ຄະນະວິສະວະກຳສາດ ຈັດງານຕະຫລາດນັດແຮງງານສົ່ງເສີມນັກສຶກສາຈົບໃໝ່ມີວຽກເຮັດງານທຳ

ງານຕະຫຼາດນັດແຮງງານ ແລະ ຕະຫຼາດການສຶກສາຄັ້ງທີ 6 ສົກປີ 2016-2017, ໄດ້ຈັດຂຶ້ນວັນທີ 19 ພຶດສະພານີ້, ທີ່ຄະນະວິສະວະກຳສາດ (ຄວສ), ໂດຍການເຂົ້າຮ່ວມຂອງທ່ານ ບົວລີນ ສ້ອຍສຸວັນ ຄະນະບໍດີຄະນະວິ ສະວະກຳສາດ, ມະຫາວິທະຍາໄລແຫ່ງຊາດ, ມີບັນດາສະຖາບັນການສຶກສາ, ບໍລິສັດທັງພາຍໃນ ແລະ ຕ່າງປະເທດ, ພະນັກງານຄູ-ອາຈານ. ນັກສຶກສາ ເຂົ້າຮ່ວມເປັນຈຳນວນຫລາຍ.

ຄະນະບໍດີຄະນະວິສະວະກຳສາດ ກ່າວວ່າ: ນີ້ເປັນງານນັດ ພົບ ລະຫວ່າງຜູ້ຕ້ອງການແຮງງານ ແລະ ຜູ້ຕ້ອງການຊອກຫາວຽກງານ ເພື່ອຮຽນຮູ້ ແລະ ປຶກສາຫາລືເຊິ່ງກັນ ແລະ ກັນ, ໂດຍສະເພາະ ນັກສຶກສາຂອງສະຖາບັນ ການສຶກສາກັບນັກຮຽນມໍ ປາຍ ແລະ ຜູ້ທີ່ຕ້ອງການສະໝັກຮຽນ. ນອກຈາກນີ້ ຍັງມີບັນດາບໍລິສັດ, ອົງການຈັດຕັ້ງສາກົນ ມາໃຫ້ຄຳປຶກສາກ່ຽວກັບການຊອກຫາວຽກເຮັດງານທຳ ແລະ ອື່ນໆ, ເພື່ອເປີດໂອກາດໃຫ້ນັກສຶກສາທີ່ກຳລັງຈະສຳເລັດການສຶກສາຂອງຕົນ ມີວຽກເຮັດງານທຳທີ່ດີ ແລະ ໜ້າວຽກທີ່ຕົນໄຟ່ຫາ, ພາຍໃນງານ ຍັງໄດ້ຈັດໃຫ້ມີການສົນທະນາ, ແລກປ່ຽນ ບົດຮຽນ, ສ້າງຄວາມເຂົ້າໃຈ ແລະ ຄວາມຜູກພັນຮ່ວມມືເຊິ່ງກັນ ແລະ ກັນໃຫ້ຫລາຍຂຶ້ນ.

ຄະນະວິສະວະກຳສາດ (ຄວສ) ເປັນຄະນະໜຶ່ງໃນ 13 ຄະນະທີ່ຂຶ້ນ ກັບມະຫາວິທະຍາໄລແຫ່ງຊາດມີ 9 ພາກວິຊາ ແລະ 32 ຫຼັກສູດການຮຽນ-ການສອນ. ປັດຈຸບັນ ຄວສ ມີອາຍຸໄດ້ 21 ປີ ແລະ ໄດ້ສ້າງນັກສຶກສາອອກຮັບໃຊ້ການພັດທະນາເສດຖະກິດ-ສັງຄົມຂອງຊາດ ໃນລະດັບປະລິນຍາຕີ ໄດ້ 16 ຮຸ່ນ ແລະ ປະລິນຍາໂທໄດ້ 8 ຮຸ່ນ. ສະເລ່ຍແລ້ວປະມານ 1.100-1.400 ຄົນຕໍ່ປີ.