັກວັກຊີນໂຄວິດ-19 ແລ້ວ ໃຫ້ສິດບຸກຄະລາກອນການແພດກຸ່ມທຳອິດ
error: Alert: ເນື້ອຫາຂ່າວມີລິຂະສິດ !!