8 ນິໄສຂອງນັກທຸລະກິດທີ່ຈະນຳພາທຸລະກິດໄປສູ່ຄວາມສຳເລັດ

8 ນິໄສຂອງນັກທຸລະກິດທີ່ຈະນຳພາທຸລະກິດໄປສູ່ຄວາມສຳເລັດ - 011501 2021 - 8 ນິໄສຂອງນັກທຸລະກິດທີ່ຈະນຳພາທຸລະກິດໄປສູ່ຄວາມສຳເລັດ
8 ນິໄສຂອງນັກທຸລະກິດທີ່ຈະນຳພາທຸລະກິດໄປສູ່ຄວາມສຳເລັດ - Untitled design - 8 ນິໄສຂອງນັກທຸລະກິດທີ່ຈະນຳພາທຸລະກິດໄປສູ່ຄວາມສຳເລັດ

ການເປັນນັກທຸລະກິດນັ້ນເປັນຫຍັງທີ່ຕ້ອງໃຊ້ຄວາມອົດທົນຢ່າງສູງ ເພາະວ່າການຈະເລີ່ມທຸລະກິດໃໝ່ໄດ້ນັ້ນເປັນສິ່ງທີ່ບໍ່ງ່າຍເລີຍ ແລະ ຕ້ອງຮັບມືກັບຄວາມທ້າທາຍຈຳນວນຫລາຍເປັນເວລາດົນ. ດັ່ງນັ້ນ, ຄວາມຕັ້ງໃຈ ແລະ ການມີວິໄສທັດທີ່ດີຈຶ່ງເປັນສິ່ງທີ່ສຳຄັນບໍ່ໜ້ອຍ, ແຕ່ພຽງສອງຢ່າງນີ້ກໍຍັງບໍ່ພຽງພໍທີ່ຈະນຳພາທຸລະກິດຂອງທ່ານປະສົບຄວາມສຳເລັດໄດ້ ເພາະຍັງຕ້ອງມີລັກສະນະນິໄສອີກຫລວງຫລາຍເຂົ້າມາຮ່ວມນຳ ໂດຍມື້ນີ້ພວກເຮົາກໍໄດ້ລວບລວມນິໄສທີ່ສຳຄັນ ທັງ 8 ຂໍ້ຂອງບັນດານັກທຸລະກິດທີ່ປະສົບຄວາມສຳເລັດມາໄວ້ບ່ອນນີ້ແລ້ວ ເຊິ່ງນັກທຸລະກິດທີ່ມີຊື່ສຽງ ແລະ ປະສົບຄວາມສຳເລັດໃນໄລຍະຍາວ ດັ່ງ Howard Schultz ຈາກ Starbucks ແລະ Steve Jobs ຈາກ Apple ນັ້ນ ລ້ວນແລ້ວແຕ່ມີນິໄສ ແລະ ວິທີການທີ່ຄ້າຍໆກັນຕາມລັກສະນະນິໄສເຫລົ່ານີ້ :

8 ນິໄສຂອງນັກທຸລະກິດທີ່ຈະນຳພາທຸລະກິດໄປສູ່ຄວາມສຳເລັດ - 021501 2021 300x200 - 8 ນິໄສຂອງນັກທຸລະກິດທີ່ຈະນຳພາທຸລະກິດໄປສູ່ຄວາມສຳເລັດ

  1. ບໍ່ຍອມແພ້ ແລະ ບໍ່ທໍ້ຖອຍ : ສິ່ງໜຶ່ງທີ່ຕ້ອງຍອມຮັບໃຫ້ໄດ້ໃນການເຮັດທຸລະກິດກໍຄື ຈຳນວນຄົນທີ່ລົ້ມເຫລວນັ້ນມີຫລວງຫລາຍຍິ່ງກ່ວາຄົນທີ່ປະສົບຄວາມສຳເລັດສະເໝີ ເພາະພວກເຂົາເຫລົ່ານັ້ນຍອມແພ້ໄວເກີນໄປ ນັກທຸລະກິດທີ່ຍິ່ງໃຫຍ່ສ່ວນຫລາຍມັກຈະເຄີຍລົ້ມເຫລວມາກ່ອນ, ແຕ່ພວກເຂົາບໍ່ເຄີຍຍອມແພ້.
  2. ຮຽນຮູ້ຈາກຄວາມຜິດພາດ : ນັກທຸລະກິດທີ່ປະສົບຄວາມສຳເລັດມັກຈະກຽມໂຕໃຫ້ພ້ອມຢູ່ສະເໝີ ພວກເຂົາຈະຮຽນຮູ້ຈາກຂໍ້ຜິດພາດແທນທີ່ຈະພະຍາຍາມໂທດຄົນອື່ນ ລວມທັງບໍ່ຢຸດທີ່ຈະພັດທະນາຕົນເອງ ແລະ ທຸລະກິດ ດັ່ງ Howard Schultz ທີ່ເຖິງວ່າບໍລິສັດ Starbucks ຈະປະສົບຄວາມສຳເລັດຢ່າງຍິ່ງໃຫຍ່ແລ້ວ, ແຕ່ເຂົາກໍບໍ່ເຄີຍຢຸດຮຽນຮູ້ ແລະ ພັດທະນາຕົນເອງເລີຍ.
  3. ມີກົນລະຍຸດທີ່ດີ : ເມື່ອລາຍຮັບຂອງບໍລິສັດກຳລັງເພີ່ມຂຶ້ນໄດ້ຢ່າງຈົບງາມ ນັກທຸລະກິດຈຳນວນຫລາຍກໍຈະຂາຍສິນຄ້ານັ້ນຕໍ່ໄປເລື້ອຍໆ ຈົນກ່ວາຈະຂາຍບໍ່ໄດ້ ຫລື ມີຄູ່ແຂ່ງ, ແຕ່ Steve Jobsຊຳ້ພັດບໍ່ຄິດແບບນັ້ນ ເຂົາຈະສັ່ງຍົກເລີກການຜະລິດຂອງສິນຄ້າທີ່ຂາຍດີທີ່ສຸດຂອງເຂົາທຸກ 2 – 3 ເດືອນ ເພື່ອທີ່ຈະຮັກສາຄວາມນິຍົມ ແລະ ພາບລັກການເຕີບໃຫຍ່ຂອງ Apple ໄວ້ ວິທີນີ້ເປັນຫຍັງທີ່ສ່ຽງ, ແຕ່ກໍສົ່ງຜົນດີກັບບໍລິສັດໃນໄລຍະຍາວ.
  4. ສຸມໃສ່ສະເພາະວິທີການທີ່ດີທີ່ສຸດ : ນັກທຸລະກິດມືໃໝ່ທົ່ວໄປມັກຈະແນມຫາແຕ່ວິທີການແກ້ບັນຫາສະເພາະໜ້າ ໂດຍບໍ່ຄຳນຶງເຖິງຜົນເສຍໃນໄລຍະຍາວ ແລະ ບໍ່ໄດ້ເບິ່ງເຖິງຜົນຕອບແທນທີ່ຈະເກີດຂຶ້ນໃນອະນາຄົດ,​ ແຕ່ນັກທຸລະກິດທີ່ປະສົບຄວາມສຳເລັດນັ້ນຈະຄຳນຶງເຖິງຜົນຕອບແທນຂອງວິທີການແກ້ບັນຫາໃນໄລຍະຍາວແທນການຈະເລືອກໃຊ້ວິທີງ່າຍໆແກ້ບັນຫາ ເຊິ່ງຈະເພີ່ມບັນຫາໃຫ້ແກ່ບໍລິສັດໃນພາຍຫລັງໄດ້.
  5. ແນມຫາຄູ່ຮ່ວມມື ຫລື ຄູ່ຄິດທີ່ດີ ຫລື ມືອາຊີບເຂົ້າມາຊ່ວຍ : ຢ່າຄິດວ່າບັນຫາທີ່ທ່ານພົບພໍ້ຢູ່ມັນຈະຖືກແກ້ໄຂດ້ວຍໂຕຂອງມັນເອງ, ລອງຊອກຫາມືອາຊີບໃນສາຍທຸລະກິດເຫລົ່ານັ້ນມາຊ່ວຍແກ້ໄຂ ຫລື ພະຍາຍາມຊອກຫາຄູ່ຮ່ວມ-ຄູ່ຄ້າ, ຄູ່ຄິດທີ່ເຂົາມີກຸ່ມລູກຄ້າດຽວກັບເຮົາ ນັກທຸລະກິດທີ່ມີນິໄສແນມການໄກ ມັກຈະຊອກຫາວິທີການໃຫ້ສິນຄ້າ ຫລື ຍີ່ຫໍ້ເປັນທີ່ຈື່ຈຳ ແລະ ເຂົາບໍ່ໄດ້ເຮັດທັງໝົດດ້ວຍໂຕຄົນດຽວ.
  6. ເສີມສ້າງຄວາມສຳພັນທາງທຸລະກິດ : ມີຄວາມຈິງຢ່າງໜຶ່ງທີ່ບອກວ່າ : “ຄວາມສຳເລັດຂອງທຸລະກິດນັ້ນຂຶ້ນຢູ່ກັບວ່າທ່ານຮູ້ຈັກໃຜ” ຈົ່ງເສີມສ້າງຄວາມສຳພັນກັບຜູ້ອື່ນ ບໍ່ວ່າຈະແມ່ນລູກຄ້າ ຫລື ບໍລິສັດຄູ່ແຂ່ງຂອງເຮົາກໍຕາມ, ຮັກສາຄວາມສຳພັນນັ້ນໄວ້ ເພາະໃນອະນາຄົດບໍ່ແນ່ອາດຈະມີໂອກາດໄດ້ຂໍຄວາມຊ່ວຍເຫລືອຈາກພວກເຂົາ.
  7. ຢູ່ໃນສັງຄົມທີ່ດີ : ນັກທຸລະກິດທີ່ດີນັ້ນຈະເລືອກເພື່ອນຮ່ວມງານທີ່ເກັ່ງ ແລະ ມີຄວາມສາມາດ ບໍ່ວ່າຈະມີບັນຫາຫຍັງ ເຂົາກໍຮູ້ວ່າບັນຫາແບບນີ້ຄວນຈະໄປປຶກສາໃຜ, ສັງຄົມທີ່ເຂົາຢູ່ກໍເປັນສັງຄົມທີ່ມີແຕ່ຄົນຄິດໃຫຍ່ ແລະ ຄິດບວກ ເພາະເຫດນີ້ມັນຈຶ່ງເຮັດໃຫ້ພວກເຂົາກ້າວໄປຂ້າງໜ້າໄດ້ໄກ ແລະ ໝັ້ນຄົງ.
  8. ເຮັດວຽກໜັກ ແລະ ດົນກ່ວາຄົນທົ່ວໄປ : ບໍ່ແມ່ນວ່າພວກເຂົາຕ້ອງໃຊ້ເວລາເຮັດວຽກດົນກ່ວາຄົນທົວໄປ,​ ແຕ່ພວກເຂົາເຮັດວຽກໄດ້ຫລາຍກ່ວາຄົນອື່ນ ໂດຍວິທີການເຮັດວຽກທີ່ມີປະສິດທິພາບສູງ, ພວກເຂົາຈະຮູ້ວ່າຄວນຈະສຸມໃສ່ຫຍັງກ່ອນ ແລະ ມີຄວາມຮູ້ກ່ຽວກັບສິ່ງທີ່ຕົນເອງເຮັດ ແລະ ຍັງເຮັດວຽກແບບສະເໝີຕົ້ນສະເໝີປາຍນຳອີກ.

8 ນິໄສຂອງນັກທຸລະກິດທີ່ຈະນຳພາທຸລະກິດໄປສູ່ຄວາມສຳເລັດ - 031501 2021 300x202 - 8 ນິໄສຂອງນັກທຸລະກິດທີ່ຈະນຳພາທຸລະກິດໄປສູ່ຄວາມສຳເລັດ

8 ນິໄສຂອງນັກທຸລະກິດທີ່ຈະນຳພາທຸລະກິດໄປສູ່ຄວາມສຳເລັດ - Wave100S AD to Website 2020 0 - 8 ນິໄສຂອງນັກທຸລະກິດທີ່ຈະນຳພາທຸລະກິດໄປສູ່ຄວາມສຳເລັດ
  • ແນວທາງຂອງນັກທຸລະກິດທີ່ດີນັ້ນຂຶ້ນຢູ່ກັບວິໄສທັດ, ຄວາມຕັ້ງໃຈເຮັດວຽກ, ວິທີການເຮັດວຽກໃຫ້ລຸລ່ວງ ແລະ ການຮຽນຮູ້ຢ່າງຕໍ່ເນື່ອງ ແລະ ເມື່ອນັກລົງທຶນເຫັນນັກທຸລະກິດທີ່ມີລັກສະນະນິໄສທີ່ກ່າວມາຂ້າງເທິງ ພວກເຂົາກໍພ້ອມທີ່ຈະໃຫ້ການສະໜັບສະໜູນຢ່າງເຕັມທີ່ແນ່ນອນ.
8 ນິໄສຂອງນັກທຸລະກິດທີ່ຈະນຳພາທຸລະກິດໄປສູ່ຄວາມສຳເລັດ - WhatsApp Image 2020 05 27 at 5 - 8 ນິໄສຂອງນັກທຸລະກິດທີ່ຈະນຳພາທຸລະກິດໄປສູ່ຄວາມສຳເລັດ
8 ນິໄສຂອງນັກທຸລະກິດທີ່ຈະນຳພາທຸລະກິດໄປສູ່ຄວາມສຳເລັດ - WhatsApp Image 2020 05 27 at 5 - 8 ນິໄສຂອງນັກທຸລະກິດທີ່ຈະນຳພາທຸລະກິດໄປສູ່ຄວາມສຳເລັດ
error: Alert: ເນື້ອຫາຂ່າວມີລິຂະສິດ !!