ເມືອງໂພນໄຊ ແຂວງຫລວງພະບາງ ໄດ້ຮັບຜົນກະທົບຈາກຝົນຕົກ ເບື້ອງຕົ້ນ 7 ຕື້ກວ່າກີບ
ເນື່ອງຈາກມີຝົນຕົກລິນຕໍ່ເນື່ອງ ນັບແຕ່ວັນທີ່ 1-6 ສິງຫາ 2023 ເຮັດໃຫ້ນ້ຳຫ້ວຍຫຼາຍສາຍຢູ່ເຂດເມືອງໂພນໄຊ ແຂວງຫລວງພະບາງ ເກີດນອງ ແລະນ້ຳໄຫລຊຸ, ກະທົບຕໍ່ເສັ້ນທາງຄົມມະນາຄົມຢູ່ພາຍໃນເມືອງຈໍານວນ 7 ເສັ້ນ ເປັນຕົ້ນແມ່ນ ດິນ-ຫີນເຈື່ອນຖົມໜ້າທາງ, ທໍ່ລະບາຍນ້ຳລອດທາງຕັນ ນ້ຳຖ້ວມຂັງຕາມຮ່ອງນ້ຳແຄມທາງ ແລະໜ້າທາງ, ຕົ້ນໄມ້ລົ້ມທັບທາງ ທໍ່ລະບາຍນ້ຳລອດທາງຂາດ, ໜ້າທາງຖືກນ້ຳໄຫລເຊາະເປັນບວກເປັນຂຸມ…