ແອັສປາຍ-ປັອກຕຸຍການ ໄຟດັບຄັ້ງໃຫຍ່ ເລັ່ງສອບສວນຫາສາເຫດ ເນັ້ນຍັງບໍ່ພົບຫລັກຖານໂຈມຕີທາງໄຊເບີ
ເກີດໄຟຟ້າດັບຄັ້ງໃຫຍ່ຢູ່ແອັສປາຍ, ປັອກຕຸຍການ ລວມທັງບາງພື້ນທີ່ຂອງຝຣັ່ງ ສົ່ງຜົນເຮັດໃຫ້ເກີດຄວາມວຸ້ນວາຍຢ່າງກວ້າງຂວາງ, ທາງການກໍາລັງເລັ່ງສອບສວນຫາສາເຫດ ແລະ ຟື້ນຟູລະບົບໃຫ້ກັບມາຈ່າຍໄຟໄດ້ໂດຍໄວ, ເບື້ອງຕົ້ນຜູ້ນໍາທັງສອງປະເທດເນັ້ນວ່າ: ຍັງບໍ່ມີສັນຍານວ່າເຫດໄຟດັບຄັ້ງໃຫຍ່ນີ້ກ່ຽວຂ້ອງກັບການໂຈມຕີໄຊເບີ.
ທ່ານ ຄຣິສຕຽນ ຣູບີ້ ຈາກ Eurelectric ອົງກອນຕົວແທນຂະແໜງອຸດສາຫະກໍາໄຟຟ້າຂອງເອີຣົບ ໃຫ້ສໍາພາດຕໍ່ BBC ວ່າ: ສາເຫດສ່ວນໜຶ່ງອາດເກີດຈາກບັນຫາການເຊື່ອມຕໍ່ສາຍສົ່ງໄຟຟ້າລະຫວ່າງຝຣັ່ງ ແລະ ແອັສປາຍ ໂດຍບັນຫາທີ່ Interconnection (ສາຍສົ່ງໄຟຟ້າຂ້າມປະເທດ) ບໍ່ອາດຈະເປັນສາເຫດດຽວ ໂດຍອາດຈະມີປັດໄຈອື່ນໆກ່ຽວຂ້ອງນໍາ.
ລົດໄຟຫລາຍເສັ້ນຢຸດໃຫ້ບໍລິການ, ໄຟຈະລາຈອນຢຸດເຮັດວຽກ, ບໍລິການຕ່າງໆ, ຢູ່ສະໜາມບິນເກີດຄວາມຊັກຊ້າ, ໄຟຟ້າຖືກຕັດຂາດຈາກຮ້ານຄ້າ, ຮ້ານອາຫານ ແລະ ທີ່ພັກອາໄສ ເຮັດໃຫ້ມີການປະກາດສະຖານະການສຸກເສີນໃນຫລາຍພື້ນທີ່. ຫລ້າສຸດເລີ່ມທະຍອຍຟື້ນຟູລະບົບ ແລະ ກັບມາຈ່າຍໄຟຟ້າໃນບາງພື້ນທີ່ໄດ້ແລ້ວ.
ອ້າງອີງ:
- https://www.bbc.com/news/articles/cd6jenl581vo
- https://www.reuters.com/world/europe/large-parts-spain-portugal-hit-by-power-outage-2025-04-28/
- https://www.theguardian.com/business/2025/apr/28/spain-and-portugal-power-outage-cause-cyber-attack-electricity
- https://www.aljazeera.com/news/2025/4/28/power-outage-hits-spain-and-portugal-what-happened-and-what-was-affected
