ຍ້າຍເຮືອກີດຂວາງຄອງສຸເອຊໄດ້ແລ້ວ

ສື່​ຫລາຍ​ສຳນັກ​ຢືນຢັນ ​ເຮືອ​ກີດຂວາງ​ຄອງ​ສຸ​ເອຊ​ເຄື່ອນ​ຍ້າຍ ​ເປີດ​ທາງ​ຄອງ​ສຸ​ເອຊສັນຈອນ​ໄດ້​ແລ້ວ ຫລັງ​ປິດກີດຂວາງ​ຄອງ​ເກືອບ 1 ອາທິດ ຈົນ​ສ້າງ​ຄວາມ​ເສຍ​ຫາຍ​ມະຫາສານ.

ວັນ​ທີ 29 ມີນາ 2021, ​ເວັບ​ໄຊ BBC ​ແລະ ສຳນັກ​ຂ່າວ AFP ຢືນຢັນ​ຂ່າວ​ຕົງ​ກັນ​ວ່າ: ​ເຮືອ Ever Given ທີ່​​ເກີດ​ອຸປະຕິ​ເຫດ​ກີດຂວາງ​ຄອງ​ສຸ​ເອຊ ຈົນ​ເຮືອ​ຂົນ​ສົ່ງ​ສິນຄ້າ​ທົ່ວ​ໂລກ​ບໍ່​ສາມາດ​ສັນຈອນ​ຜ່ານ​ຄອງ​ສຸ​ເອຊ ຖືກ​ຍ້າຍ​ອອກ​ຈາກ​ຈຸດ​ທີ່​ຂວາງ​ຄອງ​ແລ້ວ.

ລາຍ​ງານ​ຂອງ BBC ອ້າງ​ຮູບ​ທີ່​ປາກົດ​ໃນ​ສື່​ອອນ​ລາຍ​ວ່າ: ທ້າຍ​ເຮືອ Ever Given ​ເລື່ອນ​ໄປ​ຈອດ​ທຽບ​ຝັ່ງ​ຄອງ​ສຸ​ເອຊ​ແລ້ວ ຖື​ເປັນ​ການ​ເປີດ​ທາງ​ໃຫ້​ຄອງ​ກັບ​ມາ​ສັນຈອນ​ໄດ້​ອີກ.

ສຳລັບ​ເຫດ​ເຮືອ​ຂວາງ​ຄອງ​ສຸ​ເອຊ​ເກີດ​ຂຶ້ນມາ​ແຕ່​ວັນ​ທີ 23 ມີນາ ​ແລະ ສ້າງ​ຄວາມ​ເສຍ​ຫາຍ​ຈຳນວນ​ຫລາຍ​ຕໍ່​ການ​ຂົນ​ສົ່ງ​ທົ່ວ​ໂລກ.

ທີ່​ມາ: https://www.bbc.com/news/world-middle-east-56559904

https://www.businesstimes.com.sg/…/ever-given-container…