ຊາວກະສິກອນເມືອງເມິງ ສຳເລັດການປັກດຳເຂົ້ານາແຊງແລ້ວ

ຊາວກະສິກອນເມືອງເມິງ ສຳເລັດການປັກດຳເຂົ້ານາແຊງແລ້ວ - 88 - ຊາວກະສິກອນເມືອງເມິງ ສຳເລັດການປັກດຳເຂົ້ານາແຊງແລ້ວ
ຊາວກະສິກອນເມືອງເມິງ ສຳເລັດການປັກດຳເຂົ້ານາແຊງແລ້ວ - Untitled design - ຊາວກະສິກອນເມືອງເມິງ ສຳເລັດການປັກດຳເຂົ້ານາແຊງແລ້ວ

ທ່ານ ຄຳ​ພູ​ວັນ ພີ​ນິດ ຫົວໜ້າ ​ໜ່ວຍ​ງານ​ປູກຝັງ ແລະ ຄຸ້ມ​ຄອງ​ພັດທະນາ​ທີ່​ດິນ​ກະສິກຳ​ກ່າວ​ວ່າ: ການ​ເຮັດ​ນາແຊງຂອງ ​ຊາວ​ກະສິກອນ​ເມືອງ​ເມິງ​ ແຂວງບໍ່ແກ້ວ ​ປີ 2021 ນີ້​ແມ່​ນຫລຸດ​ລົງ​ຫລາຍ, ເນື່ອງ​ຈາກ​ວ່າ​ພວກ​ເຂົາເຈົ້າ​ຫັນ​ໄປ​ປູກ​ພືດ​ແນວ​ອື່ນເປັນຕົ້ນ ໝາກອຶ, ໝາກໂມ ແລະ ພືດ​ຜັກ​ຕ່າງໆ​ທຽບໃສ່​ປີຜ່ານມາ​ແມ່ນ​ຫລຸດ​ລົງ 20 ກວ່າ​ເຮັກຕາ, ການ​ເຮັດ​ນາແຊງ​ຂອງ​ຊາວ​ກະສິກອນ​ເມືອງ​ເມິງ​ໃນ​ປີ​ນີ້​ແມ່ນ​ໄດ້​ເລີ່ມ​ກຽມ​ດິນ​-​ຕົກກ້າ ຕັ້ງແຕ່​ເດືອນ ທັນວາ 2020 ຜ່ານມາ ແລະ ປັດຈຸບັນ​ແມ່ນ​ສາມາດ​ປັກ​ດຳ​ສຳເລັດ​ແລ້ວ 100% ຂອງ​ເນື້ອທີ່ 3,3 ເຮັກຕາ​ ໃນ​ທົ່ວ ​ເມືອງ, ຄາດ​ວ່າ​ຜົນ​ຜະລິດຈະ​ ໄດ້​ຮັບ 3,7 ໂຕນ​ຕໍ່​ເຮັກຕາ.

ນອກຈາກ​ການ​ເຮັດ​ນາແຊງແລ້ວ ​ຊາວ​ກະສິກອນ​ເມືອງ​ເມິງ​ຍັງ​ໄດ້​ປູກ​ພືດ​ເປັນ​ສິນຄ້າ​ອື່ນໆ ເຊັ່ນ: ປູກ​ໝາກອຶ, ໝາກໂມ ສ່ວນ​ໃຫຍ່​ຈະ​ເປັນ​ການ​ຮຸ້ນ​ສ່ວນ​ລະຫວ່າງ​ປະຊາຊົນ​ກັບ​ບໍລິສັດ, ນອກ​ນັ້ນ ປະຊາຊົນ​ພາຍ​ໃນ​ເມືອງ​ຍັງ​ໄດ້​ປູກ​ພືດ​ຜັກ​ເປັນ​ສິນຄ້າ​ເພື່ອ​ສ້າງ​ລາຍ​ໄດ້​ເສີມ​ຕື່ມ​ອີກ. ພ້ອມ​ນີ້​ທາງ​ຫ້ອງ ການ​ກະສິກຳ ແລະ ປ່າໄມ້​ເມືອງ​ເມິງ​ຍັງ​ຈະ​ສືບຕໍ່​ຊຸກຍູ້​ສົ່ງເສີມ​ທາງ​ດ້ານ​ເຕັກນິກ​ວິຊາ​ການ​ໃຫ້​ແກ່​ຊາວ​ກະ​ຊິ​ກອນ​ຢູ່​ພາຍ​ໃນ​ເມືອງ ແລະ ລົງ​ເຄື່ອ​ນ​ໄຫວ​ສັກ​ຢາ​ປ້ອງ​ກັນ​ພະຍາດ​ສັດລ້ຽງ​ ເພື່ອ​ປ້ອງ​ກັນ​ການ​ແຜ່​ລະບາດ​ຂອງ​ພະຍາດ​ສັດ​ຕ່າງໆ ພ້ອມ​ທັງ​ຊຸກຍູ້​ສົ່ງເສີມ​ຜູ້​ປະກອບ​ການ ແລະ ປະຊາຊົນ​ສຸມ​ໃສ່​ເພີ່ມ​ທະວີ​ໃນ​ການ​ປູກ​ການ​ລ້ຽງ​ໃຫ້​ຫລາຍ​ຂຶ້ນ ສາມາດ​ສ້າງ​ລາຍ​ໄດ້​ເຂົ້າ​ສູ່​ຄອບຄົວ​ຢ່າງ​ເປັນ​ປົກກະຕິ ແລະ ມີ​ຢູ່​ມີ​ກິນ, ເຮັດ​ໃຫ້​ຫລຸດ​ພົ້ນ​ອອກ​ຈາກ​ຄວາມທຸກ​ຍາກ​ເທື່ອ​ລະ​ກ້າວ.

 

ຊາວກະສິກອນເມືອງເມິງ ສຳເລັດການປັກດຳເຂົ້ານາແຊງແລ້ວ - Wave100S AD to Website 2020 0 - ຊາວກະສິກອນເມືອງເມິງ ສຳເລັດການປັກດຳເຂົ້ານາແຊງແລ້ວ
ຊາວກະສິກອນເມືອງເມິງ ສຳເລັດການປັກດຳເຂົ້ານາແຊງແລ້ວ - WhatsApp Image 2020 05 27 at 5 - ຊາວກະສິກອນເມືອງເມິງ ສຳເລັດການປັກດຳເຂົ້ານາແຊງແລ້ວ
ຊາວກະສິກອນເມືອງເມິງ ສຳເລັດການປັກດຳເຂົ້ານາແຊງແລ້ວ - WhatsApp Image 2020 05 27 at 5 - ຊາວກະສິກອນເມືອງເມິງ ສຳເລັດການປັກດຳເຂົ້ານາແຊງແລ້ວ
error: Alert: ເນື້ອຫາຂ່າວມີລິຂະສິດ !!