ອຸດສາຫະກຳໄຮເທັກ ຕົວຊ່ວຍໜູນເສດຖະກິດຫວຽດນາມ

ອຸດສາຫະກຳໄຮເທັກ ຕົວຊ່ວຍໜູນເສດຖະກິດຫວຽດນາມ - vi - ອຸດສາຫະກຳໄຮເທັກ ຕົວຊ່ວຍໜູນເສດຖະກິດຫວຽດນາມ
ອຸດສາຫະກຳໄຮເທັກ ຕົວຊ່ວຍໜູນເສດຖະກິດຫວຽດນາມ - Untitled design - ອຸດສາຫະກຳໄຮເທັກ ຕົວຊ່ວຍໜູນເສດຖະກິດຫວຽດນາມ

ພັກ​ກອມ​ມູນິດ​ຫວຽດນາມ ປະກາດ​ວ່າ​ຕ້ອງການ​ກະ​ຕຸ້ນ​ເສດຖະກິດ​ຂອງ​ປະ​ເທດ​ໃຫ້​ຂະຫຍາຍຕົວ​ປີ​ລະ 6,5-7%​ ​ໂດຍ​ເນັ້ນຄຸນ​ນະພາ​ບການ​ລົງທຶນ​ຈາກ​ຕ່າງປະ​ເທດ ບໍ່​ແມ່ນ​ປະລິມານ, ພ້ອມ​ທັງ​ມີ​ແຜນ​ສະໜັບສະໜູນ​ອຸດສາຫະກຳ​ໄຮ​ເຕັກ​ໂນ​​ໂລ​ຊີ​ໃຫ້​ເຕີບ​ໃຫຍ່​ຢ່າງ​ແຂງ​ແຮງ ​ເພື່ອ​ຂັບ​ເຄື່ອນ​ເສດຖະກິດ​ໃຫ້​ເຕີບ​ໃຫຍ່​ແບບ​ຍືນ​ຍົງ.

​ເພື່ອ​ຮັບ​ມື​ຕໍ່​ສະຖານະ​ການ​ການ​ແຜ່​ລະບາດ​ຂອງ​ພະຍາດ​ໂຄ​ວິດ-19 ທີ່​ຮ້າຍ​ແຮງ​ທີ່​ສຸດ, ຫວຽດນາມ​ຕັ້ງ​ເປົ້າຈະ​ກະ​ຕຸ້ນ​ການ​ເຕີບ​ໃຫຍ່​ຂອງ​ເສດຖະກິດ​ໃນ​ໄລຍະ 5 ປີ​ຕໍ່​ໜ້າ, ພ້ອມ​ທັງ​ເຮັດ​ຂໍ້​ຕົກລົງ​ການ​ຄ້າ​ເສລີ​ກັບປະ​ເທດ​ຕ່າງໆ​ແປ​ຮູບ​ລັດ​ວິ​ສາ​ຫະກິດ ​ແລະ ​ໃຊ້​ມາດ​ຕະການ​ເຂັ້ມງວດ​ໃນ​ຮູບ​ແບບ​ຕ່າງໆ ​ເພື່ອ​ຮັບ​ມື​ການລະບາດ​ຂອງ​ພະຍາດ​ໂຄ​ວິດ-19.

ປັດຈຸບັນ, ຫວຽດນາມ ​ເປັນ​ຈຸດ​ສົນ​ໃຈ​ຂອງ​ປະ​ເທດ​ອື່ນໆ​ໃນ​ພາກພື້ນດຽວ​ກັນ ຫລັງ​ຈາກ​ຫວຽດນາມ​ເຮັດ​ຂໍ້​ຕົກລົງ​ການ​ຄ້າ​ກັບ​ຫລາຍ​ປະ​ເທດ ​ແລະ ປະສົບ​ຜົນສຳ​ເລັດ​ດ້ວຍ​ດີ. ນອກຈາກ​ນີ້ ຫວຽດນາມ ຍັງ​ໄດ້​ຮັບ​ການ​ຍອມຮັບ​ວ່າ​ເປັນ​ປະ​ເທດ​ຈຸດໝາຍ​ປາຍທາງ​ຂອງ​ບັນດາ​ບໍລິສັດ​ຕ່າງປະ​ເທດ​ທີ່​ຕ້ອງການ​ຫລຸດ​ການ​ອາ​ໄສ ​ແລະ ຍ້າຍ​ຖານ​ການ​ຜະລິດ​ອອກ​ຈາກ​ຈີນ. ຫລ້າ​ສຸດ ພັກ​ກອມ​ມູນິດ​ຫວຽດນາມ​ໄດ້​ອະນຸມັດ​ແຜນການ​ຕ່າງໆ ​ເພື່ອ​ກະ​ຕຸ້ນ​ການ​ເຕີບ​ໃຫຍ່​ທາງ​ເສດຖະກິດ​ໃຫ້​ໄດ້ 6,5-7% ​ໃນ​ໄລຍະ​ປີ 2021-2025 ຈາກ​ໄລຍະ​ກ່ອນ​ເກີດ​ການລະບາດ​ຂອງ​ພະຍາດ​ໂຄ​ວິດ-19 ທີ່​ເສດຖະກິດ​ຂອງ​ຫວຽດນາມ​ຂະຫຍາຍຕົວ​ສະ​ເລ່ຍປີ​ລະ 6%.

ນາຍົກລັດຖະມົນຕີຫວຽດນາມ ​ໄດ້​ປັບ​ເພີ່ມ​ຄາດ​ຄະ​ເນ​ການ​ຂະຫຍາຍຕົວ​ຂອງ​ລວມຍອດ​ຜະລິດ​ຕະພັນ​ພາຍ​ໃນ (GDP) ປີ 2021 ​ໂດຍ​ຄາດ​ວ່າ: GDP ຈະ​ຂະຫຍາຍຕົວ 6,5% ຈາກ​ຕົວ​ເລກ​ຄາດ​ຄະ​ເນ​ເກົ່າ 6,0% ​ເຖິງ​ວ່າ​ຫວຽດນາມ​ຜະ​ເຊີນ​ອຸ​ປະ​ສັກ​ຈາກ​ການ​ແຜ່​ລະບາດ​ຂອງ​ໂຄ​ວິດ-19 ​ແລະ ​ໄພ​ທຳ​ມະ​ຊາດ.

​ສ່ວນ​ໃນ​ປີ 2020 ຕົວ​ເລກ GDP ຫວຽດນາມ​ມີ​ທ່າ​ອ່ຽງຊ້າ​ລົງ​ສູ່​ລະດັບ 2,91% ​ເຊິ່ງ​ເປັນ​ລະດັບ​ຕໍ່າ​ສຸດ​ໃນ​ຮອບ 30 ປີ ​ເນື່ອງ​ຈາກ​ຜົນ​ກະທົບ​ການລະບາດ​ຂອງ​ໂຄ​ວິດ-19 ບວກ​ກັບ​ປັດ​ໄຈ​ດ້ານ​ທຳ​ມະ​ຊາດ​ທີ່​ເກີດ​ຂຶ້ນ​ໃນ​ປະ​ເທດ ​ແລະ ​ເສດຖະກິດ​ອ່ອນ​ແອ​ທົ່ວ​ໂລກ, ​ແຕ່​ຕົວ​ເລກ GDP ຫວຽດນາມ​ຍັງ​ຖື​ວ່າ​ຂະຫຍາຍຕົວ​ວ່ອງ​ໄວ​ທີ່​ສຸດ​ໃນ​ໂລກ​ໃນ​ປີ​ນີ້.

ນາຍົກລັດຖະມົນຕີຫວຽດນາມ ກ່າວ​ເຖິງ​ຜົນການ​ດຳ​ເນີນ​ງານ​ທາງ​ເສດຖະກິດ​ຂອງ​ຫວຽດນາມ​ປີ​ນີ້ ​ໂດຍ​ບອກ​ວ່າ: “ຂ້າພະ​ເຈົ້າສາມາດ​ເວົ້າ​ໄດ້​ວ່າ: ປີ 2020 ​ເປັນ​ປີ​ທີ່​ຫວຽດນາມ​ປະສົບ​ຜົນສຳ​ເລັດ​ຫລາຍ​ສຸດ​ໃນ​ຮອບ 5 ປີ ​ແລະ ​ເສດຖະກິດ​ຂອງ​ປະ​ເທດ​ກຳລັງ​ດີ​ຂຶ້ນກວ່າ​ເກົ່າ. ກ່ອນ​ໜ້າ​ນີ້ ພວກ​ເຮົາ​ໄດ້​ຕັ້ງ​ເປົ້າໝາຍ​ການ​ເຕີບ​ໃຫຍ່​ໄວ້​ໃນ​ລະດັບ 6,0% ​ໃນ​ປີ 2021 ​ເຖິງ​ວ່າ​ຈະ​ຍັງ​ມີ​ອຸປະສັກ​ຫລາຍ​ປະການ ​ແຕ່​ລັດຖະບານ​ເບິ່ງ​ວ່າ: ​ເສດຖະກິດ​ມີ​ໂອກາດ​ຈະ​ຂະຫຍາຍ​ໄດ້​ເພີ່ມ​ຂຶ້ນອີກ 0,5 ​ເປັນ 6,5%”.

ອຸດສາຫະກຳໄຮເທັກ ຕົວຊ່ວຍໜູນເສດຖະກິດຫວຽດນາມ - Wave100S AD to Website 2020 0 - ອຸດສາຫະກຳໄຮເທັກ ຕົວຊ່ວຍໜູນເສດຖະກິດຫວຽດນາມ

ນາຍົກລັດຖະມົນຕີຫວຽດນາມ ກ່າວ​ອີກ​ວ່າ: ຫວຽດນາມ​ສ້າງ​ຜົນງານ​ໄດ້​ດີ​ໃນ​ການ​ຮັບ​ມື​ໂຄ​ວິດ-19 ​ເຊິ່ງ​ເປັນ​ການ​ປູ​ທາງ​ໃຫ້​ກິດຈະກຳ​ທາງ​ເສດຖະກິດ​ຟື້ນຕົວຢ່າງ​ວ່ອງ​ໄວ ​ໂດຍ​ຫວຽດນາມ​ໄດ້​ດຳ​ເນີນ​ມາດ​ຕະການ​ກັກ​ກັນ ​ແລະ ຕິດຕາມ​ພະຍາດ​ໂຄ​ວິດ-19 ຢ່າງ​ເຂັ້ມງວດ ຈົນ​ເຮັດ​ໃຫ້​ສາມ​າດຮັບ​ມື​ການ​ແຜ່​ລະບາດ​ໄດ້​ຢ່າງ​ວ່ອງ​ໄວ.

​ໃນ​ກອງ​ປະຊຸມ​ພັກ​ກອມ​ມູນິດ​ຫວຽດນາມ ກອງ​ປະຊຸມ​ເຫັນ​ພ້ອມ​ຈະ​ສະໜັບສະໜູນ​ບົດບາດ​ຂອງ​ຫວຽດນາມ​ໃນ​ຖານະ​ເປັນ​ສູນ​ກາງ​ການ​ຜະລິດ​ດ້ານ​ອຸດສາຫະກຳ​ສຳລັບ​ບໍລິສັດ​ຍັກ​ໃຫຍ່​ຂອງ​ໂລກ​ເຊັ່ນ: ຊຳ​ຊຸງ ​ເອ​ເລັກ​ໂຕ​ນິກ ​ໂຄ ​ແລະ ອິນ​ເທ​ລ ຄອບ. ຂະນະ​ດຽວ​ກັນ, ພັກ​ກອມ​ມູນິດ​ຫວຽດນາມ​ພະຍາຍາມ​ຍົກ​ລະດັບ​ພາບ​ພົດ​ປະ​ເທດ​ຈາກ​ການ​ເປັນ​ປະ​ເທດ​ຈຸດໝາຍ​ປາຍທາງ​ດ້ານ​ການ​ລົງທຶນ ​​ເພາະ​ມີ​ຕົ້ນທຶນ​ແຮງ​ງານ​ລາຄາ​ຖືກ​ໃຫ້​ເປັນ​ສູນ​ກາງ​ດ້ານ​ວິທະຍາສາດ ​ແລະ ​ເຕັກ​ໂນ​ໂລ​ຊີ.

ພັກ​ກອມ​ມູນິດ​ຫວຽດນາມ​ຍັງ​ປະກາດ​ເດີນ​ໜ້າ​ເຮັດ​ຂໍ້​ຕົກລົງ​ການ​ຄ້າ​ເສລີ (FTA) ກັບປະ​ເທດ​ຕ່າງໆ​ຕໍ່​ໄປ ທັງ​ຍັງ​ຕັ້ງ​ເປົ້າຂະຫຍາຍ ​ແລະ ​ເພີ່ມ​ຄວາມ​ຫລາກ​ຫລາຍ​ແກ່​ຕະຫລາດ​ສົ່ງ​ອອກ​ນຳ​ອີກ.

ອຸດສາຫະກຳໄຮເທັກ ຕົວຊ່ວຍໜູນເສດຖະກິດຫວຽດນາມ - WhatsApp Image 2020 05 27 at 5 - ອຸດສາຫະກຳໄຮເທັກ ຕົວຊ່ວຍໜູນເສດຖະກິດຫວຽດນາມ
ອຸດສາຫະກຳໄຮເທັກ ຕົວຊ່ວຍໜູນເສດຖະກິດຫວຽດນາມ - WhatsApp Image 2020 05 27 at 5 - ອຸດສາຫະກຳໄຮເທັກ ຕົວຊ່ວຍໜູນເສດຖະກິດຫວຽດນາມ
error: Alert: ເນື້ອຫາຂ່າວມີລິຂະສິດ !!