ລັດຖະບານຈີນມອບລົດໃຫ້ກະຊວງອຸດສາຫະກຳ ແລະ ການຄ້າລາວ

ເມື່ອທ້າຍອາທິດຜ່ານມານີ້, ທີ່ກະຊວງອຸດສາຫະກໍາ ແລະ ການຄ້າໄດ້ມີພິທີມອບ-ຮັບການຊ່ວຍເຫລືອລ້າດ້ານພາຫະນະຈາກລັດຖະບານແຫ່ງ ສປ ຈີນ ຈຳນວນ 7 ຄັນ ລວມມີມູນ​ຄ່າ 3,3 ລ້ານຢວນ ຫລືປະມານ 4 ຕື້ກວ່າ​​ກີບໃຫ້ກະຊວງອຸດສະຫະກຳ ແລະ ການຄ້າ​, ຕາງໜ້າ​ມອບ​ໂດຍ​ທ່ານ ຫວັງ ສີຮຸ້ຍ ທູດເສດຖະກິດການຄ້າ ສປຈີນ ປະຈໍາລາວ ແລະ ​ຮັບໂດຍ​ທ່ານ ບຸນມີ ມະນີວົງ ຮອງລັດຖະມົນຕີກະຊວງອຸດສາຫະກໍາ ແລະ ການຄ້າ, ພ້ອມທັງກ່າວວ່າ: ຈະນຳໃຊ້ພາຫະນະທີ່ໄດ້ຮັບນີ້ໃຫ້ເກີດປະໂຫຍດສູງສຸດ, ໂດຍສະເພາະການຮັບໃຊ້ວຽກງານສົ່ງເສີມພັດທະນາຂະແໜງການຄ້າໃຫ້ເຂັ້ມແຂງ ແລະ ປະກອບສ່ວນເຮັດໃຫ້ມູນຄ່າການຄ້າຂອງສອງຝ່າຍລາວ-ຈີນ ໃຫ້ເພີ່ມທະວີຄວາມເຂັ້ມແຂງຂຶ້ນເລື້ອຍໆ.