5 ເປົ້າໝາຍສຳຄັນທີ່ຄວນຕັ້ງໄວ້ໃນປີ 2021

5 ເປົ້າໝາຍສຳຄັນທີ່ຄວນຕັ້ງໄວ້ໃນປີ 2021 - 051901 2021 - 5 ເປົ້າໝາຍສຳຄັນທີ່ຄວນຕັ້ງໄວ້ໃນປີ 2021
5 ເປົ້າໝາຍສຳຄັນທີ່ຄວນຕັ້ງໄວ້ໃນປີ 2021 - Untitled design - 5 ເປົ້າໝາຍສຳຄັນທີ່ຄວນຕັ້ງໄວ້ໃນປີ 2021

ເລີ່ມຕົ້ນປີ 2021 ມາແລ້ວ ອັນໃດບໍ່ດີຂໍໃຫ້ໂຍນຖິ້ມມັນໄວ້ທາງຫລັງ ແລ້ວມາເລີ່ມປີໃໝ່ໄປພ້ອມໆກັນ ໂດຍການຕັ້ງເປົ້າໝາຍໃນເລື່ອງຕ່າງໆໃນຊີວິດ ເພື່ອໃຫ້ຊີວິດມີແຜນການທີ່ສະດວກຮຽບຮ້ອຍ ແລະ ຫາກເກີດເລື່ອງຫຍັງຂຶ້ນ ເຮົາກໍຍັງມີແຜນສຳຮອງໄວ້ຮັບມືກັບມັນ ແລະ ຕໍ່ໄປນີ້ແມ່ນ 5 ເປົ້າໝາຍສຳຄັນທີ່ເຮົາຄວນຕັ້ງໄວ້ໃນປີ 2021 ນີ້.

5 ເປົ້າໝາຍສຳຄັນທີ່ຄວນຕັ້ງໄວ້ໃນປີ 2021 - 011901 2021 300x200 - 5 ເປົ້າໝາຍສຳຄັນທີ່ຄວນຕັ້ງໄວ້ໃນປີ 2021

  • ການເງິນດີ ມີໄຊຊະນະໄປເຄິ່ງທາງ : ເວົ້າກັນວ່າຖ້າການເງິນດີ ເວລາເຮັດຫຍັງມັກຈະບໍ່ຕິດຂັດ ບັນດາທ່ານຄິດແບບນີ້ຫລືບໍ່ ? ເພາະບໍ່ວ່າຈະເຮັດຫຍັງ ເບິ່ງຄືວ່າເງິນຈະເປັນໂຕຊຸກຍູ້ໄປໄດ້ໝົດ ຖ້າປີນີ້ໃຜທີ່ຢາກເລີ່ມຕົ້ນຊີວິດໃຫ້ມີແຕ່ຄວາມເຮັງ ແນະນຳວ່າຄວນເລີ່ມຮັດລາຍຮັບ – ລາຍຈ່າຍ, ຮູ້ຈັກທ້ອນ, ແບ່ງເງິນອອກເປັນສັດສ່ວນໃຫ້ຈະແຈ້ງ ເພື່ອເກີດເຫດການສຸກເສີນຈະໄດ້ມີເງິນສຳຮອງໄວ້ໃຊ້ ແລະ ຢ່າລືມກຽມເງິນໄວ້ສຳລັບການຊື້ຄວາມສຸກໃຫ້ຕົນເອງນຳ.
  • ຖ້າວຽກປະສົບຄວາມສຳເລັດ ຊີວິດຈະມີຄວາມສຸກເພີ່ມຂຶ້ນ : ເລື່ອງຢາກໃຫ້ຕັ້ງເປົ້າໝາຍຕໍ່ມາກໍແມ່ນເລື່ອງຂອງໜ້າທີ່ວຽກງານ ເພາະກ່ວາເຄິ່ງໜຶ່ງຂອງເວລາທັງໝົດໃນຊີວິດເຮົາລ້ວນເສຍໄປກັບວຽກແມ່ນຫລືບໍ່ ຖ້າຫາກເຮົາເຮັດວຽກໄດ້ຢ່າງຄ່ອງແຄ້ວ ຈະເຮັດໃຫ້ຊີວິດເຮົາມີຄວາມສຸກຫລາຍຂຶ້ນ ແລະ ເຄັດລັບທີ່ຈະຊ່ວຍໃຫ້ວຽກຄ່ອງແຄ້ວກໍຄື ການສະສາງວຽກຕ່າງໆໃຫ້ໄດ້ຕາມເປົ້າໝາຍທີ່ເຮົາກຳນົດ ເຮົາອາດຈະກຳນົດໃນທຸກມື້ເລີຍກໍໄດ້ ວ່າຈະເຮັດວຽກໃຫ້ໄດ້ມື້ລະຈັກວຽກ ແລະ ເຮັດຕາມສິ່ງທີ່ເຮົາເຮັດລາຍການໄວ້ໃຫ້ໄດ້ທັງໝົດ, ເລືອກເຮັດວຽກທີ່ສຳຄັນກ່ອນ, ຈັດລຽງລຳດັບຄວາມສຳຄັນສິ່ງນີ້ໃຫ້ດີ ຮັບຮອງວ່າບໍ່ວ່າຈະມີຈັກວຽກທີ່ເຂົ້າມາກໍສະບາຍຫາຍຫ່ວງ.

5 ເປົ້າໝາຍສຳຄັນທີ່ຄວນຕັ້ງໄວ້ໃນປີ 2021 - 041901 2021 300x169 - 5 ເປົ້າໝາຍສຳຄັນທີ່ຄວນຕັ້ງໄວ້ໃນປີ 2021

5 ເປົ້າໝາຍສຳຄັນທີ່ຄວນຕັ້ງໄວ້ໃນປີ 2021 - Wave100S AD to Website 2020 0 - 5 ເປົ້າໝາຍສຳຄັນທີ່ຄວນຕັ້ງໄວ້ໃນປີ 2021
  • ສຸຂະພາບທີ່ດີ ເປັນສິ່ງທີ່ໃຜກໍຢາກໄດ້ : ອີກໜຶ່ງເປົ້າໝາຍທີ່ຄວນປ່ຽນແປງຄົງເປັນໃນເລື່ອງຂອງສຸຂະພາບ ເພາະຄົງບໍ່ຢາກມີໃຜເຮັດວຽກທ້ອນເງິນມາເພື່ອປິ່ນປົວສຸຂະພາບກັນໝົດແມ່ນບໍ່. ດັ່ງນັ້ນ, ຄວນເລີ່ມຕົ້ນດູແລຕົນເອງຕັ້ງແຕ່ຕົ້ນປີເລີຍ ກິນອາຫານທີ່ດີຕໍ່ສຸຂະພາບ ອີກສິ່ງໜຶ່ງທີ່ສຳຄັນແມ່ນການອອກກຳລັງກາຍໃຫ້ໄດ້ອາທິດລະ 3 – 4 ມື້ ຫລື ເລີ່ມຕົ້ນອອກອາທິດລະ 2 ມື້, ຫາມື້ ແລະ ເວລາເພື່ອດູແລສຸຂະພາບຂອງເຮົາ ເພາະເຖິງວ່າເຮົາຈະຫາເງິນໄດ້ຫລາຍປານໃດ, ແຕ່ຫາກສຸຂະພາບເຮົາບໍ່ດີດັ່ງທີ່ຄິດ ມັນຄົງບໍ່ແມ່ນເລື່ອງດີພໍປານໃດ.
  • ແບ່ງສ່ວນໜຶ່ງເພື່ອໃຫ້ຄວາມຮັກທີ່ສົດໃສແດ່ : ສິ່ງໜຶ່ງທີ່ຈະເຮັດໃຫ້ຊີວິດເຮົາດຳເນີນໄປຢ່າງມີຄວາມສຸກຫລາຍຂຶ້ນ ຄົງເປັນເລື່ອງຂອງຄວາມຮັກ ໃນການເລີ່ມຕົ້ນປີແບບນີ້ ໃຜທີ່ມີຄວາມຮັກທີ່ດີແລ້ວຂໍໃຫ້ຮັກສາມັນໄວ້ຢ່າງດີ, ແຕ່ຫາກໃຜຍັງບໍ່ພົບຄົນໆນັ້ນ ຂໍໃຫ້ເບິ່ງໃຫ້ດີກ່ອນຈະເລີ່ມຕົ້ນຮັກໃຜ ແລະ ບໍ່ວ່າຈະມີໃຜເຂົ້າມາຢ່າໃຫ້ໃຜເຂົ້າມາທຳຮ້າຍເຮົາໄດ້. ສ່ວນເຄັດລັບການເລືອກຄວາມຮັກ ຖ້າພົບໃຜຄົນນັ້ນ ແລ້ວຮູ້ສຶກວ່າມັນດີກ່ວາການຢູ່ຄົນດຽວ ຫລື ເຂົາສາມາດມາດູແລເບິ່ງແຍງເຮົາໄດ້ ບໍ່ວ່າທາງໃດທາງໜຶ່ງກໍຖືວ່າໂຊກດີແລ້ວ, ແຕ່ຖ້າເຂົ້າມາເຮັດໃຫ້ໜັກໃຈ ຂໍໃຫ້ຍົກມືບອກລາ ແລ້ວຫາຄົນໃໝ່ເລີຍດີກ່ວາ.
  • ຢ່າລືມໃຫ້ຄວາມສຳຄັນກັບຄອບຄົວ : ສຸດທ້າຍແລ້ວເປົ້າໝາຍທັງໝົດຈະສົມບູນບໍ່ໄດ້ ຫາກຂາດເລື່ອງຂອງຄອບຄົວໄປ ບໍ່ວ່າຈະແມ່ນພໍ່ແມ່ອ້າຍເອື້ອຍນ້ອງ ຫລື ຍາດມິດສະຫາຍທັງໝົດ ລ້ວນຫລໍ່ຫລອມໃຫ້ເຮົາມີຄວາມສຸກ ແລະ ດຳລົງຊີວິດໄປໄດ້ຢ່າງດີ. ດັ່ງນັ້ນ ໃຜທີ່ຮູ້ສຶກວ່າປີທີ່ຜ່ານມາບໍ່ຄ່ອຍໃຫ້ຄວາມສຳຄັນກັບຄອບຄົວຫລາຍປານໃດ ປີນີ້ຄວນແບ່ງເວລາໃຫ້ພວກເຂົາແດ່ ອາດຈະເປັນອາທິດລະເທື່ອ ຫລື ຫາກໃຜບໍ່ສະດວກພົບກັນແທ້ໆ ການໂທຫາກັນທຸກມື້ກໍເປັນອີກໜຶ່ງເລື່ອງທີ່ຄວນເຮັດຄືກັນ.
5 ເປົ້າໝາຍສຳຄັນທີ່ຄວນຕັ້ງໄວ້ໃນປີ 2021 - WhatsApp Image 2020 05 27 at 5 - 5 ເປົ້າໝາຍສຳຄັນທີ່ຄວນຕັ້ງໄວ້ໃນປີ 2021
5 ເປົ້າໝາຍສຳຄັນທີ່ຄວນຕັ້ງໄວ້ໃນປີ 2021 - WhatsApp Image 2020 05 27 at 5 - 5 ເປົ້າໝາຍສຳຄັນທີ່ຄວນຕັ້ງໄວ້ໃນປີ 2021
error: Alert: ເນື້ອຫາຂ່າວມີລິຂະສິດ !!