ອາຫານທີ່ຄົນເປັນພະຍາດໝາກໄຂ່ຫລັງຄວນເລືອກ ແລະ ຫລີກເວັ້ນ

- 013006 -  ອາຫານທີ່ຄົນເປັນພະຍາດໝາກໄຂ່ຫລັງຄວນເລືອກ ແລະ ຫລີກເວັ້ນ
- AGL banner -  ອາຫານທີ່ຄົນເປັນພະຍາດໝາກໄຂ່ຫລັງຄວນເລືອກ ແລະ ຫລີກເວັ້ນ

ປະລິມານໂປຣຕິນທີ່ຄົນປ່ວຍພະຍາດໝາກໄຂ່ຫລັງຊຳ້ເຮື້ອທີ່ຍັງບໍ່ໄດ້ປິ່ນປົວໂດຍການຟອກເລືອດ ຄວນໄດ້ຮັບຕໍ່າກ່ວາຄົນປົກກະຕິໂດຍມີຂໍ້ແນະນຳໃຫ້ຢູ່ໃນລະຫ່ວາງ 0,6 – 0,8 ກຣາມຕໍ່ນຳ້ໜັກໂຕທີ່ຄວນຈະເປັນ ເພື່ອໃຫ້ໝາກໄຂ່ຫລັງພາກສ່ວນທີ່ເຫລືອໄດ້ເຮັດວຽກຫລຸດລົງ ແລະ ເກີດສິ່ງເສຍຫາຍໜ້ອຍລົງ ໂດຍເລືອກກິນໂປຣຕິນທີ່ມີຄຸນນະພາບດີ ແລະ ຫລີກເວັ້ນໂປຣຕິນຄຸນນະພາບຕໍ່າ ເນື່ອງຈາກໝາກໄຂ່ຫລັງຈະຕ້ອງເຮັດວຽກໜັກໃນການກຳຈັດສິ່ງເສດເຫລືອທີ່ເສຍຫາຍແລ້ວອອກຈາກຮ່າງກາຍ ເຊັ່ນ : ຖົ່ວ, ທັນຍາພືດ, ເຕົ້າຫູ້ ເປັນຕົ້ນ.

ເພື່ອສຸຂະພາບຂອງຜູ້ປ່ວຍຄວນເອົາໃຈໃສ່ເລື່ອງອາຫານຂຶ້ນຕື່ມວ່າອາຫານທີ່ຄວນເລືອກກິນກັບອາຫານທີ່ຄວນຫລີກເວັ້ນມີຫຍັງແດ່ ເປັນຕົ້ນ.

– ໂປຣຕິນທີ່ຄວນເລືອກກິນ : ປາທູ, ປາທະເລ, ໄຂ່ຂາວ, ປາ, ກຸ້ງ, ໝູ, ໄກ່.

– ໂປຣຕິນທີ່ຄວນຫລີກເວັ້ນ : ຖົ່ວ, ທັນຍາພືດ, ເຕົ້າຫູ້, ເຄື່ອງໃນສັດ, ນົມ, ໄສ້ກອກ.

– ນຳ້ມັນທີ່ຄວນເລືອກ : ນຳ້ມັນຈາກເຂົ້າ, ນຳ້ມັນໝາກກອກ,  ນຳ້ມັນຖົ່ວເຫລືອງ, ນຳ້ມັນດອກຕາເວັນ.

– ນຳ້ມັນທີ່ຄວນຫລີກເວັ້ນ : ນຳ້ມັນຈາກສັດ, ນຳ້ມັນປາມ, ນຳ້ມັນໝາກພ້າວ.

– ຄວນຫລີກເວັ້ນໄຂມັນຊະນິດທຣານທີ່ແຝງໃນອາຫານ ເຊັ່ນ : ເນີຍທຽມ, ມາກາຣີນ, ເບເກີຣີຕ່າງໆ.

- Wave100S AD to Website 2020 0 -  ອາຫານທີ່ຄົນເປັນພະຍາດໝາກໄຂ່ຫລັງຄວນເລືອກ ແລະ ຫລີກເວັ້ນ

– ໂປຕັສຊຽມເປັນເກືອແຮ່ທີ່ຈຳເປັນ, ແຕ່ເມື່ອໝາກໄຂ່ຫລັງເຮັດວຽກຫລຸດລົງ ເຮັດໃຫ້ຮ່າງກາຍບໍ່ສາມາດໄລ່ໂປຕັສຊຽມອອກໄດ້ ເຮັດໃຫ້ມີລະດັບໂປຕັສຊຽມໃນເລືອດສູງ ອາດນຳໄປສູ່ອາການກ້າມຊີ້ນຫົວໃຈເຕັ້ນຜິດປົກກະຕິ ຫລື ຢຸດເຕັ້ນໄດ້.

– ຜັກທີ່ມີໂປຕັສຊຽມຕໍ່າເຖິງປານກາງ ປະກອບມີ : ຖົ່ວລັນເຕົາ, ຜັກກາດຊອມ, ຜັກສະຫລັດ, ໝາກເຂືອຂາວ, ໝາກບວມ, ໝາກໃສ່, ຫົວຜັກບົ່ວໃຫຍ່, ຫົວຜັກກາດຂາວ, ຜັກບົ້ງ, ໝາກແຕງ.

– ຜັກທີ່ມີໂປຕັສຊຽມຫລາຍ ຄວນຫລີກເວັ້ນ ປະກອບມີ : ໝາກປີ, ຜັກກະລໍ່າດອກ, ຜັກກະລໍ່າ, ຜັກບົ່ວໃບ, ຫົວກະຫລົດ, ໜໍ່ໄມ້ຝຣັ່ງ, ໝາກອຶ, ມັນຝຣັ່ງ.

– ໝາກໄມ້ທີ່ມີໂປຕັສຊຽມຕໍ່າ ເຖິງປານກາງ ປະກອບມີ : ໝາກແອັບເປິ້ນ, ໝາກມັງຄຸດ, ໝາກກຽງ, ໝາກນັດ, ໝາກກ້ຽງຂຽວຫວານ, ໝາກໂມ, ໝາກກ້ຽງໃຫຍ່.

– ໝາກໄມ້ທີ່ມີໂປຕັສຊຽມຫລາຍ ຄວນຫລີກເວັ້ນ ປະກອບມີ: ໝາກກ້ວຍນຳ້, ໝາກສີດີ, ໝາກແກ້ວມັງກອນ, ໝາກແຕງແຄນຕາລູບ, ໝາກລຳໄຍ, ໝາກມີ້, ໝາກຖົ່ວລຽນ, ໝາກຂາມຫວານ.

- lattana 1 -  ອາຫານທີ່ຄົນເປັນພະຍາດໝາກໄຂ່ຫລັງຄວນເລືອກ ແລະ ຫລີກເວັ້ນ
error: Alert: Content is protected !!