ຈີນສ້າງໂຮງໄຟຟ້າພະລັງງານແສງຕາເວັນເປັນຮູບໝີແພນດ້າ

- advert banner 728 90 728x90 - ຈີນສ້າງໂຮງໄຟຟ້າພະລັງງານແສງຕາເວັນເປັນຮູບໝີແພນດ້າ

ປັດຈຸບັນນີ້ມີການສ້າງໂຮງໄຟຟ້າພະລັງງານແສງຕາເວັນເພີ່ມຫຼາຍຂຶ້ນ ເຊິ່ງຮູບຮ່າງຂອງໂຮງງານໄຟຟ້າສ່ວນຫລາຍບໍ່ມີອັນໃດພິເສດ, ແຕ່ບໍ່ແມ່ນກັບໂຮງໄຟຟ້າພະລັງງານແສງຕາເວັນທີ່ຫາກໍສ້າງແລ້ວໃນປະເທດຈີນ ໂດຍໂຮງໄຟຟ້າແຫ່ງນີ້ຖ້າເບິ່ງຈາກມຸມສູງເຮົາຈະເຫັນວ່າໂຮງໄຟຟ້າພະລັງງານແສງຕາເວັນແຫ່ງນີ້ເປັນຮູບໝີແພນດ້າ ເຊິ່ງໃນອະນາຄົດຈະມີໂຮງໄຟຟ້າຮູບໝີແພນດ້າສ້າງມາອີກແຫ່ງໜຶ່ງ.

- new3 - ຈີນສ້າງໂຮງໄຟຟ້າພະລັງງານແສງຕາເວັນເປັນຮູບໝີແພນດ້າ

ໂຮງໄຟຟ້າແພນດ້າແຫ່ງນີ້ ສ້າງຂຶ້ນຈາກການຮ່ວມມືລະຫວ່າງPanda Green Energy, China Merchants New Energy Group (CMNE) ແລະ  United Nations Development Program (UNDP) ທີ່ເຮັດສັນຍາຮ່ວມກັນນັບແຕ່ລະດູຮ້ອນທີ່ຜ່ານມາ ມີກຳລັງການຜະລິດ 50 MW ຜະລິດພະລັງງານໄຟຟ້າເພື່ອໃຊ້ພາຍໃນແຂວງທາງຕາເວັນຕົກສຽງເໜືອຂອງຈີນ.

ເຫດຜົນທີ່ສ້າງໂຮງໄຟຟ້າເປັນຮູບໝີແພນດ້າບໍ່ແມ່ນເພື່ອຄວາມໜ້າຮັກແຕ່ຢ່າງໃດ, ແຕ່ເຂົາຕ້ອງການໃຫ້ເຍົາວະຊົນເກີດຄວາມສົນໃຈ ແລະ ເນັ້ນໜັກເຖິງຄວາມສຳຄັນຂອງການຮັກສາສິ່ງແວດລ້ອມຂອງໂລກ.

ຄາດວ່າໂຮງໄຟ້າແພນດ້າແຫ່ງນີ້ຈະຊ່ວຍຫລຸດປະລິມານຂອງແກັສກາກບອນໄດອອກໄຊໄດ້ເຖິງ 60.000 ໂຕນຕໍ່ປີ ແລະ ພາຍໃນໂຮງໄຟຟ້າຍັງມີຫ້ອງການຮຽນຮູ້ສຳລັບເຍົາວະຊົນ ເພື່ອປູກຈິດສຳນຶກທີ່ດີໃຫ້ກັບຄົນທີ່ເຂົ້າເບິ່ງນຳອີກ.

- lattana 1 - ຈີນສ້າງໂຮງໄຟຟ້າພະລັງງານແສງຕາເວັນເປັນຮູບໝີແພນດ້າ

 

error: Content is protected !!