ໄລຍະນີ້ອາກາດອາດຈະປົກກະຕິດີ

ພາບປະກອບ

ກົມອຸຕຸນິຍົມ ແລະ ອຸທົກກະສາດ ໃຫ້ຮູ້ວ່າ: ນັບແຕ່ວັນທີ 22-23 ມີນານີ້, ຄວາມກົດດັນສູງທີ່ມີກຳລັງອ່ອນຈະປົກຄຸມຢູ່ພາກເໜືອດ້ານຕາເວັນອອກລົງຫາພາກກາງ ແລະ ພາກໃຕ້ຂອງລາວ, ສົມທົບກັບສອງກະແສລົມຕາເວັນຕົກສ່ຽງໃຕ້ ແລະ ຕາເວັນອອກສ່ຽງໃຕ້ພັດປົກຄຸມເປັນສ່ວນໃຫຍ່, ຊຶ່ງຍັງຈະເຮັດໃຫ້ອຸນຫະພູມອາກາດຮ້ອນທຳມະດາ ແລະ ຈະມີຝົນຕົກຟ້າຮ້ອງຟ້າເຫລື້ອມໃນລະດັບຄ່ອຍ ພ້ອມມີລົມພັດແຮງເປັນບາງໂອກາດຢູ່ແຕ່ລະພາກ ແລະ ຕົກປານກາງ ຫາ ຕົກໜັກຢູ່ບາງທ້ອງຖິ່ນແຂວງພາກກາງ, ແຂວງວຽງຈັນ, ບໍລິຄຳໄຊ ລົງຫາ ຄຳມ່ວນ. ພາກເໜືອດ້ານຕາເວັນອອກ: ອາກາດຍັງເຢັນ ແລະ ຈະມີຝົນຕົກຟ້າຮ້ອງຟ້າເຫລື້ອມໃນລະດັບຄ່ອຍຢູ່ເກືອບທົ່ວໄປ, ອຸນຫະພູມຕ່ຳສຸດ 14-16ອົງສາ ແລະ ສູງສຸດ 27-29 ອົງສາ; ພາກເໜືອດ້ານຕາເວັນຕົກ: ຈະມີຝົນຕົກຟ້າຮ້ອງ, ຟ້າເຫລື້ອມໃນລະດັບຄ່ອຍຢູ່ບາງທ້ອງຖິ່ນແຂວງອຸດົມໄຊ ແລະ ຫລວງນ້ຳທາ ພ້ອມມີລົມພັດແຮງເປັນບາງໂອກາດ, ອຸນຫະພູມຕ່ຳສຸດ 17-19 ອົງສາ ແລະ ສູງສຸດ 35-37 ອົງສາ; ນະຄອນຫລວງວຽງຈັນ: ຈະມີຝົນຕົກຟ້າຮ້ອງ, ຟ້າເຫລື້ອມໃນລະດັບຄ່ອຍພ້ອມມີລົມພັດແຮງເປັນບາງໂອກາດ, ອຸນຫະພູມຕ່ຳສຸດ 23-25 ອົງສາ ແລະ ສູງສຸດ 36-38 ອົງສາ; ພາກກາງ: ອາກາດຮ້ອນ ແລະ ຈະມີຝົນຕົກຟ້າຮ້ອງ-ຟ້າເຫລື້ອມໃນລະດັບຄ່ອຍຢູ່ເກືອບທົ່ວໄປ ແລະ ຕົກໃນລະດັບປານກາງ ຫາ ຕົກໜັກ ພ້ອມມີລົມພັດແຮງຢູ່ບາງທ້ອງຖິ່ນຢູ່ແຂວງວຽງຈັນ, ບໍລິຄຳໄຊ ລົງຫາ ຄຳມ່ວນ; ພາກໃຕ້: ອາກາດຮ້ອນ ແລະ ຈະມີຝົນຕົກຟ້າຮ້ອງ-ຟ້າເຫລື້ອມໃນລະດັບຄ່ອຍຫາປານກາງຢູ່ເກືອບທົ່ວໄປ ພ້ອມມີລົມພັດແຮງເປັບາງໂອກາດຢູ່ບາງທ້ອງຖິ່ນ, ອຸນຫະພຸມຕ່ຳສຸດ 24-26 ອົງສາ ແລະ ສູງສຸດ 35-37 ອົງສາ. ດັ່ງນັ້ນ ຈຶ່ງແຈ້ງເຕືອນເຖິງປະຊາຊົນຜູ້ທີ່ອາໃສຢູ່ເຂດດັ່ງກ່າວ ຈົ່ງມີສະຕິຕໍ່ສະພາບອາກາດທີ່ຈະເກີດຂຶ້ນໃນໄລຍະນີ້ເປັນຕົ້ນ ອາດຈະມີຝົນຕົກ, ຟ້າຮ້ອງ, ຟ້າເຫລື້ອມ, ໝາກເຫັບຕົກ ແລະ ມີລົມພັດແຮງ ເພື່ອຫລີກລ້ຽງການຈອດລົງໃຫ້ຕົ້ນໄມ້ໃຫຍ່ ແລະ ສິ່ງປຸກສ້າງທີ່ບໍ່ໄດ້ມາດຕະຖານ, ພ້ອມທັງໃຫ້ຕິດຕາມຂ່າວພະຍາກອນອາກາດຈາກກົມອຸຕຸນິຍົມ ແລະ ອຸທົກກະສາດໃຫ້ເປັນປົກກະຕິ.

error: Alert: Content is protected !!