ເກົາຫຼີເໜືອ ກ່າວປະນາມ ສະຫະປະຊາຊາດ

ລາຍງານຕ່າງປະເທດ ວັນທີ 29 ມີນາ ໃຫ້ຮູ້ວ່າ ເກົາຫຼີເໜືອ ກ່າວປະນາມ ສະພາຄວາມໝັ້ນຄົງຂອງສະຫະປະຊາຊາດ(HĐBA)ວ່າ “ມີສອງມາດຕະຖານ” ພາຍຫຼັງຄະນະກຳມະການລົງໂທດຂອງອົງການດັ່ງກ່າວ ກ່າວປະນາມການຍິງລູກສອນໄຟຂອງ ພຽງຢາງ.

ໃນອາທິດທີ່ຜ່ານມາ, ເກົາຫຼີເໜືອ ໄດ້ຍິງທົດລອງ ລູກສອນໄຟ ຂີປານະວຸດ ຍຸດທະສາດໄລຍະສັ້ນ ຊະນິດໃໝ່, ຈົນເຮັດໃຫ້ສະຫະລັດຕ້ອງຮຽກປະຊຸມ ສະພາຄວາມໝັ້ນຄົງ ຂອງສະຫະປະຊາຊາດທັນດ່ວນ.

ໃນກອງປະຊຸມວັນທີ 26 ມີນາ, ສະຫະລັດຮຽກຮ້ອງໃຫ້ ເພີ່ມມາດຕະການປິດລ້ອມ ກໍຄືການເຂັ້ມງວດມາດຕະການລົງໂທດຕໍ່ກັບພຽງຢາງ ດ້ວຍເຫດຜົນທີ່ວ່າ ການຍິງທົດລອງລູກສອນໄຟ ຫຼ້າສຸດ ຂອງເກົາຫຼີເໜືອ ເປັນການລ່ວງລະເມີດມະຕິຂອງສະຫະປະຊາຊາດ.

ທ່ານ Jo Chol Su ຜູ້ອຳນວຍການໃຫ່ຍຂອງບັນດາການຈັດຕັ້ງສາກົນ ຂອງກະຊວງການຕ່າງປະເທດເກົາຫຼີເໜືອ ກ່າວວ່າ: ເຫດການດັ່ງກ່າວ ແມ່ນເພື່ອແນໃສ່ “ສິດປ້ອງກັນຕົວ” ຂອງເກົາຫຼີເໜືອ ພ້ອມດຽວກໍກ່າວປະນາມ ສະພາຄວາມໝັ້ນຄົງຂອງສະຫະປະຊາຊາດວ່າ ກຳລັງປະຕິບັດສອງມາດຕະຖານ ຕ້ານກັບ ພຽງຢາງ, ບົນພືນຖານມະຕິທີ່ວ່າ “ມັນແມ່ນຜະລິດຕະພັນໂດຍກົງຈາກລັດຖະບານຂອງສະຫະລັດອາເມລິກາ”.

ເຈົ້າໜ້າທີ່ຄົນດັ່ງກ່າວກໍໄດ້ສົ່ງສັນຍານເຕືອນວ່າ ເກົາຫຼີເໜືອຈະມີມາດຕະການຕອບໂຕ້ຄືນຢ່າງເໝາະສົມ. ຄຳປະກາດດັ່ງກ່າວມີຂຶ້ນໃນວັນທີ 27 ມີນານີ້ ພາຍຫຼັງລັດຖະບານ ຂອງປະທານາທິບໍດີ ໂຈໄບເດັນ ໄດ້ເດີນຜິດທາງໃນບາດກ້າວທຳອິດ ທີ່ “ມີທ່າທີທີ່ເປັນປໍລະປັກທີ່ເລິກເຊິ່ງ” ຕຳນິວິຈານການຍິງທົດລອງລູກສອນໄຟຂອງເກົາຫຼີເໜືອ.