ນາຍົກລັດຖະມົນຕີ ເນັ້ນໃຫ້ກະຊວງ ຮສສ ເອົາໃຈໃສ່ປັບປຸງວຽກງານຂອງຕົນຕື່ມ

ນາຍົກລັດຖະມົນຕີ ເນັ້ນໃຫ້ກະຊວງ ຮສສ ເອົາໃຈໃສ່ປັບປຸງວຽກງານຂອງຕົນຕື່ມ - KLS 8984 01 scaled - ນາຍົກລັດຖະມົນຕີ ເນັ້ນໃຫ້ກະຊວງ ຮສສ ເອົາໃຈໃສ່ປັບປຸງວຽກງານຂອງຕົນຕື່ມ
ນາຍົກລັດຖະມົນຕີ ເນັ້ນໃຫ້ກະຊວງ ຮສສ ເອົາໃຈໃສ່ປັບປຸງວຽກງານຂອງຕົນຕື່ມ - Untitled design - ນາຍົກລັດຖະມົນຕີ ເນັ້ນໃຫ້ກະຊວງ ຮສສ ເອົາໃຈໃສ່ປັບປຸງວຽກງານຂອງຕົນຕື່ມ

ໃນໂອກາດເຂົ້າຮ່ວມໂອ້ລົມ ກອງປະຊຸມແຮງງານ ແລະ ສະຫວັດດີການສັງຄົມ ທົ່ວປະເທດ ໃນຕອນບ່າຍວັນທີ 28 ມັງກອນນີ້, ທີ່ນະຄອນຫລວງວຽງຈັນ, ທ່ານ ນາຍົກລັດຖະມົນຕີ ທອງລຸນ ສີສຸລິດ ໄດ້ສະແດງຄວາມຍ້ອງຍໍຊົມເຊີຍ ຕໍ່ຜົນສຳເລັດຫລາຍດ້ານທີ່ຂະແຫນງແຮງງານ ແລະ ສະຫວັດດີການສັງຄົມຍາດມາໄດ້ ໃນໄລ ຍະຜ່ານມາ. ແຕ່ຄຽງຄູ່ ກັນນັ້ນກໍສັງເກດເຫັນວ່າ ຍັງມີຂໍ້ ຄົງຄ້າງ ແລະ ສິ່ງທ້າທາຍຈໍານວນໜຶ່ງ ທີ່ຂະແຫນງການຈະຕ້ອງໄດ້ສືບຕໍ່ປັບປຸງແກ້ໄຂຕື່ມ ເປັນຕົ້ນແມ່ນ ແຫລ່ງຂໍ້ມູນໂຄງປະກອບກຳລັງແຮງງານ ແລະ ຂໍ້ມູນຂ່າວສານດ້ານຕະຫລາດແຮງງານ ຍັງບໍ່ມີຄວາມຊັດເຈນ; ການດັດສົມລະຫວ່າງການສະໜອງ ແລະ ຄວາມຕ້ອງການໃນການພັດທະນາສີມືແຮງງານຍັງບໍ່ທັນກົມກຽວກັນ; ພື້ນຖານໂຄງລ່າງ ແລະ ອຸປະ ກອນການພັດທະນາສີມືແຮງງານ ຍັງມີຈຳກັດ ແລະ ບໍ່ທັນຕອບສະໜອງກັບຄວາມຕ້ອງການຂອງຕະຫລາດແຮງງານ; ການສົ່ງເສີມການເຂົ້າເຖິງການບໍລິການຈັດຫາງານໃນລະບົບຍັງບໍ່ທັນເຂັ້ມແຂງ,  ການຂາດແຄນແຮງງານໃນທ້ອງຖິ່ນ ແລະ ໂຄງການລົງທຶນຕ່າງໆ ຍັງມີລັກສະນະແຜ່ຫລາຍ, ພ້ອມນັີ້ອັດຕາການຫວ່າງງານພັດມີທ່າອ່ຽງເພີ່ມຂຶ້ນ. ຊຶ່ງບັນຫາທັງຫມົດນີ້ ແມ່ນ ຂະແໜງແຮງງານ ແລະ  ສະຫວັດດີການສັງຄົມ ຈະຕ້ອງໄດ້ສືບຕໍ່ເອົາໃຈໃສ່ຄົ້ນຄວ້າ, ວາງມາດຕະການ ແລະ ຊອກຫາວິທີການແກ້ໄຂຢ່າງຈິງຈັງ ເພື່ອເຮັດໃຫ້ການພັດທະນາວຽກແຮງງານ ແລະ ສະຫວັດດີການສັງຄົມ ມີປະສິດທິຜົນເພີ່ມຂຶ້ນ.

ທ່ານ ນາຍົກລັດຖະມົນຕີ ຍັງໄດ້ເນັ້ນໃຫ້ຄະນະນໍາ ແລະ ພະນັກງານຫລັກແຫລ່ງ ຂອງຂະແໜງແຮງງານການດັ່ງກ່າວໄດ້ເອົາໃຈໃສ່ປັບປຸງ ແລະ ແກ້ໄຂບາງບັນຫາ ຕື່ມອີກເຊັ່ນ: ສືບຕໍ່ພັດທະນາກໍາລັງແຮງງານ ໃຫ້ມີຄຸນນະພາບ ກາຍເປັນກໍາລັງການຜະລິດຕົ້ນຕໍ ໃນການພັດທະນາເສດຖະກິດ-ສັງຄົມ ຕາມທິດຫັນເປັນອຸດສາຫະກໍາ ແລະ ທັນສະໄໝ, ພັດທະນາກໍາລັງແຮງງານໃຫ້ມີຄວາມຫລາກຫລາຍວິຊາຊີບ, ມີຄວາມຊໍານານງານ, ມີລະບຽບວິໄນ, ມີວຽກເຮັດງານທໍາທີ່ໝັ້ນທ່ຽງ ແລະ ມີລາຍໄດ້ສູງຂຶ້ນ. ພ້ອມນີ້,ກໍ ຕ້ອງເອົາໃຈໃສ່ພັດທະນາລະບົບປົກປ້ອງສັງຄົມໃຫ້ມີຄວາມເຂັ້ມແຂງດີຂຶ້ນກ່ວາເກົ່າ ຕາມທິດຄຸ້ມຄອງຂະແໜງການ ດ້ວຍກົດໝາຍ ແລະ ລະບຽບການ ໃຫ້ມີຄວາມສັກສິດ ແລະ  ເອົາໃຈໃສ່ການຈັດຕັ້ງຜັນຂະຫຍາຍນະໂຍບາຍ ແລະ ສ້າງແຜນຍຸດທະສາດ ໃນການວາງແຜນພັດທະນາວຽກແຮງງານ ແລະ ສະຫວັດດີການສັງຄົມ ລະຫວ່າງຂັ້ນສູນກາງ ແລະ ທ້ອງຖິ່ນ ໃຫ້ມີຄວາມກົມກຽວກັນ ແລະ ຄ່ອງຕົວສາມາດຕອບສະໜອງກັບຄວາມຕ້ອງການຂອງໜ້າທີ່ວຽກງານ, ພ້ອມເອົາໃຈໃສ່ຕິດຕາມ ແລະ ກວດກາ ການບໍລິຫານວຽກແຮງງານ ແລະ ສະຫວັດດີການສັງຄົມ ໃຫ້ສອດຄ່ອງ ກັບລະບຽບ ກົດໝາຍ ແລະ ມີຄວາມໂປ່ງໃສ.

ນາຍົກລັດຖະມົນຕີ ເນັ້ນໃຫ້ກະຊວງ ຮສສ ເອົາໃຈໃສ່ປັບປຸງວຽກງານຂອງຕົນຕື່ມ - Wave100S AD to Website 2020 0 - ນາຍົກລັດຖະມົນຕີ ເນັ້ນໃຫ້ກະຊວງ ຮສສ ເອົາໃຈໃສ່ປັບປຸງວຽກງານຂອງຕົນຕື່ມ
ນາຍົກລັດຖະມົນຕີ ເນັ້ນໃຫ້ກະຊວງ ຮສສ ເອົາໃຈໃສ່ປັບປຸງວຽກງານຂອງຕົນຕື່ມ - WhatsApp Image 2020 05 27 at 5 - ນາຍົກລັດຖະມົນຕີ ເນັ້ນໃຫ້ກະຊວງ ຮສສ ເອົາໃຈໃສ່ປັບປຸງວຽກງານຂອງຕົນຕື່ມ
ນາຍົກລັດຖະມົນຕີ ເນັ້ນໃຫ້ກະຊວງ ຮສສ ເອົາໃຈໃສ່ປັບປຸງວຽກງານຂອງຕົນຕື່ມ - WhatsApp Image 2020 05 27 at 5 - ນາຍົກລັດຖະມົນຕີ ເນັ້ນໃຫ້ກະຊວງ ຮສສ ເອົາໃຈໃສ່ປັບປຸງວຽກງານຂອງຕົນຕື່ມ
error: Alert: ເນື້ອຫາຂ່າວມີລິຂະສິດ !!