ວິທີສ້າງຄວາມປະທັບໃຈໃນບ່ອນເຮັດວຽກໃນຖານະພະນັກງານໃໝ່

ວິທີສ້າງຄວາມປະທັບໃຈໃນບ່ອນເຮັດວຽກໃນຖານະພະນັກງານໃໝ່ - 090112 2020 - ວິທີສ້າງຄວາມປະທັບໃຈໃນບ່ອນເຮັດວຽກໃນຖານະພະນັກງານໃໝ່
ວິທີສ້າງຄວາມປະທັບໃຈໃນບ່ອນເຮັດວຽກໃນຖານະພະນັກງານໃໝ່ - Untitled design - ວິທີສ້າງຄວາມປະທັບໃຈໃນບ່ອນເຮັດວຽກໃນຖານະພະນັກງານໃໝ່

ມື້ທຳອິດ ຫລື ອາທິດທຳອິດຂອງການເຮັດວຽກອາດເບິ່ງໜ້າຢ້ານ ເພາະທ່ານຈະຕ້ອງປັບໂຕໃຫ້ເຂົ້າກັບສິ່ງແວດລ້ອມໃໝ່ ທັງໃນດ້ານທຳນຽມປະຕິບັດ, ເພື່ອນຮ່ວມງານ, ໜ້າທີ່ຮັບຜິດຊອບ ແລະ ຂັ້ນຕອນການເຮັດວຽກທີ່ບໍ່ຄືເກົ່າ ເປັນທີ່ແນ່ນອນຢູ່ແລ້ວ ວ່າທຸກຄົນຄົງຢາກສ້າງຄວາມປະທັບໃຈແຮກພົບທີ່ດີໃຫ້ແກ່ຫົວໜ້າ, ເພື່ອນຮ່ວມງານ ແລະ ລູກນ້ອງ, ແຕ່ກໍຍັງມີອີກຫລາຍໆຄົນທີ່ພະຍາຍາມຫລາຍເກີນໄປຈົນເກີດຜົນເສຍ. ເຮົາມີວິທີການສ້າງຄວາມປະທັບໃຈດີໆມານຳສະເໜີ ໂດຍທັງ 3 ວິທີນີ້ຈະຊ່ວຍໃຫ້ທ່ານພິສູດທັກສະການເຮັດວຽກຂອງຕົນເອງ ແລະ ສ້າງຜົນງານໃນບ່ອນເຮັດວຽກໃໝ່ໄດ້ໃນເວລາອັນວ່ອງໄວ.

ວິທີສ້າງຄວາມປະທັບໃຈໃນບ່ອນເຮັດວຽກໃນຖານະພະນັກງານໃໝ່ - 080112 2020 300x198 - ວິທີສ້າງຄວາມປະທັບໃຈໃນບ່ອນເຮັດວຽກໃນຖານະພະນັກງານໃໝ່

  1. ຢ່າຟ້າວຮີບຮ້ອນສະແດງຄວາມຄິດເຫັນ : ພະນັກງານໃໝ່ທີ່ເມົາແຕ່ເວົ້າເຖິງສິ່ງທີ່ຕົນເອງບໍ່ພໍໃຈ ແລະ ຢາກໃຫ້ແກ້ໄຂຕັ້ງແຕ່ມື້ທຳອິດຂອງການເຮັດວຽກນັ້ນຄົງເປັນເລື່ອງທີ່ໜ້າຫງຸດຫງິດໃຈບໍ່ໜ້ອຍສຳລັບຜູ້ຮ່ວມງານ ແມ່ນຢູ່ວ່າພະນັກງານໃໝ່ແບບທ່ານມັກຈະກະຕືລືລົ້ນຢາກສະແດງສັກກະຍະພາບໃນການເຮັດວຽກ ແລະ ສະແດງຄວາມຄິດເຫັນອອກມາໃຫ້ເຕັມທີ່ ເຖິງວ່າມັນຈະເປັນສິ່ງທີ່ບໍລິສັດຕ້ອງການຈາກທ່ານ, ແຕ່ການຮີບຮ້ອນສະແດງຄວາມຄິດເຫັນກໍບໍ່ແມ່ນເລື່ອງດີສະເໝີໄປ. ທາງທີ່ດີທ່ານຄວນຮັບຟັງເພື່ອນຮ່ວມງານ ລວມທັງໃຊ້ເວລາສຶກສາເຮັດຄວາມເຂົ້າໃຈລະບົບການເຮັດວຽກໃນອົງກອນໃໝ່ໃຫ້ດີສາກ່ອນ ເພາະການທີ່ອົງກອນເກົ່າຂອງທ່ານມີລະບົບການເຮັດວຽກທີ່ແຕກຕ່າງອອກໄປ ບໍ່ໄດ້ໝາຍຄວາມວ່າລະບົບການເຮັດວຽກແບບນັ້ນຈະໄດ້ຜົນຄືເກົ່າເມື່ອເອົາມາໃຊ້ກັບອີກອົງກອນໜຶ່ງ.
  2. ລະງັບແຜນຂອງທ່ານໄວ້ກ່ອນ : ສິ່ງສຳຄັນອີກຢ່າງໜຶ່ງ ທ່ານບໍ່ຄວນຮີບນຳເອົາແຜນການຕ່າງໆມາສະເໜີວ່າຕ້ອງການຈະປ່ຽນແປງອົງກອນແນວໃດຕັ້ງແຕ່ເຂົ້າມາເຮັດວຽກໃໝ່ໆ ຍົກໂຕຢ່າງ ຈາກເຫດການໜຶ່ງ ມີຫົວໜ້າຝ່າຍເຕັກໂນໂລຊີຄົນໜຶ່ງຍ້າຍໄປເຮັດວຽກໃນອົງກອນໃໝ່ ແລະ ໃນເວລາບໍ່ເທົ່າໃດມື້ ລາວກໍເລີ່ມຍົກເລີກລະບົບການເຮັດວຽກຂອງລູກທີມທີ່ມີຢູ່ແຕ່ເກົ່າ ຍ້ອນປະສົບການໃນການເຮັດວຽກເກົ່າເຮັດໃຫ້ລາວເຊື່ອວ່າຕົນເອງຮູ້ດີວ່າອົງກອນຕ້ອງການຫຍັງ. ດັ່ງນັ້ນ ລາວຈຶ່ງປ່ອຍຖິ້ມ ແລະ ບໍ່ສົນໃຈລະບົບເກົ່າເລີຍແມ່ນແຕ່ໜ້ອຍ. ແຕ່ຫລັງຈາກນັ້ນບໍ່ເທົ່າໃດເດືອນ ກໍເປັນທີ່ກະຈ່າງແຈ້ງວ່າລາວບໍ່ເຂົ້າໃຈຂະບວນການເຮັດວຽກຂອງອົງກອນນັ້ນເລີຍ, ລາວພະຍາຍາມຫລາຍເກີນໄປທີ່ຈະປ່ຽນແປງສິ່ງຕ່າງໆເພື່ອພິສູດຄວາມສາມາດຂອງຕົນເອງ, ແຕ່ນັ້ນຊຳ້ພັດເຮັດໃຫ້ລາວຕ້ອງສູນເສຍຄວາມໜ້າເຊື່ອຖືໄປ ສຸດທ້າຍແລ້ວ ເຖິງວ່າເຂົາຈະເຄີຍສ້າງຜົນງານມາຫລວງຫລາຍ ແລະ ມີທັກສະໃນການເປັນຜູ້ນຳທີ່ດີ ແຜນການທີ່ລາວຄິດໄວ້ຊຳ້ພັດບໍ່ໄດ້ເຮັດໃຫ້ເກີດຜົນດີຕາມທີ່ຄາດຫວັງ ດ້ວຍເຫດນີ້ ລາວຈຶ່ງກາຍເປັນຜູ້ນຳທີ່ບໍ່ມີປະສິດທິພາບໃນສາຍຕາຂອງຄົນອື່ນ ຈົນຕ້ອງຍ້າຍອອກໄປໃນທີ່ສຸດ. ຫາກທ່ານຄິດຢາກປັບປ່ຽນລະບົບການເຮັດວຽກໃໝ່ ແທນທີ່ທ່ານຈະກ້າວເຂົ້າໄປພ້ອມກັບແຜນການທີ່ວາງໄວ້ແລ້ວ ທ່ານຄວນປ່ຽນໄປຮ່ວມມືກັບຜູ້ຮ່ວມງານທີ່ເຮັດວຽກມາກ່ອນໜ້າທ່ານ, ຢ່າພະຍາຍາມປ່ຽນແປງທຸກສິ່ງທຸກຢ່າງໃນທັນທີ ເຖິງຈະເຫັນໄດ້ຈະແຈ້ງວ່າອົງກອນກຳລັງມີບັນຫາກໍຕາມ,​ ແຕ່ໃຫ້ຄ່ອຍໆອາໄສການປາໄສ, ສົນທະນາແລກປ່ຽນຄວາມຄິດເຫັນກັນລະຫ່ວາງພະນັກງານ ເພື່ອໃຫ້ຜົນການເຮັດວຽກເປັນໄປຕາມຄວາມຕ້ອງການຂອງອົງກອນໃຫ້ໄດ້ຫລາຍທີ່ສຸດ ຈາກນັ້ນທ່ານຈຶ່ງຈະສາມາດແນະນຳເພີ່ມຕື່ມໄດ້ ວ່າຄວນເພີ່ມຕື່ມບ່ອນໃດ ແລະ ຄວນເກັບຮັກສາຫຍັງໄວ້ແດ່ ເພື່ອສ້າງຄວາມໄວ້ວາງໃຈກັບທີມງານ ແລະ ນຳໄປສູ່ການປ່ຽນແປງພາຍໃນອົງກອນໃຫ້ດີຂຶ້ນ.
  3. ປັບໂຕໃຫ້ເຂົ້າກັບທຳນຽມປະຕິບັດຂອງອົງກອນໃໝ່ : ທຳນຽມປະຕິບັດ ຫລື ວັດທະນະທຳຂອງອົງກອນໃໝ່ ອາດແຕກຕ່າງຈາກອົງກອນເກົ່າ. ດັ່ງນັ້ນ, ໃນໄລຍະອາທິດທຳອິດຂອງການເຮັດວຽກ ທ່ານຄວນສັງເກດ ແລະ ເກັບລາຍລະອຽດວິທີການສະແດງອອກໃນສັງຄົມຂອງຜູ້ຮ່ວມງານ ລວມເຖິງບັນຍາກາດຂອງຫ້ອງການໂດຍລວມ ຍົກໂຕຢ່າງເຊັ່ນ : ໃນບາງອົງກອນທີ່ພະນັກງານເຮັດວຽກນຳກັນມາຫລາຍປີ ພວກເຂົາຈະໜິດສະໜົມກັນດີ ຈຶ່ງອາໄສວິທີການປາໄສ ຫາລີກັນໃນການເຮັດວຽກໃຫ້ສຳເລັດລຸລ່ວງ. ແນວໃດກໍຕາມ, ໃນອົງກອນອື່ນໆທີ່ໃຫ້ຄວາມສຳຄັນກັບການກະທຳ ແລະ ຜົນງານຫລາຍກ່ວາການປາໄສທີ່ຍາວນານ ມັກຖືກເບິ່ງວ່າເປັນການເສຍເວລາ. ເວລາໄປທ່ຽວປະເທດຍີ່ປຸ່ນ ທ່ານຄົງບໍ່ໃສ່ເກີບເຂົ້າເຮືອນແມ່ນບໍ່ ? ທ່ານລອງປຽບທຽບການກ້າວເຂົ້າມາໃນອົງກອນໃໝ່ ໃຫ້ຄືກັບການເດີນທາງໄປຕ່າງປະເທດ ຜູ້ຄົນລ້ວນມີວັດທະນະທຳປະຕິບັດທີ່ບໍ່ຄືກັນ. ດັ່ງນັ້ນ ເມື່ອທ່ານໄດ້ກ້າວເຂົ້າມາໃນອົງກອນໃໝ່ແລ້ວ ທ່ານກໍຄວນຖືສຸພາສິດທີ່ວ່າ go to Rome do as Roman do ແລ້ວທ່ານຈຶ່ງຈະປະສົບຄວາມສຳເລັດ.

ວິທີສ້າງຄວາມປະທັບໃຈໃນບ່ອນເຮັດວຽກໃນຖານະພະນັກງານໃໝ່ - 030112 2020 300x179 - ວິທີສ້າງຄວາມປະທັບໃຈໃນບ່ອນເຮັດວຽກໃນຖານະພະນັກງານໃໝ່

ວິທີສ້າງຄວາມປະທັບໃຈໃນບ່ອນເຮັດວຽກໃນຖານະພະນັກງານໃໝ່ - Wave100S AD to Website 2020 0 - ວິທີສ້າງຄວາມປະທັບໃຈໃນບ່ອນເຮັດວຽກໃນຖານະພະນັກງານໃໝ່
  • ຈາກທັງ 3 ຂໍ້ທີ່ກ່າວມານີ້ ສະຫລຸບໄດ້ວ່າ ຫາກທ່ານເລີ່ມຕົ້ນເຮັດວຽກໃໝ່ດ້ວຍຄວາມຖ່ອມໂຕ ທ່ານຈະບໍ່ພຽງແຕ່ສ້າງຄວາມປະທັບໃຈແຮກພົບທີ່ດີເລີດແກ່ຜູ້ຮ່ວມງານເທົ່ານັ້ນ, ແຕ່ທ່ານຈະສາມາດສ້າງຜົນງານທີ່ດີຕາມຄວາມຄາດຫວັງໄດ້ຢ່າງວ່ອງໄວຄືກັນ.
ວິທີສ້າງຄວາມປະທັບໃຈໃນບ່ອນເຮັດວຽກໃນຖານະພະນັກງານໃໝ່ - WhatsApp Image 2020 05 27 at 5 - ວິທີສ້າງຄວາມປະທັບໃຈໃນບ່ອນເຮັດວຽກໃນຖານະພະນັກງານໃໝ່
ວິທີສ້າງຄວາມປະທັບໃຈໃນບ່ອນເຮັດວຽກໃນຖານະພະນັກງານໃໝ່ - WhatsApp Image 2020 05 27 at 5 - ວິທີສ້າງຄວາມປະທັບໃຈໃນບ່ອນເຮັດວຽກໃນຖານະພະນັກງານໃໝ່
error: Alert: ເນື້ອຫາຂ່າວມີລິຂະສິດ !!