ວິທີເອີ້ນສະຕິກັບມາໃຫ້ໄວທີ່ສຸດ

ວິທີເອີ້ນສະຕິກັບມາໃຫ້ໄວທີ່ສຸດ - 081901 2021 - ວິທີເອີ້ນສະຕິກັບມາໃຫ້ໄວທີ່ສຸດ
ວິທີເອີ້ນສະຕິກັບມາໃຫ້ໄວທີ່ສຸດ - Untitled design - ວິທີເອີ້ນສະຕິກັບມາໃຫ້ໄວທີ່ສຸດ

ໃນແຕ່ລະມື້ເຮົາຕ້ອງພົບພໍ້ກັບສິ່ງຕ່າງໆທີ່ເຂົ້າມາຢ່າງຫລວງຫລາຍ ບໍ່ວ່າຈະເລື່ອງທີ່ໜ້າຍິນດີ ຫລື ເລື່ອງທີ່ບໍ່ຄ່ອຍຢາກພົບພໍ້ ຫາກເຮົາມີສະຕິຮັບມືກັບສິ່ງຕ່າງໆໄດ້ຢ່າງດີ ຈະຊ່ວຍໃຫ້ການໃຊ້ຊີວິດຂອງເຮົາງ່າຍຂຶ້ນ ແລະ ການຝຶກສະຕິບໍ່ແມ່ນເລື່ອງຍາກຫຍັງຫລາຍ ມື້ນີ້ພວກເຮົາຈະປ່ຽນການຝຶກສິ່ງນີ້ທີ່ໃຜໆເບິ່ງວ່າໜ້າເບື່ອໃຫ້ມີຄວາມສຸກຫລາຍຂຶ້ນ ແລະ ແນ່ນອນວ່າສາມາດຝຶກໄດ້ທຸກມື້ ເລີ່ມເຮັດໄດ້ຕັ້ງແຕ່ມື້ນີ້ເລີຍ.

  • ຝຶກນັ່ງສະມາທິມື້ລະ 2 ເທື່ອ ​: ສິ່ງທຳອິດທີ່ຈະຊ່ວຍເອີ້ນສະຕິກັບມາໄດ້ຢ່າງໄວວາທີ່ສຸດກໍແມ່ນການນັ່ງສະມາທິ ເຊິ່ງຫລາຍຄົນມັກຄິດວ່າການນັ່ງສະມາທິຈະຕ້ອງນັ່ງເທື່ອລະດົນໆ ຂໍບອກເລີຍວ່າບໍ່ຈຳເປັນຕ້ອງນັ່ງເທື່ອລະຊົ່ວໂມງປານນັ້ນ ເພາະຖ້າເຮົານັ່ງດົນແບບນັ້ນຈະຍິ່ງເຮັດໃຫ້ສະຕິເຮົາຫລຸດລອຍອອກໄປໄກຈົນເອີ້ນກັບມາບໍ່ໄດ້. ດັ່ງນັ້ນ, ພຽງແຕ່ເລີ່ມຕົ້ນໄລຍະເວລາສັ້ນໆກໍພໍ ອາດຈະເລີ່ມເຮັດມື້ລະ 5 ນາທີກ່ອນນອນ ແລະ ຕື່ນນອນ ຈາກນັ້ນຄ່ອຍໆເພີ່ມໄລຍະເວລາໃຫ້ຫລາຍຂຶ້ນເລື້ອຍໆ ເອົາຕາມທີ່ຕົນເອງຍັງໄຫວ ອີກສິ່ງໜຶ່ງທີ່ສຳຄັນກໍຄື ຄວນຫາບ່ອນງຽບໆໃນການນັ່ງສະມາທິ ຢ່າໃຫ້ມີຫຍັງມາລົບກວນເຮົາໄດ້, ມີໂທລະສັບກໍໃຫ້ປະໄວ້ນອກຫ້ອງ, ປິດຄອມພິວເຕີ, ບໍ່ຕ້ອງເອົາສິ່ງກະຕຸ້ນຂ້າງນອອກເຂົ້າມາຢູ່ເປັນໝູ່ ເອີ້ນງ່າຍໆກໍຄື ຖິ້ມເລື່ອງລາວພາຍນອກອອກຈາກໃຈໃຫ້ໝົດ.
  • ສັງເກດເລື່ອງເລັກນ້ອຍໃກ້ໂຕໃຫ້ເປັນນິໄສ : ການສັງເກດເລື່ອງເລັກນ້ອຍໃນຊີວິດປະຈຳວັນທີ່ເຮົາເບິ່ງຜ່ານໄປ ເປັນອີກໜຶ່ງຢ່າງທີ່ເຮັດໃຫ້ເຮົາຢູ່ກັບປັດຈຸບັນຫລາຍຂຶ້ນ​, ເຄີຍສັງເກດບໍ່ວ່າເວລາທີ່ທ່ານຖູແຂ້ວ, ກິນເຂົ້າເຊົ້າ ຫລາຍເທື່ອເຮົາກໍປ່ອຍໃຫ້ຈິດໃຈລອຍໄປໄກຈົນນຳກັບມາເກືອບບໍ່ຖືກເລີຍກໍມີ ເຊິ່ງເຮັດໃຫ້ບໍ່ໄດ້ຈົດຈໍ່ກັບສິ່ງທີ່ຢູ່ຕໍ່ໜ້າ. ດັ່ງນັ້ນ, ວິທີຝຶກສະຕິໃຫ້ຢູ່ກັບປັດຈຸບັນໄດ້ຫລາຍທີ່ສຸດກໍແມ່ນປ່ອຍໃຫ້ຕົນເອງຈົດຈໍ່ກັບສິ່ງທີ່ເຮັດ ເຊັ່ນ : ຕອນເຊົ້າຕື່ນມາລ້າງໜ້າ ກໍໃຫ້ຮູ້ວ່າຕອນນີ້ກຳລັງລ້າງໜ້າຢູ່, ນຳ້ມັນເຢັນປານໃດ, ໂຟມລ້າງໜ້າມີກິ່ນຫຍັງ ຫລື ຕອນຖູແຂ້ວກໍໃຫ້ຮູ້ວ່າຢາຖູແຂ້ວມີກິ່ນຫຍັງ, ມີລົດຊາດແບບໃດ ເຮັດແບບນີ້ໃນທຸກເລື່ອງ, ໃຊ້ໄລຍະເວລາບໍ່ດົນ ເຮົາຈະເອີ້ນສະຕິກັບມາຢູ່ກັບຕົນເອງໄດ້ຢ່າງວ່ອງໄວ ແລະ ບໍ່ຈາກເຮົາໄປໃດໄກອີກ.
  • ເລືອກໃຊ້ສິ່ງຂອງເລັກໆນ້ອຍໆເພື່ອເອີ້ນສະຕິ : ຖ້າຮູ້ສຶກວ່າການຝຶກສະຕິມັນເປັນເລື່ອງຍາກຫລາຍ (ໃຜເຮັດບໍ່ໄດ້ຂໍໃຫ້ຍົກມືຂຶ້ນ) ເຮົາແນະນຳວ່າໃຫ້ຫາສິ່ງຂອງເລັກໆນ້ອຍໆມາຕິດໂຕ ເຊັ່ນ : ສາຍແຂນ, ແຫວນ ຫລື ອັນໃດກໍຕາມທີ່ໜ້າຮັກສົດໃສ ເອົາແບບທີ່ເຮົາມັກໄດ້ເລີຍ ບໍ່ຈຳກັດວ່າຕ້ອງເປັນອັນໃດ ພຽງແຕ່ໃຫ້ຮູ້ວ່າຖ້າເຫັນສິ່ງນີ້ແລ້ວຈະເຮັດໃຫ້ສະຕິກັບຄືນມາ ອາດຈະແມ່ນສິ່ງຂອງທີ່ໃຊ້ແທນໃຈ, ສິ່ງທີ່ຊື້ມາເອງ, ບໍ່ຈຳເປັນຕ້ອງຄືໃຜກໍໄດ້ ພຽງແຕ່ເປັນສິ່ງທີ່ສາມາດຕິດໂຕໄດ້ຢູ່ຕະຫລອດເວລາ, ສາມາດພົກພາໄປໄດ້ທຸກບ່ອນ ເພາະເມື່ອໃດກໍຕາມທີ່ສະຕິເຮົາຫລຸດລອຍໄປ ຈະໄດ້ໃຊ້ສິ່ງນີ້ນຳສະຕິຂອງເຮົາກັບຄືນມາໃຫ້ຢູ່ກັບປັດຈຸບັນໄດ້ຢ່າງວ່ອງໄວ.
  • ຍິນດີກັບເລື່ອງທີ່ພົບພໍ້້ໃກ້ໂຕ : ການຝຶກຍິນດີກັບເລື່ອງໃກ້ໂຕ ບໍ່ວ່າຈະເປັນເລື່ອງນ້ອຍ, ເລື່ອງໃຫຍ່ ຈະຊ່ວຍເອີ້ນສະຕິຂອງເຮົາໃຫ້ກັບຄືນມາໄດ້ຢ່າງງ່າຍໆ ເພາະເຮົາຈະຢູ່ກັບປັດຈຸບັນ ເບິ່ງເຫັນຄວາມງາມຂອງສິ່ງອ້ອມໂຕໄດ້ຫລາຍຂຶ້ນ ຫລາຍເທື່ອທີ່ເຮົາປ່ອຍໃຫ້ຄວາມຄຽດມາຄອບງຳຄວາມງາມເຫລົ່ານັ້ນ. ນອກຈາກນີ້, ຍັງຊ່ວຍໃຫ້ເກີດຄວາມຮູ້ສຶກຈົດຈຳເລື່ອງລາວເຫລົ່ານັ້ນໄດ້ຫລາຍຂຶ້ນ, ເອົາໃຈໃສ່ລາຍລະອຽດກັບທຸກສິ່ງທີ່ໄດ້ງ່າຍຂຶ້ນ ເຮັດໃຫ້ເຮົາຮູ້ສຶກຍິນດີກັບຄົນອ້ອມໂຕ. ເຕັກນິກງ່າຍໆຄື ເມື່ອເຮົາພົບເລື່ອງໜ້າຍິນດີໃຫ້ລອງເວົ້າອອກໄປກັບຕົນເອງ, ຍ້ອງຍໍຊື່ນຊົມກັບສິ່ງນັ້ນຢ່າງຈິງໃຈ ພຽງເທົ່ານີ້ກໍພໍແລ້ວ.
  • ຝຶກສະຕິໂດຍການເຄື່ອນໄຫວຮ່າງກາຍ : ຄວາມຈິງແລ້ວ ການຝຶກສະຕິບໍ່ຈຳເປັນຕ້ອງນັ່ງຢູ່ກັບບ່ອນນິ້ງໆຢ່າງດຽວ ເຮົາສາມາດຝຶກໄດ້ໂດຍການເຄື່ອນໄຫວຮ່າງກາຍເພີ່ມຄວາມມ່ວນຊື່ນເຂົ້າໄປໄດ້ຢ່າງເຕັມທີ່ ຂໍພຽງແຕ່ໃຫ້ເຮົາມີສະມາທິຢູ່ກັບສິ່ງນັ້ນກໍພໍ ເຊັ່ນ : ເຮົານັ່ງຢູ່ໂຕະເຮັດວຽກກໍໃຫ້ຮູ້ວ່າເຮົາກຳລັງຂຽນວຽກຢູ່ ຫລື ກຳລັງຄຳນວນໂຕເລກຢູ່ ເອີ້ນງ່າຍໆວ່າແມ່ນການໃຫ້ຮູ້ໂຕວ່າຕອນນີ້ກຳລັງເຮັດຫຍັງ ຫລື ຈະໃຊ້ການອອກກຳລັງກາຍເປັນການເອີ້ນສະມາທິກໍໄດ້ ຫລື ແມ່ນແຕ່ເຮົາຢືນເຕັ້ນກັບໝູ່ຢູ່ກໍເອີ້ນສະຕິໄດ້ ເພາະເຮົາຕ້ອງກຳນົດລົມຫາຍໃຈເຂົ້າອອກ ມີສະຕິຢູ່ກັບທ່າທາງທີ່ເຮັດ ບໍ່ແມ່ນການເຄື່ອນໄຫວຮ່າງກາຍ. ດັ່ງນັ້ນ, ເລື່ອງຂອງສະຕິສາມາດມ່ວນຊື່ນໄດ້ເຕັມທີ່ ໃຊ້ຊີວິດແບບທີ່ຢາກເປັນໄດ້ດັ່ງໃຈເລີຍ.
ວິທີເອີ້ນສະຕິກັບມາໃຫ້ໄວທີ່ສຸດ - WhatsApp Image 2020 05 27 at 5 - ວິທີເອີ້ນສະຕິກັບມາໃຫ້ໄວທີ່ສຸດ
ວິທີເອີ້ນສະຕິກັບມາໃຫ້ໄວທີ່ສຸດ - WhatsApp Image 2020 05 27 at 5 - ວິທີເອີ້ນສະຕິກັບມາໃຫ້ໄວທີ່ສຸດ
ວິທີເອີ້ນສະຕິກັບມາໃຫ້ໄວທີ່ສຸດ - Wave100S AD to Website 2020 0 - ວິທີເອີ້ນສະຕິກັບມາໃຫ້ໄວທີ່ສຸດ
error: Alert: ເນື້ອຫາຂ່າວມີລິຂະສິດ !!