ນາຍົກລັດຖະມົນຕີ ຍີ່ປຸ່ນ ພ້ອມທີ່ຈະພົບປະກັບຜູ້ນຳ ເກົາຫຼີເໜືອ

ລາຍງານຂ່າວຕ່າງປະເທດ ວັນທີ 30 ມີນານີ້ ໃຫ້ຮູ້ວ່າ ຫົວໜ້າຫ້ອງການພາຍໃນຂອງຍີ່ປຸ່ນທ່ານ  Kato Katsunobu ໃຫ້ຮູ້ວ່າ ນາຍົກລັດຖະມົນຕີ ຊູງະ ໂຢຊິຮິເດະ ພ້ອມທີ່ຈະພົບປະກັບຜູ້ນຳຂອງເກົາຫຼີເໜືອ ທ່ານ ຄີມຈອງອູນ.

ສຳນັກຂ່າວສານ ກຽວໂດ ຂອງຍີ່ປຸ່ນໃຫ້ຮູ້ວ່າ ກອງປະຊຸມຖະແຫຼງຂ່າວ ເມື່ອວັນທີ 30 ມີນານີ້, ທ່ານ Kato ກ່າວວ່າ  ນາຍົກລັດຖະມົນຕີ  ຊູງະ ໂຢຊິຮິເດະ ຈະຮັກສາຄຳໝັ້ນສັນຍາທີ່ກ່າວໄວ້ໃນເດືອນກັນຍາ 2020 ທີ່ຜ່ານມາ ໃນຂະນະທີ່ຮັບຕຳແໜ່ງໃໝ່ວ່າ: ເຂົາຈະປະຕິບັດຕາມທັດສະນະຂອງອະດີດນາຍົກລັດຖະມົນຕີຄົນເກົ່າຊີນໂຊ ອາເບະ ກ່ຽວກັບການພົບປະກັບຜູ້ນຳຂອງເກົາຫຼີເໜືອ ທ່ານ ຄີມຈອງອູນ ໂດຍບໍ່ມີເງື່ອນໄຂໃດໆ.

ສຳນັກຂ່າວສານ  ກຽວໂດ ໃຫ້ຮູ້ວ່າ ຄຳຖະແຫຼງຂອງຫົວໜ້າພາຍໃນຂອງ ຍີ່ປຸ່ນ ນັ້ນ ເໝືອນກັບຊໍ່ສະແດງໃຫ້ເຫັນເຖິງຄວາມພະຍາຍາມຂອງລັດຖະບານ ໂຕກຽວ ໃນການປ່ອຍຕົວພົນລະເມືອງຊາວ ຍີ່ປຸ່ນ ທີ່ຖືກເກົາຫຼີເໜືອຈັບໄດ້ໃນລະຫວ່າງປີ 1970-1980.

ແຕ່ທັດສະນະດັ່ງກ່າວ ເບີ່ງຄືວ່າມັນສວານທາງກັບທັດສະນະສະຫະລັດກ່ຽວກັບບັນຫາຂອງເກົາຫຼີເໜືອ.  ບັນນາທິການສຳນັກຂ່າວສານຂອງທຳນຽບຂາວທ່ານ Jen Psaki , ວັນທີ 29 ມີນານີ້ ແຈ້ງວ່າ: ວິທີການຂອງປະທານາທິບໍດີ ໂຈໄບເດັນ ຈະແຕກຕ່າງກັບ ທຣຳ, ການທີ່ຈະພົບປະກັບຜູ້ນຳເກົາຫຼີເໜືອ ທ່ານ ຄີມຈອງອູນ ບໍ່ແມ່ນຄວາມມຸ່ງຫວັງຂອງເຂົາ.

ເຖິງຢ່າງໃດກໍຕາມ ທ່ານ ໂຈໄບເດັນກໍຍັງວາງທ່າທີ ທີ່ເປີດເຜີຍໃນການພົວພັນທາງການທູດກັບ ເກົາຫຼີເໜືອຢູ່ ເຖິງແມ່ນເກົາຫຼີເໜືອຈະຍິງທົດລອງລູກສອນໄຟ ຂີປານະວຸດກໍຕາມ. ພ້ອມດຽວກັນ ຜູ້ນຳຂອງສະຫະລັດກໍກ່າວເຕືອນວ່າ: ຈະມີວິທີການຕອບໂຕ້ທີ່ສົມເນື້ອສົມຕ່ອນ, ຖ້າເກົາຫຼີເໜືອຫາກປີນຂັ້ນໄດໄປກວ່ານີ້.