ປາແລດສະຕີນ ເລີ່ມຂະບວນການສັກວັກຊີນທົ່ວປະເທດ ແລ້ວ

ອີງຕາມການລາຍງານຂອງກະຊວງສາທາລະນະສຸກ ຂອງ ປາແລດສະຕີນ ເມື່ອວັນທີ 22 ມີນານີ້ວ່າ ປາແລດສະຕີນໄດ້ເລີ່ມຂະບວນການ ສັກວັກຊີນຕ້ານໂຄວິດ-19 ໃຫ້ກັບປະຊາຊົນຂອງຕົນແລ້ວ ໃນວັນນີ້.

ສຳນັກຂ່າວ ສະປຸດນິກ V ໃຫ້ຮູ້ວ່າ ພະນັກງານການແພດ ແລະ ຜູ້ມີອາຍຸແຕ່ 75 ປີຂຶ້ນເມືອ ກໍຄືຜູ້ທີ່ເປັນພະຍາດ ມະເຮັງ, ພະຍາດໄຂ່ຫຼັງ ເປັນກຸ່ມເປົ້າໝາຍທີ່ໄດ້ຮັບສັກວັກຊີນກ່ອນໝູ່ ໃນວັນທີ 21 ມີນານີ້.

ປະທານາທິບໍດີ ປາແລດສະຕີນ Mahmoud Abbas ອາຍຸ 85 ປີ ເປັນຄົນທຳອິດ ໄດ້ຮັບການສັກກ່ອນໝູ່ ໃນມື້ເປີດສາກ ສັກວັກຊີນທົ່ວປະເທດ.

ຂະບວນການສັກວັກຊີນໄດ້ເລີ່ມຂຶ້ນພາຍຫຼັງໄດ້ຮັບວັກຊີນ ໄຟເຊີ/ໄບອອນເທັກ ແລະ ແອສຕຣາເຊເນກາ ໂດຍຜ່ານໂຄງການ ໂຄແວັກ  ໂດຍອົງການອະນາໄມໂລກ ແລະ ກອງທຶນເຍົາວະຊົນຂອງສະຫະປະຊາຊາດສະໜັບສະໜູນ.