ປັບປ່ຽນທັດສະນະຄະຕິ ເອົາຊະນະຄວາມທໍ້

ປັບປ່ຽນທັດສະນະຄະຕິ ເອົາຊະນະຄວາມທໍ້ - 080302 2021 - ປັບປ່ຽນທັດສະນະຄະຕິ ເອົາຊະນະຄວາມທໍ້
ປັບປ່ຽນທັດສະນະຄະຕິ ເອົາຊະນະຄວາມທໍ້ - Untitled design - ປັບປ່ຽນທັດສະນະຄະຕິ ເອົາຊະນະຄວາມທໍ້

ຄົນເຮົາຈະແພ້ໄດ້ຈັກເທື່ອ ແລ້ວຈະມີຈັກເທື່ອທີ່ເຮົາຮູ້ສຶກໝົດຫວັງທໍ້ຖອຍ ໝົດກຳລັງໃຈ ໜຶ່ງໃນວິທີທີ່ຈະເຮັດໃຫ້ທ່ານລຸກຂຶ້ນມາໄດ້ໄວແມ່ນການປັບປ່ຽນທັດສະນະຄະຕິ, ພຽງແຕ່ຄິດບວກ ຢ່າງໜ້ອຍເຮົາອາດບໍ່ຊະນະ ຫລື ລຸກຂຶ້ນມາເຊົາຈາກອາການໝົດຫວັງ ແຕ່ຢ່າງໜ້ອຍເຮົາກໍຊະນະຄວາມທໍ້ຖອຍໄດ້ແລ້ວເຄິ່ງກ້າວ.

  • ເລີ່ມຈາກຄິດບວກເບິ່ງໂລກໃນແງ່ດີ : ບໍ່ໄດ້ເປັນຄົນໂລກງາມ ແຕ່ຢ່າງໜ້ອຍຖ້າສິ່ງທີ່ເຮັດໃຫ້ທຸກໃຈເຮົາປີ້ນມັນກັບມາເປັນແງ່ຄິດໃນດ້ານທີ່ດີ ກໍມີກຳລັງທີ່ຈະລຸກຕໍ່ໄປເຮັດໃຫ້ສຳເລັດ ບໍ່ທໍ້ຖອຍ ໝົດຫວັງຕັ້ງແຕ່ກາງທາງ ແທນການຄິດລົບຕັ້ງແຕ່ທຳອິດວ່າເຮົາເຮັດບໍ່ໄດ້ດອກ ເປັນຫຍັງບໍ່ເຮັດໃຫ້ເຊື່ອວ່າເຮົາສາມາດບັນລຸເປົ້າໝາຍໄດ້ ຖ້າລົງມືເຮັດເທື່ອລະເລັກລະໜ້ອຍ ແລະ ຕັ້ງໃຈເຮັດຕໍ່ໄປເລື້ອຍໆຈົນກ່ວາຈະສຳເລັດ.
  • ປົດລັອກຄວາມຢ້ານ : ລອງຖາມຕົນເອງວ່າເປັນຫຍັງຈຶ່ງເຮັດບໍ່ໄດ້ ຖ້າມັນເລີ່ມຈາກຄວາມຢ້ານ ຫລື ເປັນກະຕ່າຍຕື່ນຕູມ ຢ້ານວ່າຈະເຮັດມັນບໍ່ສຳເລັດ ຫລື ເຄີຍເກີດເຫດການເຮັດແລ້ວທໍ້ໃນເທື່ອກ່ອນ ຫາກມີເທື່ອທີສອງຈະຍິ່ງຊຳ້ຕື່ມຄວາມລົ້ມເຫລວຂອງຕົນເອງອີກ ຖ້າຂໍ້ນີ້ແມ່ນເຫດຜົນທີ່ເຮັດໃຫ້ເກີດຄວາມທໍ້ຖອຍ ກໍຈົ່ງປົດລັອກມັນເລີຍຕອນນີ້ ມັນອາດຈະບໍ່ໄດ້ປົດອອກງ່າຍໆ, ແຕ່ເຊື່ອເລີຍວ່າຖ້າທ່ານກ້າວຂ້າມຜ່ານເສັ້ນນີ້ໄປໄດ້ ກໍສຳເລັດໄປແລ້ວໜຶ່ງຂັ້ນ.

ປັບປ່ຽນທັດສະນະຄະຕິ ເອົາຊະນະຄວາມທໍ້ - 030302 2021 254x300 - ປັບປ່ຽນທັດສະນະຄະຕິ ເອົາຊະນະຄວາມທໍ້

ປັບປ່ຽນທັດສະນະຄະຕິ ເອົາຊະນະຄວາມທໍ້ - Wave100S AD to Website 2020 0 - ປັບປ່ຽນທັດສະນະຄະຕິ ເອົາຊະນະຄວາມທໍ້
  • ເຂົ້າໃຈຕົນເອງ ເຊົາປຽບທຽບຕົນເອງກັບຄົນອື່ນ : ເບິ່ງຕົນເອງໃຫ້ແຈ້ງ, ເຂົ້າໃຈຕົນເອງໃຫ້ດີສາກ່ອນ ກ່ອນເອົາໂຕເອງໄປປຽບທຽບກັບຄົນອື່ນ ເພາະຄວາມທໍ້ຖອຍກໍເລີ່ມຈາກເບິ່ງຄົນອື່ນ, ເຫັນເຂົາດີກ່ວາ, ເກັ່ງກ່ວາ ແຕ່ເຮົາບໍ່ຮູ້ດອກວ່າພວກເຂົາເຫລົ່ານັ້ນຕ້ອງຜ່ານຄວາມຍາກລຳບາກ ແລະ ຄວາມທໍ້ຖອຍໃຈມາຫລາຍປານໃດຈຶ່ງຈະປະສົບຄວາມສຳເລັດດັ່ງທີ່ເຮົາເຫັນຢູ່ນີ້ ສິ່ງທີ່ເຮົາເຮັດໄດ້ໃນຕອນນີ້ກໍແມ່ນພະຍາຍາມເຮັດໃຫ້ດີທີ່ສຸດ, ຕັ້ງໃຈເຮັດສິ່ງທີ່ເຮົາເຮັດໄດ້ເພື່ອບັນລຸເປົ້າໝາຍ ຢ່າປຽບທຽບສິ່ງທີ່ເຫັນຢູ່ພາຍນອກກັບຜູ້ອື່ນ ບໍ່ດັ່ງນັ້ນເຮົາຈະທໍ້ຖອຍ ແລະ ລືມເຮັດຕາມເປົ້າໝາຍຂອງຕົນໃຫ້ສຳເລັດ.
  • ປ່ອຍວາງຄວາມຄຽດຊັງ : ເປັນຫຍັງຄຽດແລ້ວຈຶ່ງທໍ້ຖອຍ ເພາະເຮົາອາດຈະຄຽດຍ້ອນບໍ່ໄດ້ຮັບຄວາມເປັນທຳຈາກເລື່ອງລາວໃນອະດີດ ຈົນເຮັດໃຫ້ຮູ້ສຶກທໍ້ຖອຍ. ໃຫ້ລະນຶກໄວ້ສະເໝີວ່າເຖິງວ່າທຸກຄົນຈະມີອາລົມຄຽດຊັງກັນໄດ້ເປັນທຳມະດາ ແຕ່ການຄຽດຊັງແລ້ວກໍບໍ່ກໍ່ໃຫ້ເກີດປະໂຫຍດໃດໆ, ປ່ອຍວາງຄວາມຄຽດຊັງຄຽດແຄ້ນໃນອະດີດ ແລະ ສົນໃຈເປົ້າໝາຍໃນປັດຈຸບັນຂອງເຮົາກໍພໍ. ວິທີທີ່ຈະຄວບຄຸມຄວາມຄຽດຊັງໄດ້ດີທີ່ສຸດ ໄດ້ແກ່ : ສືບຫາຍໃຈເຂົ້າເລິກໆ ແລະ ຫາກິດຈະກຳອື່ນໆເຮັດ ເຊັ່ນ : ເບິ່ງຮູບເງົາ, ອ່ານໜັງສື ຫລື ຈົດບັນທຶກຄວາມຄຽດຊັງໄວ້ເຕືອນສະຕິເຮົາໃນວັນຂ້າງໜ້າ ເປັນຕົ້ນ.
ປັບປ່ຽນທັດສະນະຄະຕິ ເອົາຊະນະຄວາມທໍ້ - WhatsApp Image 2020 05 27 at 5 - ປັບປ່ຽນທັດສະນະຄະຕິ ເອົາຊະນະຄວາມທໍ້
ປັບປ່ຽນທັດສະນະຄະຕິ ເອົາຊະນະຄວາມທໍ້ - WhatsApp Image 2020 05 27 at 5 - ປັບປ່ຽນທັດສະນະຄະຕິ ເອົາຊະນະຄວາມທໍ້
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!