ຈັບໄດ້ແລ້ວໂຈນປຸ້ນຊັບຕົວອັນຕະລາຍຍ້ອນຕິດເກມການພະນັນອອນລາຍ

ຈັບໄດ້ແລ້ວໂຈນປຸ້ນຊັບຕົວອັນຕະລາຍຍ້ອນຕິດເກມການພະນັນອອນລາຍ - 87 - ຈັບໄດ້ແລ້ວໂຈນປຸ້ນຊັບຕົວອັນຕະລາຍຍ້ອນຕິດເກມການພະນັນອອນລາຍ
ຈັບໄດ້ແລ້ວໂຈນປຸ້ນຊັບຕົວອັນຕະລາຍຍ້ອນຕິດເກມການພະນັນອອນລາຍ - Untitled design - ຈັບໄດ້ແລ້ວໂຈນປຸ້ນຊັບຕົວອັນຕະລາຍຍ້ອນຕິດເກມການພະນັນອອນລາຍ

ຫົວໜ້າພະແນກຕຳຫຼວດ ປກສ ເມືອງໄຊທານີ ນະຄອນຫຼວງວຽງຈັນ ໄດ້ເປີດເຜີຍໃຫ້ຮູ້ໃນວັນທີ 14 ມັງກອນນີ້ວ່າ: ໂຈນປຸ້ນຊັບຕົວອັນຕະລາຍຢູ່ໃນນະຄອນຫລວງວຽງຈັນ, ຍ້ອນຕິດເກມການພະນັນອອນລາຍ, ຊື່ທ້າວ ສີລະສອນ (ອາກົງ) ອາຍຸ 22 ປີ, ຢູ່ບ້ານວັງຊ້ວຍ ເມືອງ ແລະ ແຂວງໄຊຍະບູລີ ; ເຊິ່ງເປັນນັກສຶກສາປີ 4 ຢູ່ສະຖາບັນແຫ່ງໜຶ່ງໃນນະຄອນຫຼວງວຽງຈັນ, ພັກເຊົາຢູ່ຫ້ອງເຊົ່າບ້ານໜອງວຽງຄຳ ເມືອງໄຊທານີນັ້ນ, ກຳລັງເຈົ້າຫນ້າທີ່ສາມາດຈັບຕົວມາດຳເນີນຄະດີໄດ້ແລ້ວໃນວັນທີ 9 ມັງກອນຜ່ານມານີ້, ຫລັງໃຊ້ເວລາ 19 ວັນ ນັບແຕ່ມື້ໄດ້ຮັບແຈ້ງຄວາມການກໍ່ເຫດຂອງຜູ້ຖືກຫາດັ່ງກ່າວ.

ຈັບໄດ້ແລ້ວໂຈນປຸ້ນຊັບຕົວອັນຕະລາຍຍ້ອນຕິດເກມການພະນັນອອນລາຍ - 89 225x300 - ຈັບໄດ້ແລ້ວໂຈນປຸ້ນຊັບຕົວອັນຕະລາຍຍ້ອນຕິດເກມການພະນັນອອນລາຍ

ເຈົ້າຫນ້າທີ່ໃຫ້ຮູ້ວ່າ: ນັບແຕ່ທ້າຍປີ 2019 ຜ່ານມາ ໄດ້ມີເຫດການປຸ້ນຊັບຢູ່ຮ້ານເກມພາຍໃນເມືອງໄຊທານີ ເກີດຂຶ້ນຢ່າງຕໍ່ເນື່ອງ ຈຶ່ງໄດ້ແຕ່ງຕັ້ງເຈົ້າໜ້າທີ່ວິຊາສະເພາະລົງກວດກາເກັບກຳຂໍ້ມູນ ເພື່ອກຳນົດ ແລະ ຄັດຈ້ອນເປົ້າໝາຍ, ຈົນມາຮອດວັນທີ 9 ມັງກອນຜ່າມານີ້ເຈົ້າໜ້າທີ່ ປກສ ເມືອງໄຊທານີ ຈິ່ງສາມາດເຂົ້າຈັບຕົວຜູ້ກ່ຽວໃນຫ້ອງເຊົ່າ ພ້ອມຂອງກາງລົດຈັກ 2 ຄັນ ແລະ ເງິນ 50.000 ບາດ.

ຈັບໄດ້ແລ້ວໂຈນປຸ້ນຊັບຕົວອັນຕະລາຍຍ້ອນຕິດເກມການພະນັນອອນລາຍ - Wave100S AD to Website 2020 0 - ຈັບໄດ້ແລ້ວໂຈນປຸ້ນຊັບຕົວອັນຕະລາຍຍ້ອນຕິດເກມການພະນັນອອນລາຍ

ຫຼັງຈາກນັ້ນ, ເຈົ້າໜ້າທີ່ກໍສືບຕໍ່ເກັບກູ້ຂອງກາງຢູ່ເສັ້ນທາງບ້ານໜອງວຽງຄຳລວມມີໜວກກັນກະທົບ 2 ໜ່ວຍ ມາສືບສວນຂະຫຍາຍຜົນ. ຊຶ່ງຜູ້ຖືກຫາຮັບສາລະພາບວ່າ: ແຕ່ປີ 2016,ຜູ້ກ່ຽວໄດ້ລົງມາຮຽນຢູ່ສະຖາບັນແຫ່ງໜຶ່ງໃນນະຄອນຫຼວງວຽງຈັນ ແລະ ຮອດປີ 2018, ໄດ້ຕິດຫຼິ້ນເກມພະນັນອອນລາຍຢ່າງແຮງ ແລະ ເສຍເງິນເປັນຈຳນວນຫຼວງຫຼາຍ ພ້ອມມີໜີ້ສິນຈຳນວນໜຶ່ງ, ຕົນເອງ ຈຶ່ງໄດ້ວາງແຜນຊອກທຸກວິທີທາງ ເພື່ອຈະເອົາເງິນຄືນ ໂດຍເບື້ອງຕົ້ນໄດ້ໄປຊື້ປືນປອມມາດັດແປງ ແລ້ວມາຮອດວັນທີ 20 ທັນວາ 2019, ຈຶ່ງໄດ້ລົງມືກໍ່ເຫດປຸ້ນຮ້ານເກມຢູ່ເຂດບ້ານດົງໂດກ ແລະ ຫຼາຍຮ້ານໃນເມືອງໄຊທານີລວມມີ 10 ຮ້ານ ແລະ ເມືອງສີສັດຕະນາກ 1 ຮ້ານ (ຮ້ານແລກປ່ຽນເງິນຕາ) ໄດ້ເງິນທັງໝົດ 50 ລ້ານກີບ ແລະ 30.0000 ບາດສະກຸນເງິນໄທ; ເມື່ອໄດ້ເງິນມາແລ້ວຕົນເອງກໍໄປຊື້ລົດຈັກ 2 ຄັນ ຄື: ລົດຈັກຍີ່ຫໍ້ YAMAHA R 15 ສີດຳ ແລະ ລົດຈັກຍີ່ຫໍ້ Z 800 , ພ້ອມສືບຕໍ່ໄປຫຼິ້ນເກມພະນັນ ແລະ ພວມ ສັ່ງຊື້ປືນແທ້ ເພື່ອຈະນຳໃຊ້ເຂົ້າໃນການກໍ່ເຫດຕໍ່ໄປ.

ຄະດີນີ້ດັ່ງກ່າວນີ້,ປັດຈຸບັນແມ່ນ ເຈົ້າໜ້າທີ່ພວມສະຫຼຸບສຳນວນສົ່ງໄອຍະການ ເພື່ອສັ່ງຟ້ອງຂຶ້ນສານຕັດສິນຕາມກົດໝາຍຕໍ່ໄປ.

ຈັບໄດ້ແລ້ວໂຈນປຸ້ນຊັບຕົວອັນຕະລາຍຍ້ອນຕິດເກມການພະນັນອອນລາຍ - WhatsApp Image 2020 05 27 at 5 - ຈັບໄດ້ແລ້ວໂຈນປຸ້ນຊັບຕົວອັນຕະລາຍຍ້ອນຕິດເກມການພະນັນອອນລາຍ
ຈັບໄດ້ແລ້ວໂຈນປຸ້ນຊັບຕົວອັນຕະລາຍຍ້ອນຕິດເກມການພະນັນອອນລາຍ - WhatsApp Image 2020 05 27 at 5 - ຈັບໄດ້ແລ້ວໂຈນປຸ້ນຊັບຕົວອັນຕະລາຍຍ້ອນຕິດເກມການພະນັນອອນລາຍ
error: Alert: ເນື້ອຫາຂ່າວມີລິຂະສິດ !!