ກໍລະນີວັດໜອງພະຍາ ເມືອງໄຊທານີ ວັນທີ 2 ກັນຍາ ກາຍເປັນກະແສໂດ່ງດັງ ແລະ ສັງຄົມໃຫ້ຄວາມສົນໃຈຫລາຍທີ່ສຸດ ຕ່າງກໍພາກັນຕັ້ງຄຳຖາມຕ່າງໆນານາວ່າ ເປັນຫຍັງຈຶ່ງກີດມີກໍລະນີນີ້ຂຶ້ນ ເຊິ່ງຜ່ານມາຝ່າຍນາຍບ້ານບ້ານໜອງພະຍາ ແລະຮອງເຈົ້າເມືອງໄຊທານີກໍເຄີຍໃຫ້ສຳພາດແກ່ວິທະຍຸແຫ່ງຊາດ ໃນວັນດຽວກັນໂດຍມີເນື້ອໃນວ່າ ທັງໝົດນັ້ນແມ່ນປະຕິບັດຂໍ້ຕົກລົງ ເລກທີ 028/ອພສ.ນວ ຂອງ ອພສ ນະຄອນຫລວງວຽງຈັນ ວັນທີ…

ຂ່າວຈາກໜັງສືພິມວຽງຈັນທາຍ ວັນທີ 5 ກັນຍານີ້ ໄດ້ກ່າວສັງລວມເຫດການດັ່ງນີ້:  ອໍານາດການປົກຄອງເມືອງໄຊທານີແຈ້ງໃຫ້ຮູ້ວ່າ ຈາກກໍລະນີທີ່ເກີດການປິດປະຕູວັດໜອງພະຍາໃນຕອນເຊົ້າຂອງວັນທີ 2 ກັນຍາ ທີ່ຜ່ານມາ ເພື່ອບໍ່ໃຫ້ຄົນເຂົ້າໄປໃນ ວັດເນື່ອງໃນບຸນເຂົ້າສະຫລາກນັ້ນແມ່ນເພື່ອຫລີກລ່ຽງການທີ່ວ່າມັນຈະເກີດກໍ່ຂະບວນການອັນບໍ່ດີເພາະເມື່ອປະຊາຊົນຈໍານວນຫຼາຍເມື່ອເຂົ້າໄປຖ້າເກີດມີການກໍຂະບວນການອັນບໍ່ດີອາດມີຄວາມອັນຕະລາຍ ຫຼັງຈາກທີ່ອົງການພຸດທະສາສະຫນາສໍາພັນ (ອພສ) ນະຄອນຫລວງ ໄດ້ມອບໃຫ້ບ້ານປີດປະຕູວັດຍ້ອນວ່າ ພຣະອາຈານ ສົມປອງ ທອງພຽນ ເຈົ້າອະທິການວັດໄດ້ເຮັດຜິດວິໄນສົງຮ້າຍແຮງ…