ສຳຫລວດແນວທາງພັດທະນາວັກຊີນຕ້ານໂຄວິດ-19 ສາຍພັນໃໝ່ ຖ້າວັກຊີນທີ່ມີຢູ່ໃຊ້ບໍ່ໄດ້ຜົນດີ ໂອກາດໄດ້ວັກຊີນໃໝ່ ຊ້າ-ໄວ ຊໍ່າໃດ ?

ສຳຫລວດແນວທາງພັດທະນາວັກຊີນຕ້ານໂຄວິດ-19 ສາຍພັນໃໝ່ ຖ້າວັກຊີນທີ່ມີຢູ່ໃຊ້ບໍ່ໄດ້ຜົນດີ ໂອກາດໄດ້ວັກຊີນໃໝ່ ຊ້າ-ໄວ ຊໍ່າໃດ ? - https   d1e00ek4ebabms - ສຳຫລວດແນວທາງພັດທະນາວັກຊີນຕ້ານໂຄວິດ-19 ສາຍພັນໃໝ່ ຖ້າວັກຊີນທີ່ມີຢູ່ໃຊ້ບໍ່ໄດ້ຜົນດີ ໂອກາດໄດ້ວັກຊີນໃໝ່ ຊ້າ-ໄວ ຊໍ່າໃດ ?
ສຳຫລວດແນວທາງພັດທະນາວັກຊີນຕ້ານໂຄວິດ-19 ສາຍພັນໃໝ່ ຖ້າວັກຊີນທີ່ມີຢູ່ໃຊ້ບໍ່ໄດ້ຜົນດີ ໂອກາດໄດ້ວັກຊີນໃໝ່ ຊ້າ-ໄວ ຊໍ່າໃດ ? - Untitled design - ສຳຫລວດແນວທາງພັດທະນາວັກຊີນຕ້ານໂຄວິດ-19 ສາຍພັນໃໝ່ ຖ້າວັກຊີນທີ່ມີຢູ່ໃຊ້ບໍ່ໄດ້ຜົນດີ ໂອກາດໄດ້ວັກຊີນໃໝ່ ຊ້າ-ໄວ ຊໍ່າໃດ ?

ວັກ​ຊີ​ນຕ້ານ​ໂຄ​ວິດ-19 ຖື​ເປັນການ​ພັດທະນາ​ວັກ​ຊີ​ນປ້ອງ​ກັນ​ພະຍາດ​ລະບາດ​ວ່ອງ​ໄວ​ທີ່​ສຸດ​ໃນ​ປະຫວັດສາດ​ຂອງ​ມະນຸດ ​ໂດຍ​ຫລາຍ​ກຸ່ມ​ວິ​ໄຈ​ເຊັ່ນ: Moderna, Pfizer-BioNTech ຫລື ມະຫາວິທະຍາ​ໄລ​ອອກ​ຟອດ ຮ່ວມ​ກັບ AstraZeneca ​ໃຊ້​ເວລາ​ພຽງ​ບໍ່​ຮອດ 12 ​ເດືອນ ກໍ​ໄດ້​ວັກ​ຊີ​ນທີ່​ມີ​ທັງ​ປະສິດທິພາບ ​ແລະ ຄວາມ​ປອດ​ໄພ​ໃນ​ລະດັບ​ສູງ​ພຽງພໍ​ນຳ​ໃຊ້.

​ແຕ່​ການ​ກາຍພັນ​ຂອງ​ເຊື້ອ​ໄວຣັສ SARS-CoV-2 ຫລື ​ໄວຣັສ​ໂຄ​ໂຣນາສາ​ຍພັນ​ໃໝ່​ທີ່​ປາກົດ​ໃນ​ຫລາຍ​ປະ​ເທດ ​ໂດຍ​ສະ​ເພາະ​ອັງກິດ ​ແລະ ອາ​ຟຣິກາ​ໃຕ້ ມີ​ທ່າ​ອ່ຽງ​ແຜ່​ລະບາດ​ໄດ້​ວ່ອງ​ໄວ ​ແລະ ມີ​ອັນຕະລາຍ​ຮ້າຍ​ແຮງ​ກວ່າ, ອີກ​ທັງ​ຍັງ​ອາດ “ທົນ​ທານ” ຕໍ່​ວັກ​ຊີ​ນທີ່​ມີ​ຢູ່​ໄດ້​ຫລາຍ​ກວ່າ ​ເຮັດ​ໃຫ້​ບັນດາ​ຜູ້​ພັດທະນາ​ວັກ​ຊີ​ນຕ່າງ​ເລັ່ງຫາ​ທາງ​ຮັບ​ມື ທ່າມກາງ​ຄວາມ​ກັງວົນ​ວ່າ ວັກ​ຊີ​ນທີ່​ມີ​ຢູ່​ຈະ​ບໍ່​ສາມາດ​ໃຊ້​ປ້ອງ​ກັນ​ການ​ຕິດ​ເຊື້ອ​ໄດ້.

​ເຖິງ​ຢ່າງ​ໃດ​ກໍ​ຕາມ, ນັກວິທະຍາສາດ​ຜູ້​ພັດທະນາ​ວັກ​ຊີ​ນໝັ້ນ​ໃຈ​ວ່າ ສາມາດ​ພັດທະນາ​ວັກ​ຊີ​ນ​ເພື່ອ​ຮັບ​ມື​​ເຊື້ອ​ໄວຣັສກາຍພັນ​ທີ່​ພົບ​ໄດ້, ​ແຕ່​ຄຳ​ຖາມ​ສຳຄັນ​ຄື ຕ້ອງ​ໃຊ້​ເວລາ​ດົນ​ຊໍ່າ​ໃດ ?.

Moderna ປາກົດ​ໃນ​ວັນ​ທີ 25 ມັງກອນ​ຜ່ານ​ມາ ​ເຊື່ອ​ວ່າ: ວັກ​ຊີ​ນ​ໂຄ​ວິດ-19 ທີ່​ທາງ​ບໍລິສັດ​ພັດທະນາ​ນັ້ນສາມາດ​ຕ້ານທານ​ເຊື້ອ​ໄວຣັສກາຍພັນ​ໄດ້, ​ແຕ່​ກຽມພ້ອມ​ເລີ່​ມຕົ້ນການ​ທົດ​ລອງ​ໃນ​ມະນຸດ ສຳລັບ​ວັກ​ຊີ​ນຊະນິດ​ໃໝ່​ທີ່​ມຸ້ງ​ປ້ອງ​ກັນ​ເຊື້ອ​ໂຄ​ວິດ-19 ສາຍ​ພັນ​ອາ​ຟຣິກາ​ໃຕ້.

ຂະນະ​ທີ່ Moderna ຕັດສິນ​ໃຈ​ເລີ່​ມຕົ້ນການ​ທົດ​ລອງ​ວັກ​ຊີ​ນຊະນິດ​ໃໝ່ ຫລັງຄົ້ນພົບ​ວ່າ​ວັກ​ຊີ​ນທີ່​ມີ​ຢູ່​ໃຫ້​ຜົນ​​ໃນ​ການ​ກະ​ຕຸ້ນ​ພູມ​ຄຸ້ມ​ກັນ​ໃນ​ຮ່າງກາຍ ​ເພື່ອ​ປ້ອງ​ກັນ​ເຊື້ອ​ໂຄ​ວິດ-19 ສາຍ​ພັນ​ອາ​ຟຣິກາ​ໃຕ້ ຫລື ​ເອີ້ນ​ວ່າ: ສາຍ​ພັນ 501.v2 ​ໄດ້​ຕໍ່າ​ກວ່າ​ສາຍ​ພັນ​ອື່ນໆ​ເຖິງ 6 ​ເທົ່າ.

ອີກ​ສາ​ເຫດ​ທີ່​ເຮັດ​ໃຫ້​ຕ້ອງ​ເລັ່ງພັດທະນາ​ວັກ​ຊີ​ນ​ໃໝ່ ​ເພາະ​ຖ້າ​ໄວຣັສກາຍພັນ​ຊະນິດ​ນີ້​ແຜ່​ລະບາດ​ຫລາຍ​ເທົ່າ​ໃດ ກໍ​ຈະ​ຍິ່ງ​ມີ​ການ​ກາຍພັນ​​ເພີ່ມ​ຂຶ້ນ.

ສຳຫລວດແນວທາງພັດທະນາວັກຊີນຕ້ານໂຄວິດ-19 ສາຍພັນໃໝ່ ຖ້າວັກຊີນທີ່ມີຢູ່ໃຊ້ບໍ່ໄດ້ຜົນດີ ໂອກາດໄດ້ວັກຊີນໃໝ່ ຊ້າ-ໄວ ຊໍ່າໃດ ? - Wave100S AD to Website 2020 0 - ສຳຫລວດແນວທາງພັດທະນາວັກຊີນຕ້ານໂຄວິດ-19 ສາຍພັນໃໝ່ ຖ້າວັກຊີນທີ່ມີຢູ່ໃຊ້ບໍ່ໄດ້ຜົນດີ ໂອກາດໄດ້ວັກຊີນໃໝ່ ຊ້າ-ໄວ ຊໍ່າໃດ ?

ຜູ້ອຳນວຍການ​ສູນ​ໄວຣັສວິທະຍາ ​ແລະ ວິ​ໄຈ​ວັກ​ຊີ​ນຂອງ​ມະຫາວິທະຍາ​ໄລ​ຮາ​ວາດ ຊີ້​ວ່າ: ວັກ​ຊີ​ນທີ່​ໃຊ້​ກັນ​ຢູ່​ໃນ​ປັດຈຸບັນ ຕ່າງ​ພັດທະນາ​ຈາກ​ພື້ນຖານ DNA ​ໄວຣັສທີ່​ມາ​ຈາກ​ເມືອງ​ອູ່​ຮັ່ນຂອງ​ຈີນ ​ເຊິ່ງຜົນ​ກະທົບ​ຈາກ​ການ​ກາຍພັນ​ຂອງ​ໄວຣັສທີ່​ມີ​ຕໍ່​ວັກ​ຊີ​ນນັ້ນ ມີ​ທ່າ​ອ່ຽງຈະ​ສົ່ງ​ຜົນ​ກະທົບ​ຕໍ່​ວັກ​ຊີ​ນທຸກ​ຊະນິດ.

ສຳລັບ​ແນວທາງ​ພັດທະນາ​ວັກ​ຊີ​ນ​ເພື່ອ​ຮັບ​ມື​ເຊື້ອ​ໂຄ​ວິດ-19 ກາຍພັນ​ນັ້ນ ຂັ້ນຕອນ​ຮີບ​ດ່ວນ​ຄື​ການ​ກຽມພ້ອມ​ພັດທະນາ​ວັກ​ຊີ​ນຕົ້ນ​ແບບ ​ແລະ ບູສ​ເຕີ ຫລື ວັກ​ຊີ​ນສຳລັບ​ສັກກະ​ຕຸ້ນ​ພູມ​ຄຸ້ມ​ກັນ​ເພີ່ມ​ຕື່ມ ​ເຊິ່ງຈະ​ຊ່ວຍ​ໃຫ້​ຜູ້​ພັດທະນາ​ສາມາດ​ເດີນ​ໜ້າການ​ທົດ​ລອງ​ວັກ​ຊີ​ນ​ໃນ​ອາສາ​ສະໝັກ​ກຸ່ມ​ນ້ອຍໆ​ໄດ້​ຢ່າງ​ວ່ອງ​ໄວ.

ຂະນະ​ທີ່​ເຕັກ​ໂນ​ໂລ​ຊີ​ໃນ​ການ​ພັດທະນາ​ວັກ​ຊີ​ນທີ່​ມີ​ຢູ່​ແລ້ວ ຍັງ​ສາມາດ​ນຳ​ມາ​ໃຊ້​ເພື່ອ​ໃຫ້ການ​ພັດທະນາ ​ແລະ ຜະລິດ​ວັກ​ຊີ​ນຊະນິດ​ໃໝ່​ໄດ້​ວ່ອງ​​ໄວ​ຍິ່ງ​ຂຶ້ນ ​ໂດຍ Moderna ​ໃຊ້​ເວລາ​ເລີ່​ມພັດທະນາ​ວັກ​ຊີ​ນ​ໂຄ​ວິດ-19 ຈາກ​ລຳດັບ​ພັນທຸ​ກຳ​ໄວຣັສຈົນ​ເຖິງ​ໄດ້​ວັກ​ຊີ​ນ​ໂດ​ສທຳ​ອິດ​ໃນ​ເວລາ 42 ວັນ, ​ແຕ່​ສຳລັບ​ວັກ​ຊີ​ນ​ລຸ້ນ​ໃໝ່​ທີ່​ໃຊ້​ຕ້ານ​ເຊື້ອ​ໂຄ​ວິດ-19 ກາຍພັນ​ຈະ​ໄວ​ກວ່າ​ນັ້ນ ​ເນື່ອງ​ຈາກ​ສູດ​ໃນ​ການ​ພັດທະນາ​ວັກ​ຊີ​ນ​ເກືອບ​ທຸກ​ຢ່າງ​ຈະ​ຄື​ເກົ່າ ຍົກ​ເວັ້ນລຳດັບ​ພັນທຸ​ກຳ​ຈາກ​ໄວຣັສກາຍພັນ​ທີ່​ຕ່າງ​ອອກ​ໄປ.

ສ່ວນ​ບໍລິສັດ BioNTech ຂອງ​ເຢຍລະ​ມັນ ທີ່​ພັດທະນາ​ວັກ​ຊີ​ນຮ່ວມ​ກັບ Pfizer ຊີ້​ວ່າ: ການ​ພັດທະນາ​ວັກ​ຊີ​ນລຸ້ນ​ໃໝ່​ຈາກ​ເຕັກ​ໂນ​ໂລ​ຊີ mRNA ທີ່​ໃຊ້​ຢູ່​ນັ້ນ ສາມາດ​ເຮັດ​ໄດ້​ວ່ອງ​ໄວ ​ແລະ ຜະລິດ​ວັກ​ຊີ​ນລຸ້ນ​ໃໝ່​ໄດ້​ພາຍ​ໃນ 6 ອາທິດ.

ສຳລັບ​ຢູ່​ອາ​ເມ​ລິ​ກາ ວັກ​ຊີ​ນ​ທີ່​ໄດ້​ຮັບ​ການ​ອະນຸມັດ​ນຳ​ໃຊ້​ຈາກ​ອົງການ​ອາຫານ ​ແລະ ຢາ ຫລື FDA ຈະ​ໃຊ້​ເວລາ​ໃນ​ການກວດ​ສອບ​ຂໍ້​ມູນ​ປະສິດທິພາບ ​ແລະ ຄວາມ​ປອດ​ໄພ ປະມານ 2 ​ເດືອນ ​ເຊິ່ງສຳລັບ​ວັກ​ຊີ​ນ​ໃໝ່​ທີ່​ພັດທະນາ​ຈາກ​ເຕັກ​ໂນ​ໂລ​ຊີ mRNA ຈະ​ມີ​ຂໍ້​ໄດ້​ປຽບ​ຄື FDA ບໍ່​ບັງຄັບ​​ໃຫ້​ຕ້ອງ​ມີ​ການ​ທົດ​ລອງ​ຄວາມ​ປອດ​ໄພ ຖ້າ​ສ່ວນ​ປະກອບ​ຂອງ​ວັກ​ຊີ​ນຍັງ​ຄື​ເກົ່າ ​ແລະ ມີ​ພຽງ​ລຳດັບ​ພັນທຸ​ກຳ​ໄວຣັສທີ່​ປ່ຽນ​ແປງ​ໄປ.

ສຳຫລວດແນວທາງພັດທະນາວັກຊີນຕ້ານໂຄວິດ-19 ສາຍພັນໃໝ່ ຖ້າວັກຊີນທີ່ມີຢູ່ໃຊ້ບໍ່ໄດ້ຜົນດີ ໂອກາດໄດ້ວັກຊີນໃໝ່ ຊ້າ-ໄວ ຊໍ່າໃດ ? - WhatsApp Image 2020 05 27 at 5 - ສຳຫລວດແນວທາງພັດທະນາວັກຊີນຕ້ານໂຄວິດ-19 ສາຍພັນໃໝ່ ຖ້າວັກຊີນທີ່ມີຢູ່ໃຊ້ບໍ່ໄດ້ຜົນດີ ໂອກາດໄດ້ວັກຊີນໃໝ່ ຊ້າ-ໄວ ຊໍ່າໃດ ?
ສຳຫລວດແນວທາງພັດທະນາວັກຊີນຕ້ານໂຄວິດ-19 ສາຍພັນໃໝ່ ຖ້າວັກຊີນທີ່ມີຢູ່ໃຊ້ບໍ່ໄດ້ຜົນດີ ໂອກາດໄດ້ວັກຊີນໃໝ່ ຊ້າ-ໄວ ຊໍ່າໃດ ? - WhatsApp Image 2020 05 27 at 5 - ສຳຫລວດແນວທາງພັດທະນາວັກຊີນຕ້ານໂຄວິດ-19 ສາຍພັນໃໝ່ ຖ້າວັກຊີນທີ່ມີຢູ່ໃຊ້ບໍ່ໄດ້ຜົນດີ ໂອກາດໄດ້ວັກຊີນໃໝ່ ຊ້າ-ໄວ ຊໍ່າໃດ ?
error: Alert: ເນື້ອຫາຂ່າວມີລິຂະສິດ !!