ເຈົ້າໜ້າທີ່ ສະຫະລັດເປັນຫວ່ງເກີດເຫດການຈະລາຈົນອີກຄັ້ງ

ລາຍງານຈາກຕ່າງປະເທດ ວັນທີ 4 ມີນານີ້ວ່າ ສຳນັກງານຕຳຫຼວດປະຈຳອາຄານລັດຖະສະພາ ສະຫະລັດ ມີການເປີດເຜີຍວ່າ ໄດ້ຮັບຂ່າວກອງທີ່ລະບຸວ່າ ອາດຈະມີກອງກຳລັງຕິດອາວຸດບຸກເຂົ້າມາໃນພື້ນທີ່ຂອງອາຄານລັດຖະສະພາໃນວັນນີ້.

ໂດຍກອງກຳລັງເຫຼົ່ານີ້ອາດປະຕິບັດການຕາມທິດສະດີສົມຄົບຄິດ ເພື່ອເຮັດໃຫ້ອະດີດປະທານາທິບໍດີ ໂດນັລທຣຳ ໄດ້ກັບມາບໍລິຫານປະເທດອີກຄັ້ງ. ໂດຍລາຍງານຂ່າວກອງດັ່ງກ່າວໄດ້ເຮັດໃຫ້ສຳນັກງານຕຳຫຼວດຕ້ອງຍົກລະດັບມາດຕະການ ການຮັກສາຄວາມປອດໄພອາຄານລັດຖະສະພາຫຼາຍຂຶ້ນຕະຫຼອດທັງອາທິດນີ້.

ແນວໃດກໍຕາມສຳນັກງານຂ່າວ ຊີເອັນເອັນ ລາຍງານວ່າ ທິດສະດີສົມຄົບຄິດ ເພື່ອຄືນອຳນາດແກ່ ທຣຳ ເປັນພຽງເລື່ອງທີ່ເລົ່າລືກັນໃນໂລກອອນລາຍ ແລະ ກໍບໍ່ມີຄວາມເຊື່ອຖືວ່າ ຈະເປັນທິດສະດີທີ່ສາມາດເຮັດໃຫ້ເກີດເປັນຈິງໄດ້