ຈະຈັດງານສັບປະດາຄວາມປອດໄພທາງຖະໜົນສາກົນ ຄັ້ງທີ VI

ຈະຈັດງານສັບປະດາຄວາມປອດໄພທາງຖະໜົນສາກົນ ຄັ້ງທີ VI - XAY 0030 - ຈະຈັດງານສັບປະດາຄວາມປອດໄພທາງຖະໜົນສາກົນ ຄັ້ງທີ VI
ຈະຈັດງານສັບປະດາຄວາມປອດໄພທາງຖະໜົນສາກົນ ຄັ້ງທີ VI - Untitled design - ຈະຈັດງານສັບປະດາຄວາມປອດໄພທາງຖະໜົນສາກົນ ຄັ້ງທີ VI

ໃນວັນທີ 31 ມີນາ 2021 ຢູ່ກົມຂົນສົ່ງ ກະຊວງໂຍທາທິການ ແລະ ຂົນສົ່ງ ໄດ້ຈັດງານຖະແຫລງຂ່າວ ການຈັດງານສັບປະດາຄວາມປອດໄພທາງຖະໜົນ ສາກົນ ຄັ້ງທີ VI ຊຶ່ງຈະຈັດຂຶ້ນໃນວັນທີ 3 ເມສາ 2021 ໂດຍການຖະແຫລງຂອງ ທ່ານ ບຸນຕາ ອ່ອນນາວົງ ຫົວໜ້າກົມຂົ່ນສົ່ງ, ທັງເປັນຫົວໜ້າກອງເລຂາ ຄະນະກຳມະການແຫ່ງຊາດ ດ້ານຄວາມປອດໄພທາງຫລວງ (ຄຊປທ), ທ່ານ ພັນເອກ ກົງສີ ສຸວັນນະຕຸ້ມ ຫົວໜ້າກົມຕຳຫລວດຈະລາຈອນ ກະຊວງປ້ອງກັນຄວາມສະຫງົບ ແລະ ທ່ານ ບຸນຫາບ ສຸລິໂຍ ຮອງຫົວໜ້າກົມສື່ມ່ວນຊົນ ກະຊວງຖະແຫລງຂ່າວ, ວັດຖະນະທຳ ແລະ ທ່ອງທ່ຽວ, ມີບັນດາສື່ມວນຊົນ ເຂົ້າຮ່ວມ.

ທ່ານ ບຸນຕາ ອ່ອນນາວົງ ໄດ້ກ່າວວ່າ: ສຳລັບການຈັດງານສັບປະດາແຫ່ງຊາດ ດ້ານຄວາມປອດໄພທາງຫລວງ ຫລື Road Safety Week ຄັ້ງທີ VI, ໃນຄັ້ງນີ້ ສປປ ລາວ ໄດ້ໃຊ້ຫົວຂໍ້ “ຂັບຂີ່ປອດໄພ ຕ້ອງໃສ່ສາຍຮັດນິລະໄພ”, ພາຍໃນງານຈະມີກິດຈະກຳທີ່ຫລາກຫລາຍ ເປັນຕົ້ນ ການສາ ທິດການໃຊ້ສາຍຫັດນິລະໄພ, ການຖາມ-ຕອບ ແລະ ກິດຈະກຳອື່ນໆ ຊຶ່ງຈະຈັດຂຶ້ນທີ່ເດີ່ນທາດຫລວງວຽງຈັນ ຄາດວ່າຈະມີຜູ້ຄົນເຂົ້າຮ່ວມ 1.000 ຄົນ, ສ່ວນຢູ່ 17 ແຂວງ ທົ່ວປະເທດ ແມ່ນຈະຈັດງານໃນມື້ທີ່ແຕກຕ່າງກັນຕາມຄວາມເໝາະສົມ. ເນື່ອງຈາກວ່າ ບັນຫາການເກີດອຸບັດຕິເຫດທາງຫລວງ ໃນທົ່ວໂລກ ໄດ້ມີອັດຕາກາຍເພີ່ມຂຶ້ນຢ່າງໄວ ໂດຍສະເພາະໃນບັນດາປະເທດກຳລັງພັດທະນາ ສ້າງຄວາມສູນເສຍຕໍ່ຊີວິດ ແລະ ຊັບສິນ ລວມທັງຄວາມເສຍຫາຍດ້ານເສດຖະກິດ ແລະ ການພັດທະນາຂອງຫລາຍໆປະເທດ. ອີງຕາມການລາຍງານຂອງອົງການອະນາໄມໂລກ ແຈ້ງໃຫ້ຮູ້ວ່າ: ໃນແຕ່ລະປີທົ່ວໂລກ ມີຜູ້ເສຍຊີວິດຈາກການເກີດອຸບັດຕິເຫດທາງຖະໜົນ ສະເລ່ຍ 1,3 ລ້ານຄົນ ແລະ ບາດເຈັບຫລາຍກວ່າ 23 ລ້ານຄົນ, ລວມມູນຄ່າຄວາມເສຍຫາຍກວມເອົາ 3% ຂອງ GDP ໃນທົ່ວໂລກ ຫລື ປະມານ 2,5 ພັນຕື້ໂດລາ.

ທ່ານ ບຸນຕາ ອ່ອນນາວົງ ກ່າວຕື່ມວ່າ: ຂ້າພະເຈົ້າ ຂໍຖືໂອກາດນີ້, ເຊີນຊວນໝົດທຸກຄົນ, ທຸກພາກສ່ວນ ຈົ່ງພ້ອມກັນເຂົ້າຮ່ວມເພື່ອເຊີດຊູສະຕິ ແລະ ປູຈິດສຳນຶກຕໍ່ວຽກງານຄວາມປອດໄພທາງຫລວງ ເພື່ອເປັນການປະກອບສ່ວນເຮັດໃຫ້ຈຳນວນອຸບັດຕິເຫດ ໃນ ສປປ ລາວ ຄ່ອຍຫລຸດໜ້ອຍລົງເທື່ອລະກ້າວ. ນອກຈາກນີ້, ບໍລິສັດ ລາວມາກເກີ້ ຈຳກັດ ໄດ້ມອບເງິນອຸປະຖຳເພື່ອຈັດງານດັ່ງກ່າວເປັນເງິນ ຈຳນວນເງິນ 17.800.000 ກີບ.

ຈະຈັດງານສັບປະດາຄວາມປອດໄພທາງຖະໜົນສາກົນ ຄັ້ງທີ VI - Wave100S AD to Website 2020 0 - ຈະຈັດງານສັບປະດາຄວາມປອດໄພທາງຖະໜົນສາກົນ ຄັ້ງທີ VI
ຈະຈັດງານສັບປະດາຄວາມປອດໄພທາງຖະໜົນສາກົນ ຄັ້ງທີ VI - WhatsApp Image 2020 05 27 at 5 - ຈະຈັດງານສັບປະດາຄວາມປອດໄພທາງຖະໜົນສາກົນ ຄັ້ງທີ VI
ຈະຈັດງານສັບປະດາຄວາມປອດໄພທາງຖະໜົນສາກົນ ຄັ້ງທີ VI - WhatsApp Image 2020 05 27 at 5 - ຈະຈັດງານສັບປະດາຄວາມປອດໄພທາງຖະໜົນສາກົນ ຄັ້ງທີ VI
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!