ຍີ່ປຸ່ນຈະຂະຫຍາຍໄລຍະເວລາສະຖານະການສຸກເສີນອອກໄປອີກ 1 ເດືອນ

ຍີ່ປຸ່ນຈະຂະຫຍາຍໄລຍະເວລາສະຖານະການສຸກເສີນອອກໄປອີກ 1 ເດືອນ - download - ຍີ່ປຸ່ນຈະຂະຫຍາຍໄລຍະເວລາສະຖານະການສຸກເສີນອອກໄປອີກ 1 ເດືອນ
ຍີ່ປຸ່ນຈະຂະຫຍາຍໄລຍະເວລາສະຖານະການສຸກເສີນອອກໄປອີກ 1 ເດືອນ - Untitled design - ຍີ່ປຸ່ນຈະຂະຫຍາຍໄລຍະເວລາສະຖານະການສຸກເສີນອອກໄປອີກ 1 ເດືອນ

ວັນ​ທີ 2 ກຸມພາ 2021, ລັດຖະບານ​ຍີ່ປຸ່ນມີ​ກຳນົດ​ພິຈາລະນາ​ຂະຫຍາຍ​​ໄລຍະ​ເວລາ​ການ​ປະກາດ​ສະຖານະ​ການ​ສຸກ​ເສີນ​ທີ່​ຈະ​ສິ້ນສຸດ​ໃນ​ວັນ​ທີ 7 ກຸມພາ ອອກ​ໄປ​ອີກ 1 ​ເດືອນ ຈົນ​ຮອດ​ວັນ​ທີ 7 ມີນາ​ນີ້​ແທນ ​ເພື່ອ​ຮັບ​ມື​ສະຖານະ​ການ​ການ​ແຜ່​ລະບາດ​ຂອງ​ໂຄ​ວິດ-19 ​ໃນ​ປະ​ເທດ​ທີ່​ຍັງ​ມີ​ຜູ້​ຕິດ​ເຊື້ອ ​ແລະ ຜູ້​ເສຍ​ຊີວິດ​ເພີ່ມ​ສູງ​ຂຶ້ນຢ່າງ​ຕໍ່​ເນື່ອງ.

​ໂດຍ​ນາຍົກລັດຖະມົນຕີ ​ໂຢຊິ​ຮິ​ເດະ ຊູ​ງະ ປະກາດ​ສະຖານະ​ການ​ສຸກ​ເສີນ​ເມື່ອ​ວັນ​ທີ 7 ມັງກອນ​ຜ່ານ​ມາ​ໃນ 4 ​ແຂວງ ບໍ່​ວ່າ​ຈະ​ເປັນ​ໂຕ​ກຽວ, ຄາ​ນາ​ກາ​ວະ, ​ໄຊ​ຕາ​ມະ ​ແລະ ຊິ​ບະ ກ່ອນ​ປະມານ 1 ອາທິດ​ຕໍ່​ມາ​ຈະ​ຂະ​ຫຍາ​ຍຄວບ​ຄຸມ​ເຖິງ​ໂອຊາ​ກ້າ, ຮຽວ​ໂງະ, ກຽວ​ໂຕ, ​ໄອ​ຈິ, ກິ​ຟູ, ຟຸກຸ​ໂອ​ກະ ​ແລະ ​ໂທ​ຊິ​ກິ ກ່ອນ​ໂທ​ຊິ​ກິ​ຈະ​ເປັນ​ແຂວງ​ດຽວ​ທີ່​ອາດ​ຍົກ​ເລີກ​ສະຖານະ​ການ​ສຸກ​ເສີນ​ໄດ້​ກ່ອນ.

ສ່ວນ​ລັດຖະບານ​ຍີ່ປຸ່ນ​ຈະ​ພິຈາລະນາ​ປັດ​ໄຈ​ສຳຄັນ​ຕ່າງໆ ​ໂດຍ​ສະ​ເພາະ​ຈຳນວນ​ຜູ້​ຕິດ​ເຊື້ອຕໍ່​ຈຳນວນ​ປະຊາກອນ​ທີ່​ອາ​ໄສ​ຢູ່​ແຂວງ​ນັ້ນໆ 1 ​ແສນ​ຄົນ​ໃນທ້າຍອາທິດ​ຜ່ານ​ມາ ລວມທັງ​ການ​ປະ​ເມີນ​ຂອງ​ທີ​ມຜູ້​ຊ່ຽວຊານ ​ເຊິ່ງໜຶ່ງ​ໃນ​ປັດ​ໄຈ​ສຳຄັນ​ທີ່​ອາດ​ຈະ​ຊ່ວຍ​ເຮັດ​ໃຫ້​ເກີດ​ການ​ພິຈາລະນາ​ຍົກ​ເລີກ​ປະກາດ​ສະຖານະ​ການ​ດັ່ງກ່າວ ຜູ້​ຕິດ​ເຊື້ອ​ໃໝ່​ຢູ່​ແຂວງ​ນັ້ນໆ ຈະ​ຕ້ອງ​ຕໍ່າ​ກວ່າ 500 ຄົນ.

ຍີ່ປຸ່ນຈະຂະຫຍາຍໄລຍະເວລາສະຖານະການສຸກເສີນອອກໄປອີກ 1 ເດືອນ - Wave100S AD to Website 2020 0 - ຍີ່ປຸ່ນຈະຂະຫຍາຍໄລຍະເວລາສະຖານະການສຸກເສີນອອກໄປອີກ 1 ເດືອນ

ຜົນ​ການ​ສຳ​ຫລວດ​ຄວາມ​ຄິດ​ເຫັນ​ຫລ້າ​ສຸດ​ຂອງ Nikkei ພົບ​ວ່າ: 45% ຂອງ​ຜູ້​ຕອບ​ແບບ​ສຳ​ຫລວດ​ສະໜັບສະໜູນ​ໃຫ້​ມີ​ການ​ຂະຫຍາຍ​ໄລຍະ​ເວລາ​ຂອງ​ສະຖານະ​ການ​ສຸກ​ເສີນ​ອອກ​ໄປ​ທົ່ວ​ປະ​ເທດ. ຂະນະ​ທີ່​ອີກ 45% ​ເຫັນ​ວ່າການ​ປະກາດ​ສະຖານະ​ການ​ສຸກ​ເສີນ​ແບບ​ນີ້​ຄວນ​ໃຊ້​ໃນ​ພື້ນທີ່​ທີ່​ຍັງ​ພົບ​ຜູ້​ຕິດ​ເຊື້ອ ​ແລະ ຜູ້​ເສຍ​ຊີວິດ​ໃໝ່​ຢ່າງ​ຕໍ່​ເນື່ອງ​ເທົ່າ​ນັ້ນ. ສະຫລຸບ​ຄື 90% ສະໜັບສະໜູນ​ການ​ປະກາດ​ໃຊ້​ສະຖານະ​ການ​ສຸກ​ເສີນ​ພາຍ​ໃຕ້​ເງື່ອນ​ໄຂ​ບາງ​ປະການ. ຂະນະ​ທີ່​ອີກ 6% ບໍ່​ເຫັນ​ພ້ອມ​ຕໍ່​ການ​ປະກາດ​ດັ່ງກ່າວ.

ປັດຈຸບັນ ທາງ​ການ​​ໂຕ​ກຽວ​ຍັງ​ພົບ​ຜູ້​ຕິດ​ເຊື້ອ​ໂຄ​ວິດ-19 ​ໃໝ່​ສູງ​ກວ່າ 500 ຄົນ​ຕໍ່​ວັນ, ມີ​ຜູ້​ຕິດ​ເຊື້ອສະ​ສົມ​ແລ້ວ​ທົ່ວ​ປະ​ເທດ 3,92 ​ແສນ​ກວ່າ​ຄົນ, ​ເສຍ​ຊີວິດ​ແລ້ວ 5.800 ຄົນ ​ໂດຍ​ລັດຖະບານ​ຍີ່ປຸ່ນສັ່ງ​ຈອງ​ວັກ​ຊີ​ນຕ້ານ​ໂຄ​ວິດ-19 ກັບ AstraZeneca-Oxford ຈຳນວນ 120 ລ້ານ​ໂດ​ສ ​ໂດຍ​ຄາດ​ວ່າ​ຊຸດ​ທຳ​ອິດ 30 ລ້ານ​ໂດ​ສ ຈະ​ໄດ້​ຮັບ​ພາຍ​ໃນ​ເດືອນ​ມີນາ​ນີ້ ກ່ອນ​ອີກ 90 ລ້ານ​ໂດ​ສທີ່​ເຫລືອ ຈະ​ຜະລິດ​ຂຶ້ນ​ເອງ​ໃນ​ຍີ່ປຸ່ນ​ຜ່ານ​ການຖ່າຍ​ທອດ​ເຕັກ​ໂນ​ໂລ​ຊີ.

ຍີ່ປຸ່ນຈະຂະຫຍາຍໄລຍະເວລາສະຖານະການສຸກເສີນອອກໄປອີກ 1 ເດືອນ - WhatsApp Image 2020 05 27 at 5 - ຍີ່ປຸ່ນຈະຂະຫຍາຍໄລຍະເວລາສະຖານະການສຸກເສີນອອກໄປອີກ 1 ເດືອນ
ຍີ່ປຸ່ນຈະຂະຫຍາຍໄລຍະເວລາສະຖານະການສຸກເສີນອອກໄປອີກ 1 ເດືອນ - WhatsApp Image 2020 05 27 at 5 - ຍີ່ປຸ່ນຈະຂະຫຍາຍໄລຍະເວລາສະຖານະການສຸກເສີນອອກໄປອີກ 1 ເດືອນ
error: Alert: ເນື້ອຫາຂ່າວມີລິຂະສິດ !!