ໂຄວິດ-19 ບໍ່ສະເທືອນ Facebook ລາຍໄດ້ປີ 2020 ສູງເຖິງ 85.965 ລ້ານໂດລາສະຫະລັດ

ໂຄວິດ-19 ບໍ່ສະເທືອນ Facebook ລາຍໄດ້ປີ 2020 ສູງເຖິງ 85.965 ລ້ານໂດລາສະຫະລັດ - facebook stock fb drops as q4 2020 earnings results show lower than expected dau growth feature - ໂຄວິດ-19 ບໍ່ສະເທືອນ Facebook ລາຍໄດ້ປີ 2020 ສູງເຖິງ 85.965 ລ້ານໂດລາສະຫະລັດ
ໂຄວິດ-19 ບໍ່ສະເທືອນ Facebook ລາຍໄດ້ປີ 2020 ສູງເຖິງ 85.965 ລ້ານໂດລາສະຫະລັດ - Untitled design - ໂຄວິດ-19 ບໍ່ສະເທືອນ Facebook ລາຍໄດ້ປີ 2020 ສູງເຖິງ 85.965 ລ້ານໂດລາສະຫະລັດ

​ເປັນ​ອີກ​ໜຶ່ງ​ບໍລິສັດ​ເຕັກ​ໂນ​ໂລ​ຊີທີ່​ໂຄ​ວິດ-19 ​ເຮັດ​ຫຍັງ​ພວກ​ເຂົາ​ບໍ່​ໄດ້ ສຳລັບ Facebook (FB) ​ແພກຟອມ​ໂຊ​ຊຽວມີ​ເດ​ຍອັນ​ດັບ​ໜຶ່ງ​ຂອງ​ໂລກ ຫລັງ​ຈາກ​ວັນ​ທີ 27 ມັງກອນ​ຜ່ານ​ມາ Facebook ​ໄດ້​ເປີດ​ເຜີຍ​ຜົນ​ການ​ດຳ​ເນີນ​ງານ​ໄລຍະ​ປີ 2020 ຜ່ານ​ມາ ​ແລະ ພົບ​ວ່າ: ລາຍ​ໄດ້, ກຳ​ໄລ​ສຸດທິ ​ແລະ ຈຳນວນ​ຜູ້​ໃຊ້​ງານ​ຂອງ​ພວ​ກ​ເຂົາ​ໄດ້​ເພີ່ມ​ຂຶ້ນ​ໃນ​ລະດັບ​ທີ່​ໜ້າ​ພໍ​ໃຈ.

​ໂດຍ Facebook ມີ​ລາຍ​ໄດ້​ໃນ​ປີ 2020 ບັນລຸ 85.965 ລ້ານ​ໂດ​ລາ​ສະຫະລັດ ​ເພີ່ມ​ຂຶ້ນ 22% ຈາກ​ປີ 2019 ​ໂດຍ​ແບ່ງ​ເປັນລາຍ​ໄດ້​ຈາກ​ຄ່າ​ໂຄສະນາ 98% ຫລື 84.169 ລ້ານ​ໂດ​ລາ​ສະຫະລັດ (+21%) ​ແລະ ລາຍ​ໄດ້​ອື່ນໆ​ອີກ 2% ຫລື 1.796 ລ້ານ​ໂດ​ລາ​ສະຫະລັດ (+72%).

​ເຖິງ​ວ່າ Facebook ຈະ​ຍັງ​ອາ​ໄສ​ລາຍ​ໄດ້​ຈາກ​ທຸລະ​ກິດ​ໂຄສະນາ​ເປັນ​ຫລັກ, ​ແຕ່​ລາຍ​ໄດ້​ອື່ນໆ​ກໍ​ມີ​ທ່າ​ອ່ຽງປັບ​ຕົວ​ທີ່​ໜ້າ​ສົນ​ໃຈ​ເພີ່ມ​ຂຶ້ນ ຫລັງ​ຈາກ​ປີຜ່ານມາ ລາຍ​ໄດ້​ອື່ນໆ​ຄິດ​ເປັນ​ອັດຕາ​ພຽ​ງ​ແຕ່ 1,5% ຈາກ​ລາຍ​ໄດ້​ທັງ​ໝົດ​ຂອງ​ບໍລິສັດ.

ສ່ວນ​ກຳ​ໄລ​ສຸດທິ​ໃນ​ປີ 2020 ຂອງ Facebook ມີ 29.146 ລ້ານ​ໂດ​ລາ​ສະຫະລັດ ​ເຕີບ​ໃຫຍ່​ຈາກ​ປີ​ກ່ອນ​ໜ້າ​ສູງ​ກວ່າ 58%​ ​ໂດຍສາ​ເຫດ​ສຳຄັນ​ມາ​ຈາກ​ການ​ທີ່​ແພກຟອມຂອງ​ພວກ​ເຂົາ​ໄດ້​ແຮງ​ໜູນ​ຈາກ​ຄວາມ​ນິຍົມ​ຕ່າງໆ​ທີ່​ເກີດ​ຂຶ້ນຈາກ​ໂຄ​ວິດ-19 ​ເຊິ່ງສົ່ງ​ຜົນ​ໃຫ້​ເກີດ​ຜົນ​ກະທົບ​ທີ່​ໜ້າ​ສົນ​ໃຈ​ໃນ 2 ບັນຫາ​ຄື: ທຸລະ​ກິດ​ອີ​ຄອມ​ເມີດ​ໄດ້​ຮັບ​ຄວາມ​ນິຍົມ​ເພີ່ມ​ຂຶ້ນ ​ແລະ ຄວາມ​ຕ້ອງການ​ຂອງ​ຜູ້​ບໍລິ​ໂພ​ກ​ເພີ່ມ​ສູງ​ຂຶ້ນຈາກ​ຄວາມ​ຕ້ອງການ​ສິນຄ້າ ​ແລະ ບໍລິການ.

​ໂດຍ​ທັງ​ສອງ​ບັນຫາ​ທີ່​ເກີດ​ຂຶ້ນລ້ວນ​ແລ້ວ​ແຕ່​ມີ​ຜົນ​ກະທົບ​ຕໍ່​ເນື່ອງ​ຕໍ່​ລາຍ​ໄດ້​ຈາກ​ທຸລະ​ກິດ​ໂຄສະນາ​ຂອງ Facebook ທີ່​ເຕີບ​ໃຫຍ່​ສວນ​ກະ​ແສ​ຄວາມ​ຊຸດ​ໂຊມ​ຂອງ​ເສດຖະກິດ​ໂລກ.

ໂຄວິດ-19 ບໍ່ສະເທືອນ Facebook ລາຍໄດ້ປີ 2020 ສູງເຖິງ 85.965 ລ້ານໂດລາສະຫະລັດ - Wave100S AD to Website 2020 0 - ໂຄວິດ-19 ບໍ່ສະເທືອນ Facebook ລາຍໄດ້ປີ 2020 ສູງເຖິງ 85.965 ລ້ານໂດລາສະຫະລັດ

ສຳລັບ​ຈຳນວນ​ຜູ້​ໃຊ້ Facebook ​ໃນ​ປີຜ່ານມາ​ມີ 2.797 ລ້ານ​ຄົນ ​ເພີ່ມ​ຂຶ້ນຈາກ​ໄລຍະ​ເວລາ​ດຽວ​ກັນ​ຂອງ​ປີ 2019 ຈຳນວນ 12% ​ແບ່ງ​ເປັນ​ຜູ້​ໃຊ້​ໃນ​ອາຊີ-ປາຊີ​ຟິກ 1.199 ລ້ານ​ຄົນ, ​ເອີຣົບ 419 ລ້ານ​ຄົນ, ອາ​ເມ​ລິ​ກາ ​ແລະ ກາ​ນາ​ດາ 258 ລ້ານ​ຄົນ ​ແລະ ປະ​ເທດ​ອື່ນໆ​ອີກ 921 ລ້ານ​ຄົນ.

ມາກ ຊັກ​ເຄີ​ເບິ​ກ CEO ຂອງ Facebook ກ່າວ​ຜ່ານ​ຖະ​ແຫລ​ງການ​ຜົນ​ການ​ດຳ​ເນີນງານ​ຂອງ​ບໍລິສັດ​ວ່າ: “ພວກ​ເຮົາ​ສາມາດ​ປິດ​ປີ 2020 ​ໄດ້​ດ້ວຍ​ຜົນງານ​ທີ່​ແຂງ​ແກ່ນ​ຈາກ​ການ​ທີ່​ຜູ້ຄົນ ​ແລະ ຂະ​ແໜງ​ທຸລະ​ກິດ​ຍັງ​ເລືອກ​ຈະ​ໃຊ້​ບໍລິການ​ຂອງ​ພວກ​ເຮົາ​ໄດ້​ໄລຍະ​ສະຖານະ​ການ​ທີ່​ທ້າຍ​ທາຍ​ແບບ​ນີ້”.

ໂຄວິດ-19 ບໍ່ສະເທືອນ Facebook ລາຍໄດ້ປີ 2020 ສູງເຖິງ 85.965 ລ້ານໂດລາສະຫະລັດ - WhatsApp Image 2020 05 27 at 5 - ໂຄວິດ-19 ບໍ່ສະເທືອນ Facebook ລາຍໄດ້ປີ 2020 ສູງເຖິງ 85.965 ລ້ານໂດລາສະຫະລັດ
ໂຄວິດ-19 ບໍ່ສະເທືອນ Facebook ລາຍໄດ້ປີ 2020 ສູງເຖິງ 85.965 ລ້ານໂດລາສະຫະລັດ - WhatsApp Image 2020 05 27 at 5 - ໂຄວິດ-19 ບໍ່ສະເທືອນ Facebook ລາຍໄດ້ປີ 2020 ສູງເຖິງ 85.965 ລ້ານໂດລາສະຫະລັດ
error: Alert: ເນື້ອຫາຂ່າວມີລິຂະສິດ !!