5 ເລື່ອງພື້ນຖານເພື່ອການມີສຸຂະພາບທີ່ດີ ບໍ່ວ່າໃຜກໍເຮັດໄດ້ງ່າຍໆ

- 082501 2021 - 5 ເລື່ອງພື້ນຖານເພື່ອການມີສຸຂະພາບທີ່ດີ ບໍ່ວ່າໃຜກໍເຮັດໄດ້ງ່າຍໆ
- Untitled design - 5 ເລື່ອງພື້ນຖານເພື່ອການມີສຸຂະພາບທີ່ດີ ບໍ່ວ່າໃຜກໍເຮັດໄດ້ງ່າຍໆ
  1. ເລືອກກິນອາຫານໃຫ້ຄົບ 5 ໝວດ : ຫລັກໂພຊະນາການເພື່ອສຸຂະພາບງ່າຍໆ ແຕ່ດີຕໍ່ສຸຂະພາບທີ່ສຸດ ແມ່ນການເລືອກກິນອາຫານໃຫ້ຫລາກຫລາຍເພື່ອໃຫ້ຮ່າງກາຍໄດ້ສານອາຫານຄົບຖ້ວນ, ແປ້ງ ຫລື ຄາໂບໄຮເດຣດ ຊ່ວຍໃຫ້ພະລັງງານ, ໂປຣຕິນ ຊ່ວຍເລື່ອງການຈະເລີນເຕີບໃຫຍ່ ແລະ ຟື້ນຟູພາກສ່ວນທີ່ເສື່ອມສະພາບ, ໄຂມັນ ໃຫ້ພະລັງງານ ແລະ ຊ່ວຍເລື່ອງການເຮັດວຽກຂອງລະບົບຕ່າງໆໃນຮ່າງກາຍ, ຜັກ – ໝາກໄມ້ ມີວິຕາມິນ ແລະ ແຮ່ທາດທີ່ເປັນປະໂຫຍດ ແລະ ຈຳເປັນຕໍ່ຮ່າງກາຍ ກິນໃຫ້ຄົບພຽງພໍ ໂດຍເນັ້ນຜັກ – ໝາກໄມ້ ເຊິ່ງຊ່ວຍຕ້ານທານພະຍາດຕ່າງໆ ດີຕໍ່ສຸຂະພາບແນ່ນອນ.
  2. ຫລຸດຜ່ອນ ຫລື ງົດເວັ້ນການກິນອາຫານທີ່ມີລົດຊາດເຂັ້ມຂຸ້ນ : ອາຫານທີ່ມີລົດຊາດເຜັດຫລາຍ, ຫວານຫລາຍ ຫລື ເຄັມຫລາຍ ມີຜົນຮ້າຍຕໍ່ສຸຂະພາບ ເພາະເປັນຕົ້ນເຫດຂອງພະຍາດຊຳ້ເຮື້ອ ເຊັ່ນ : ພະຍາດເບົາຫວານ, ຄວາມດັນ, ພະຍາດຫົວໃຈ, ພະຍາດໝາກໄຂ່ຫລັງ ແລະ ຄວາມດັນເລືອດສູງ.
  3. ເລືອກກິນອາຫານທີ່ບໍ່ມີສານເຄມີປົນເປື້ອນ : ປັດຈຸບັນຜູ້ຄົນເລີ່ມຕື່ນໂຕເລື່ອງການບໍລິໂພກອາຫານທີ່ປອດສານເຄມີປົນເປື້ອນກັນຫລາຍຂຶ້ນ ເຫັນໄດ້ຈາກການທີ່ມີອາຫານຈຳພວກອໍການິກ ຫລື ອາຫານປອດສານພິດໃຫ້ເລືອກກິນຫລາຍຂຶ້ນ ເຊິ່ງແນ່ນອນວ່າອາຫານທີ່ບໍ່ມີສານເຄມີປົນເປື້ອນຍ່ອມດີສຸຂະພາບຫລາຍກ່ວາອາຫານທີ່ໃສ່ສານຕ່າງໆ ບໍ່ວ່າຈະເປັນສານກັນບູດ, ສີສັງເຄາະ, ສານກັນເຊື້ອລາ ລວມທັງຈຳພວກຢາຂ້າແມງໄມ້ຕ່າງໆ ເຊິ່ງລ້ວນແຕ່ເປັນຕົ້ນເຫດໃຫ້ເກີດພະຍາດຕ່າງໆໄດ້ຄືກັນ.
  4. ແບ່ງເວລາອອກກຳລັງກາຍໃຫ້ໄດ້ເປັນປະຈຳສະໝໍ່າສະເໝີ : ການອອກກຳລັງກາຍທີ່ພຽງພໍ ເໝາະສົມ ຊ່ວຍໃຫ້ສຸຂະພາບຮ່າງກາຍແຂງແຮງຂຶ້ນ. ການອອກກຳລັງກາຍດີຕໍ່ທັງເລື່ອງການເພີ່ມຄວາມແຂງແຮງຂອງກ້າມຊີ້ນ ແລະ ດີຕໍ່ເລື່ອງລະບົບການຫາຍໃຈ, ການເຮັດວຽກຂອງຫົວໃຈ ແລະ ປອດ ລວມທັງຍັງເຮັດໃຫ້ຮ່າງກາຍຮູ້ສຶກສົດຊື່ນຫ້າວຫັນ ແລະ ພັກຜ່ອນໄດ້ຢ່າງເຕັມທີ່.
  5. ເຮັດຈິດໃຈໃຫ້ມີຄວາມສຸກ : ການເຮັດຈິດໃຈໃຫ້ມີຄວາມສຸກ ສົ່ງຜົນດີຕໍ່ສຸຂະພາບຂອງເຮົາ, ຈິດໃຈທີ່ເປັນທຸກຈະເຮັດໃຫ້ມີຄວາມກັງວົນ ຍ່ອມເຮັດໃຫ້ການເຮັດກິດຈະກຳຕ່າງໆໃນຊີວິດປະຈຳວັນກໍຍາກທີ່ຈະເປັນໄປຕາມເປົ້າໝາຍທີ່ຕັ້ງໄວ້ ລວມເຖິງເລື່ອງຂອງການເບິ່ງແຍງສຸຂະພາບ. ນອກຈາກນີ້, ຄວາມກັງວົນ ຫລື ຄວາມເຄັ່ງຄຽດກໍຈະເຮັດໃຫ້ຮ່າງກາຍພັກຜ່ອນໄດ້ບໍ່ເຕັມທີ່. ສະນັ້ນ, ຄວນຝຶກຈິດໃຈບໍ່ໃຫ້ຕົກຢູ່ໃນຄວາມທຸກ, ຮູ້ຈັກທີ່ຈະປ່ອຍວາງ, ທຳໃຈ ແລະ ພະຍາຍາມເບິ່ງໂລກໃນດ້ານດີຫລາຍກ່ວາທີ່ຈະຄິດຄຽດຊັງ, ເຄັ່ງຄຽດ ຫລື ເກັບເອົາເລື່ອງຕ່າງໆມາຄິດຫລາຍ ເພາະມັນບໍ່ມີປະໂຫຍດຕໍ່ຊີວິດຂອງທ່ານເລີຍ.
- WhatsApp Image 2020 05 27 at 5 - 5 ເລື່ອງພື້ນຖານເພື່ອການມີສຸຂະພາບທີ່ດີ ບໍ່ວ່າໃຜກໍເຮັດໄດ້ງ່າຍໆ
- WhatsApp Image 2020 05 27 at 5 - 5 ເລື່ອງພື້ນຖານເພື່ອການມີສຸຂະພາບທີ່ດີ ບໍ່ວ່າໃຜກໍເຮັດໄດ້ງ່າຍໆ
- Wave100S AD to Website 2020 0 - 5 ເລື່ອງພື້ນຖານເພື່ອການມີສຸຂະພາບທີ່ດີ ບໍ່ວ່າໃຜກໍເຮັດໄດ້ງ່າຍໆ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!