ດັ່ງ​ພວກ​ເຮົາ​ຮັບ​ຮູ້ນຳ​ກັນ​ແລ້ວ​ວ່າ: ​ໄຟ​ອຳນາດ​ເປັນ​ສິ່ງ​ສຳຄັນ​ຍິ່ງ​ໃນ​ການ​ຊ່ວຍ​ຄວບ​ຄຸມ​ລະບຽບ​ການ​ສັນຈອນ​ໃນ​ຈຸດ 3 ​ແຍກ, 4 ​ແຍກ​ຕ່າງໆ. ​ແດງ​ແມ່ນ​ຄວບ​ຄຸມ​ໃຫ້​ຜູ້​ໃຊ້​ລົດ​ໃຊ້​ຖະໜົນ​ຕ້ອງ​ຢຸດ, ຂຽວ​ແມ່ນ​ສິດ​ປ່ອຍ​ໃຫ້​ໄປ ​ແລະ ​ເຫລືອງ​ແມ່ນ​ເຕືອນ​ສະຕິ​ໃຫ້​ຜູ້​ຈະລາຈອນ​ເຫລົ່ານັ້ນຕ້ອງ​ກະກຽມ​ເພື່ອ​ຢຸດ ຫລື ​ເລີ່​ມອອກ​ໄປ​ໄດ້. ​ແຕ່​ແລ້ວ​ໃນ​ປັດຈຸບັນ ​ໄຟ​ອຳນາດ​ສຳຄັນ​ເຫລົ່ານັ້ນ​ໃນ​ນະຄອນຫລວງ​ເຮົາ​ຫລາຍ​ບ່ອນ​​ເປັນ​ອຳມະພາດ ຕ້ອງ​ໄດ້​ປັບປຸງ​ແກ້​ໄຂ ​ເພາະ​ບາງ​ຈຸດ​ກໍ​ຢູ່​ໃນ​ສະພາບ​​ເກົ່າ​ແກ່​ຊຸດ​ໂຊມ, ບາງ​ຈຸດ​ກໍ​ຕິດ​ຂັດ​ເລື່ອງ​ເຕັກນິກ​ການ​ຄວບ​ຄຸມ ​ແລະ ບາງ​ຈຸດ​ກໍ​ຍ້ອນ​ຜູ້​ຮັບ​ເໝົາ​ກໍ່ສ້າງ​ເສັ້ນທາງ​ຕິດຕັ້ງບໍ່​ທັນ​ໄດ້​ມາດຕະຖານ ​ແລະ…