2 ບັນຫາຫຼັກ ແລະ ຕົ້ນຕໍ ຂອງກອງປະຊຸມໃຫ່ຍຄັ້ງທີ XIII ຂອງພັກຄອມມຸຍນິດ ຫວຽດນາມ

2 ບັນຫາຫຼັກ ແລະ ຕົ້ນຕໍ ຂອງກອງປະຊຸມໃຫ່ຍຄັ້ງທີ XIII ຂອງພັກຄອມມຸຍນິດ ຫວຽດນາມ - 558000014496601 - 2 ບັນຫາຫຼັກ ແລະ ຕົ້ນຕໍ ຂອງກອງປະຊຸມໃຫ່ຍຄັ້ງທີ XIII ຂອງພັກຄອມມຸຍນິດ ຫວຽດນາມ
2 ບັນຫາຫຼັກ ແລະ ຕົ້ນຕໍ ຂອງກອງປະຊຸມໃຫ່ຍຄັ້ງທີ XIII ຂອງພັກຄອມມຸຍນິດ ຫວຽດນາມ - Untitled design - 2 ບັນຫາຫຼັກ ແລະ ຕົ້ນຕໍ ຂອງກອງປະຊຸມໃຫ່ຍຄັ້ງທີ XIII ຂອງພັກຄອມມຸຍນິດ ຫວຽດນາມ

ໂດຍ: ລູກເມືອງພວນ

ກອງປະຊຸມໃຫ່ຍຜູ້ແທນທົ່ວປະເທດຄັ້ງທີ XIII ຂອງພັກຄອມມຸຍນິດ ຫວຽດນາມ ໄຂຂຶ້ນຢ່າງເປັນທາງການແຕ່ວັນທີ 25 ມັງກອນເປັນຕົ້ນມາ.

ໃນກອງປະຊຸມໃຫ່ຍຄັ້ງນີ້ ບັນດາຜູ້ແທນກອງປະຊຸມລ້ວນແຕ່ຕັ້ງຄວາມຫວັງໄວ້ວ່າ ຈະມີຫຼາຍສິ່ງຫຼາຍຢ່າງທີ່ເປັນບາດກ້າວກະໂດດຂັ້ນ ແລະ ປ່ຽນແປງໃໝ່ກວ່າທຸກໆກອງປະຊຸມທີ່ຜ່ານມາ.

ບັນດາຜູ້ແທນກອງປະຊຸມລ້ວນແຕ່ໃຫ້ຄຳຄິດຄຳເຫັນໄປໃນທິດທາງດຽວກັນວ່າ: ແນວໃດກໍແນວ, ເນື້ອໃນສຳຄັນທີ່ສຸດ ແລະ ຕົ້ນຕໍທີ່ສຸດຂອງກອງປະຊຸມ ກໍຍັງແມ່ນ ເນື້ອໃນຂອງບົດລາຍງານການເມືອງ, ເພາະມັນເປັນແນວທາງ, ທິດທາງ ແລະ ນະໂຍບາຍ ໃນການພັດທະນາເສດຖະກິ-ສັງຄົມຂອງປະເທດໃນ 5 ປີຕໍ່ໜ້າ, ຖ້າຂາດທິດທາງ, ແນວທາງ ກໍຈະບໍ່ມອງເຫັນອະນາຄົດທີ່ສົດໃສໄດ້. ບັນຫາທີສອງທີ່ສຳຄັນບໍ່ແພ້ກັນ ທີ່ຜູ້ແທນໃຫ້ຄວາມສົນໃຈ ແລະ ຕັ້ງຄວາມຫວັງໄວ້ຫຼາຍກໍຄື ບຸກຄະລາກອນ ໃນກຳມະການສູນກາງພັກ, ກົມການເມືອງ, ເລຂາທິການໃຫ່ຍ, ຄະນະເລຂາທິການສູນກາງພັກ, ປະທານກວດກາແຫ່ງລັດ ແລະ ຜູ້ເປັນຫົວໜ້າອົງການຕ່າງໆ ຂອງພັກ-ລັດ ແມ່ນມີຄວາມສຳຄັນຫຼາຍ.

2 ບັນຫາຫຼັກ ແລະ ຕົ້ນຕໍ ຂອງກອງປະຊຸມໃຫ່ຍຄັ້ງທີ XIII ຂອງພັກຄອມມຸຍນິດ ຫວຽດນາມ - Wave100S AD to Website 2020 0 - 2 ບັນຫາຫຼັກ ແລະ ຕົ້ນຕໍ ຂອງກອງປະຊຸມໃຫ່ຍຄັ້ງທີ XIII ຂອງພັກຄອມມຸຍນິດ ຫວຽດນາມ

ຖ້າເລືອກໄດ້ບຸກຄະລາກອນທີ່ດີ, ມີຄຸນນະພາບ, ມີຄຸນສົມບັດ ສິນທຳປະຕິວັດ, ມີຄວາມຮູ້ຄວາມສາມາດ, ບໍລິສຸດຕໍ່ຊາດຕໍ່ປະຊາຊົນ, ຈົງຮັກພັກດີຕໍ່ພັກ ຫວັງວ່າປະເທດຊາດຈະກ້າວເດີນດ້ວຍບາດກ້າວທີ່ໜັກແໜ້ນ. ແຕ່ກົງກັນຂ້າ ຖ້າຫາກເລືອກໄດ້ບຸກຄະລາກອນທີ່ມີແປ້ວ ມີແມງ, ຂາດຄວາມຮູ້ ຄວາມສາມາດ, ຂາດຄຸນສົມບັດ, ບໍ່ບໍລິສຸດຕໍ່ຊາດຕໍ່ປະຊາຊົນ ກໍຈະພາປະເທດຊາດຈິບຫາຍວາບວອດ ບໍ່ໄວກໍຊ້າ.

ຍ້ອນເຫດຜົນດັ່ງກ່າວ, ກອງປະຊຸມໃຫ່ຍຄັ້ງນິີ້ຂອງພັກຄອມມຸຍນິດຫວຽດນາມຈຶ່ງເນັ້ນໜັກເຖິງ ບຸກຄະລາກອນ ເປັນພິເສດ ແລະ ເນັ້ນວ່າ: ຜູ້ທີ່ສະເໜີເອົາບຸກຄະລາກອນເຂົ້າໄປໃນກຳມະການສູນກາງພັກ, ກົມການເມືອງ, ເລາຂາທິການໃຫ່ຍ, ຄະນະເລຂາທິການສູນກາງພັກ… ບໍ່ໄດ້ຕາມມາດຖານເງື່ອນໄຂ ກໍຕ້ອງມີຄວາມຮັບຜິດຊອບຕໍ່ໜ້າກົດໝາຍເຊັ່ນດຽວກັນ. ກອງປະຊຸມໃຫ້ຄວາມສຳຄັນບຸກຄະລາກອນວ່າ: ເປັນບັນຫາ “ຕົ້ນຕໍຂອງຕົ້ນຕໍ”.

ສະຫຼຸບຄວາມແລ້ວ, ຜູ້ທີ່ຖືກເລືອກເຂົ້າເປັນກຳມະການສູນກາງພັກ, ກົມການເມືອງ, ຄະນະເລຂາທີການສູນກາງພັກ ແລະ ບັນດາຕຳແໜ່ງທີ່ສຳຄັນໆ ຂອງພັກ ແລະ ລັດຖະບານ ຕ້ອງແມ່ນຜູ້ທີ່ມີຄວາມຮູ້ ຄວາມສາມາດ, ມີຄຸນສົມບັດສິນທຳປະຕິວັດ, ມີທັງຖານະບົດບາດ ແລະ ມີຈັນຍາທຳ ເພາະວ່າ ພວກເພິ່ນແມ່ນຕົວແທນແຫ່ງຄຸນສົມບັດຂອງພັກ, ກ້າຄິດ ກ້າທຳ ເພື່ອຄວາມຈະເລີນກ້າວໜ້າຂອງປະເທດຊາດ, ເພື່ອຜົນປະໂຫຍດຂອງປະຊາຊົນ

2 ບັນຫາຫຼັກ ແລະ ຕົ້ນຕໍ ຂອງກອງປະຊຸມໃຫ່ຍຄັ້ງທີ XIII ຂອງພັກຄອມມຸຍນິດ ຫວຽດນາມ - WhatsApp Image 2020 05 27 at 5 - 2 ບັນຫາຫຼັກ ແລະ ຕົ້ນຕໍ ຂອງກອງປະຊຸມໃຫ່ຍຄັ້ງທີ XIII ຂອງພັກຄອມມຸຍນິດ ຫວຽດນາມ
2 ບັນຫາຫຼັກ ແລະ ຕົ້ນຕໍ ຂອງກອງປະຊຸມໃຫ່ຍຄັ້ງທີ XIII ຂອງພັກຄອມມຸຍນິດ ຫວຽດນາມ - WhatsApp Image 2020 05 27 at 5 - 2 ບັນຫາຫຼັກ ແລະ ຕົ້ນຕໍ ຂອງກອງປະຊຸມໃຫ່ຍຄັ້ງທີ XIII ຂອງພັກຄອມມຸຍນິດ ຫວຽດນາມ
error: Alert: ເນື້ອຫາຂ່າວມີລິຂະສິດ !!