ມອບ-ຮັບໜ້າທີ່ເຈົ້າແຂວງຊຽງຂວາງຜູ້ເກົ່າ ແລະ ຜູ້ໃໝ່

ມອບ-ຮັບໜ້າທີ່ເຈົ້າແຂວງຊຽງຂວາງຜູ້ເກົ່າ ແລະ ຜູ້ໃໝ່ - 144015916 2723214874655723 2848250792537244155 o - ມອບ-ຮັບໜ້າທີ່ເຈົ້າແຂວງຊຽງຂວາງຜູ້ເກົ່າ ແລະ ຜູ້ໃໝ່
ມອບ-ຮັບໜ້າທີ່ເຈົ້າແຂວງຊຽງຂວາງຜູ້ເກົ່າ ແລະ ຜູ້ໃໝ່ - Untitled design - ມອບ-ຮັບໜ້າທີ່ເຈົ້າແຂວງຊຽງຂວາງຜູ້ເກົ່າ ແລະ ຜູ້ໃໝ່

ພິທີມອບ-ຮັບໜ້າທີ່ເຈົ້າແຂວງຊຽງຂວາງ ລະຫວ່າງຜູ້ເກົ່າ ແລະ ຜູ້ໃໝ່ ໄດ້ຈັດຂຶ້ນໃນວັນທີ 29 ມັງກອນ 2021 ຢູ່ແຂວງດັ່ງກ່າວ ໂດຍການເປັນປະທານຂອງທ່ານນາງ ປານີ ຢາທໍ່ຕູ້ ກໍາມະການກົມການເມືອງສູນກາງພັກ, ປະທານສະພາແຫ່ງຊາດ.

ໃນພິທີ, ກໍ​າມະການສູນກາງພັກ, ຫົວໜ້າກົມຄຸ້ມຄອງພະນັກງານ ຄະນະຈັດຕັ້ງສູນກາງພັກ ໄດ້ຂຶ້ນຜ່ານມະຕິຕົກລົງ ສະບັບເລກທີ 01/ກມສພ, ລົງວັນທີ 22 ມັງກອນ 2021 ວ່າດ້ວຍການອະນຸມັດໃຫ້ພະນັກງານການນຳຂັ້ນສູງອອກພັກຮັບອຸດໜູນບຳນານ ແລະ ໄດ້ຜ່ານດຳລັດຂອງນາຍົກລັດຖະມົນຕີສະບັບເລກທີ634/ນ.ຍ, ລົງວັນທີ 30 ທັນວາ 2020 ວ່າດ້ວຍການແຕ່ງຕັ້ງເຈົ້າແຂວງຊຽງຂວາງຜູ້ໃຫມ່ ໂດຍໄດ້ແຕ່ງຕັ້ງທ່ານ ບຸນຈັນ ສີວົງພັນ ກຳມະການສູນກາງພັກ ເປັນເຈົ້າແຂວງຊຽງຂວາງ.

ໂອກາດດັ່ງກ່າວ, ທ່ານ ນາງ ປານີ ຢາທໍ່ຕູ້ ໄດ້ໂອ້ລົມຕໍ່ພິທີດັ່ງກ່າວວ່າ: ພາຍໃຕ້ການຊີ້ນໍາ-ນໍາພາຂອງຄະນະພັກ , ຄະນະນໍາແຂວງຊຽງຂວາງ ໂດຍສະເພາະແມ່ນພາຍໃຕ້ການນຳພາຂອງສະຫາຍ ບຸນຕົ້ນ ຈັນທະພອນ ໃນໄລຍະເກືອບ 3 ປີຜ່ານມາ, ສະຫາຍໄດ້ເອົາໃຈໃສ່ນຳພາ-ຊີ້ນຳອົງຄະນະພັກແຂວງຈັດຕັ້ງຜັນຂະຫຍາຍມະຕິກອງປະຊຸມໃຫຍ່ ຄັ້ງທີ X ຂອງພັກ ກໍຄືມະຕິກອງປະຊຸມໃຫຍ່ ຄັ້ງທີ VII ຂອງອົງຄະນະພັກແຂວງໄດ້ຮັບຜົນສຳເລັດ ແລະ ມີບາດກ້າວຂະຫຍາຍຕົວໃນຫຼາຍດ້ານ. ສຳລັບສະຫາຍ ບຸນຈັນ ສີວົງພັນ ແມ່ນເປັນພະນັກງານລຸ້ນສືບທອດປ່ຽນແທນ ເຊິ່ງໄດ້ຜ່ານການເຝິກຝົນຫຼໍ່ຫຼອມໃນວຽກ ງານຕົວຈິງຢູ່ຂັ້ນສູນກາງ ແລະ ທ້ອງຖິ່ນ ແລະ ກໍໄດ້ຮັບຄວາມເຊື່ອໝັ້ນຈາກຜູ້ແທນກອງປະຊຸມໃຫຍ່ ອົງຄະພັກແຂວງ ຄັ້ງທີ VIII ກໍຄືກອງປະຊຸມໃຫຍ່ ຄັ້ງທີ XI ຂອງພັກເລືອກໃຫ້ເປັນເລຂາພັກແຂວງ ແລະ ເປັນກຳມະການສູນກາງພັກ ເຊື່ອໝັ້ນວ່າດ້ວຍຄວາມຮູ້ຄວາມສາມາດ ແລະ ປະສົບການທີ່ມີ ສະຫາຍພ້ອມກັບໝູ່ຄະນະນຳລຸ້ນປັດຈຸບັນຈະສືບຕໍ່ເສີມຂະຫຍາຍມູນເຊື້ອອັນດີງາມຂອງບັນດາສະຫາຍການນຳລຸ້ນຜ່ານມາເພື່ອສືບຕໍ່ຊີ້ນຳ-ນຳພາ ແລະ ຍູ້ແຮງຂະບວນການປົກປັກຮັກສາ ແລະ ພັດທະນາຢູ່ ພາຍໃນແຂວງໃຫ້ມີການຂະຫຍາຍຕົວຢ່າງຮອບດ້ານ, ຕໍ່ເນື່ອງ ແລະ ໝັ້ນທ່ຽງ. ນອກນີ້ ທ່ານຍັງເນັ້ນໜັກໃຫ້ເອົາໃຈໃສ່ເສີມຂະຫຍາຍຄວາມສາມັກຄີ, ປັບປຸງແບບແຜນການດຳລົງຊີວິດຂອງຄະນະພັກ, ສະມາຊິກ ພັກ-ພະນັກງານແຕ່ລະຂັ້ນໃຫ້ມີຄວາມປອດໃສ ຂາວສະອາດ ສ້າງໄດ້ຄວາມເຊື່ອໝັ້ນ ຄວາມໄວ້ວາງໃຈຈາກປະຊາຊົນ ລວມທັງການເປັນແບບຢ່າງນຳໜ້າໃນທຸກດ້ານ, ສຶກສາອົບຮົມວຽກງານການເມືອງ-ແນວຄິດໃຫ້ຖັນແຖວພະນັກງານ, ສະມາຊິກພັກ ແລະ ປະຊາຊົນບັນດາເຜົ່າ, ຈັດຕັ້ງການເຜີຍແຜ່ຜົນສຳເລັດການດຳເນີນກອງປະຊຸມໃຫຍ່ ຄັ້ງທີ XI ຂອງພັກ, ຊີ້ນຳກະກຽມຄວາມພ້ອມຮອບດ້ານໃຫ້ແກ່ການເລືອກຕັ້ງສະມາຊິກສະພາແຫ່ງຊາດ ຊຸດທີ IX ແລະ ສະພາປະຊາຊົນແຂວງ ຊຸດທີ II ໃຫ້ບັນລຸຕາມຄາດໝາຍທີ່ກຳນົດໄວ້, ເອົາໃຈໃສ່ຊີ້ນຳວຽກງານປ້ອງກັນຊາດ-ປ້ອງກັນຄວາມສະຫງົບພາຍໃນແຂວງ, ສູ້ຊົນແກ້ໄຂບັນດາຈຸດອ່ອນ ແລະ ຂໍ້ຄົງຄ້າງໃນການຄຸ້ມຄອງ ແລະ ບໍລິຫານລັດໃນແຕ່ລະຂັ້ນໃຫ້ຂາດຕົວ, ຍົກສູງຄວາມເປັນເຈົ້າການວຽກງານທີ່ຖືກມອບໝາຍໃຫ້ ພ້ອມທັງສຸມໃສ່ແກ້ໄຂບັນຫາຕົວຈິງ ຊຶ່ງຍັງເປັນສິ່ງ ກີດຂວາງເປັນປະກົດການຫຍໍ້ທໍ້ພາຍໃນກົງຈັກຂອງແຕ່ລະພະແນກການຢູ່ຂັ້ນແຂວງ ແລະ ຂະແໜງການຢູ່ຂັ້ນເມືອງ ກໍຄືພາຍໃນປະຊາຊົນໃຫ້ມີການຫັນປ່ຽນຢ່າງຕັ້ງໜ້າ.

ມອບ-ຮັບໜ້າທີ່ເຈົ້າແຂວງຊຽງຂວາງຜູ້ເກົ່າ ແລະ ຜູ້ໃໝ່ - Wave100S AD to Website 2020 0 - ມອບ-ຮັບໜ້າທີ່ເຈົ້າແຂວງຊຽງຂວາງຜູ້ເກົ່າ ແລະ ຜູ້ໃໝ່
ມອບ-ຮັບໜ້າທີ່ເຈົ້າແຂວງຊຽງຂວາງຜູ້ເກົ່າ ແລະ ຜູ້ໃໝ່ - WhatsApp Image 2020 05 27 at 5 - ມອບ-ຮັບໜ້າທີ່ເຈົ້າແຂວງຊຽງຂວາງຜູ້ເກົ່າ ແລະ ຜູ້ໃໝ່
ມອບ-ຮັບໜ້າທີ່ເຈົ້າແຂວງຊຽງຂວາງຜູ້ເກົ່າ ແລະ ຜູ້ໃໝ່ - WhatsApp Image 2020 05 27 at 5 - ມອບ-ຮັບໜ້າທີ່ເຈົ້າແຂວງຊຽງຂວາງຜູ້ເກົ່າ ແລະ ຜູ້ໃໝ່
error: Alert: ເນື້ອຫາຂ່າວມີລິຂະສິດ !!