ເດນມາກເດີນໜ້າໃຊ້ “ໂຄໂຣນາພາສ” ປະເທດທຳອິດໃນເອີຣົບ ຫວັງຟື້ນຟູເສດຖະກິດຫລັງໂຄວິດ-19 ຢູ່ໃຕ້ການຄວບຄຸມ

ເດນມາກເດີນໜ້າໃຊ້ “ໂຄໂຣນາພາສ” ປະເທດທຳອິດໃນເອີຣົບ ຫວັງຟື້ນຟູເສດຖະກິດຫລັງໂຄວິດ-19 ຢູ່ໃຕ້ການຄວບຄຸມ - 118127737 b1fca443 4253 41b4 936d b4271eb6f568 - ເດນມາກເດີນໜ້າໃຊ້ “ໂຄໂຣນາພາສ” ປະເທດທຳອິດໃນເອີຣົບ ຫວັງຟື້ນຟູເສດຖະກິດຫລັງໂຄວິດ-19 ຢູ່ໃຕ້ການຄວບຄຸມ
ເດນມາກເດີນໜ້າໃຊ້ “ໂຄໂຣນາພາສ” ປະເທດທຳອິດໃນເອີຣົບ ຫວັງຟື້ນຟູເສດຖະກິດຫລັງໂຄວິດ-19 ຢູ່ໃຕ້ການຄວບຄຸມ - Untitled design - ເດນມາກເດີນໜ້າໃຊ້ “ໂຄໂຣນາພາສ” ປະເທດທຳອິດໃນເອີຣົບ ຫວັງຟື້ນຟູເສດຖະກິດຫລັງໂຄວິດ-19 ຢູ່ໃຕ້ການຄວບຄຸມ

ວັນ​ທີ 21 ​ເມສາ 2021, ທາງ​ການ​ເດນ​ມາກ​ເດີນ​ໜ້າ​ໃຊ້ “​ໂຄ​ໂຣນາ​ພາສ” (Coronapas) ຫລື Corona Passport ​ເປັນ​ປະ​ເທດ​ທຳ​ອິດ​ໃນ​ເອີຣົບ ຫວັງ​ຟື້ນຟູ​ເສດຖະກິດ​ພາຍ​ໃນ​ປະ​ເທດ​ຫລັງ​ສະຖານະ​ການ​ການ​ແຜ່​ລະບາດ​ຂອງ​ໂຄ​ວິດ-19 ພາຍ​ໃນ​ປະ​ເທດ​ເລີ່​ມຢູ່​ພາຍ​ໃຕ້​ການ​ຄວບ​ຄຸມ.

​ໂຄ​ໂຣນາ​ພາສ ​ເປັນ​ຂໍ້​ມູນ​ດິຈີ​ຕອນ​ໃນ​ແອັບ​ພລິ​ເຄຊັນ​ໃນ​ໂທລະສັບ​ມື​ຖື ທີ່​ຈະ​ບັນທຶກ​ຂໍ້​ມູນ ​ແລະ ສະ​ແດງ​ຜົນ​ກ່ຽວ​ກັບ​ຂໍ້​ມູນ​ສຳຄັນ ບໍ່​ວ່າ​ຈະ​ເປັນ​ຜົນ​ການກວດ​ຫາ​ເຊື້ອ​ໂຄ​ວິດ-19 ທີ່​ບົ່ງ​ຊີ້​ວ່າ​ບໍ່​ຕິດ​ເຊື້ອ (Neqative) ​ໃນ​ໄລຍະ 72 ຊົ່ວ​ໂມງ​ຜ່ານ​ມາ ລວມທັງ​ປະຫວັດ​ການ​ເຂົ້າຮັບ​ການ​ສັກ​ວັກ​ຊີ​ນຕ້ານ​ໂຄ​ວິດ-19 ຫລື ປະຫວັດ​ການ​ຕິດ​ເຊື້ອ​ໃນ​ໄລຍະ 2-12 ອາທິດ​ກ່ອນ​ໜ້າ.

​ໂດຍ​ໂຄ​ໂຣນາ​ພາສຈະ​ສະ​ແດງ​ຜົນ​ຂໍ້​ມູນ​ໃນ​ແອັບ​ພລິ​ເຄຊັນ MinSundhed (MyHealth) ທີ່​ເຊື່ອມ​ຕໍ່​ກັບ​ເລກ​ບັດປະຈຳຕົວ ​ເຊິ່ງຜູ້​ອາ​ໄສ​ທຸກ​ຄົນ​ຈະ​ມີ​ລະຫັດ CPR ​ເພື່ອ​ໃຊ້​ລະບຸ​ຕົວ​ຕົນ ພ້ອມ​ບັດ​ສີ​ເຫລືອງ​ທີ່​ມີ​ບາ​ໂຄດ ​ເມື່ອ​ທ່ານ​ເຂົ້າ​ໄປ​ໃຊ້​ບໍລິການ​ກວດ​ຫາ​ການ​ຕິດ​ເຊື້ອ​ໃນ​ໂຮງໝໍ​ຂອງ​ລັດ ພ້ອມ​ສະ​ແກນ​ບາ​ໂຄດ ຫລື ​ໃສ່​ລະຫັດ CPR ດັ່ງກ່າວ ຈະ​ມີ​ການ​ເຊື່ອມ​ໂຍງ​ຂໍ້​ມູນ, ບັນທຶກ ​ແລະ ສະ​ແດງ​ຜົນ​ໃນ​ໂຄ​ໂຣນາ​ພາສຂອງ​ທ່ານ.

ສິ່ງ​ນີ້​ຈຳ​ເປັນ​ຕ້ອງ​ໃຊ້​ສະ​ແດງ​ກ່ອນ​ເຂົ້າ​ໃຊ້​ບໍລິການ​ຮ້ານ​ອາຫານ, ພິພິທະ​ພັນ, ສະໜາມກິລາ, ຮ້ານ​ຕັດ​ຜົມ, ສວນສັດ ລວມທັງ​ສະຖານ​ທີ່​ປະກອບ​ການ ​ແລະ ພື້ນທີ່​ສາທາລະນະ​ອື່ນໆ ທີ່​ມີ​ຄວາມ​ສ່ຽງ ​ແລະ ພົບ​ປະ​ຄົນ​ຈຳນວນ​ຫລາຍ ຄາດ​ວ່າ​ຈະ​ຂະຫຍາຍ​ໃຫ້​ຄວບ​ຄຸມ​ເພີ່ມ​ຂຶ້ນ, ຜູ້​ໃດ​ຝ່າຝືນ​ອາດ​ຖືກ​ໂທດ​ປັບ​ໃໝ. ຜົນສຳ​ຫລວດ​ຫລ້າ​ສຸດ​ພົບ​ວ່າ 67% ຂອງ​ຊາວ​ເດນ​ມາກ​ທີ່​ຕອບ​ແບບ​ສຳ​ຫລວດ​ເບິ່ງ​ວ່າ: ​ໂຄ​ໂຣນາ​ພາສຖື​ເປັນຄວາມ​ຄິດ​ທີ່​ດີ, ຂະນະ​ທີ່​ອີກ 16% ບໍ່​ເຫັນ​ພ້ອມ​​ໃນ​ການ​ໃຊ້​ວິທີ​ນີ້.

ນາຍົກລັດຖະມົນຕີ ​ເມດ​ເຕ ​ເຟຣ​ເດິຣິກ​ເຊ​ນ ລະບຸ​ວ່າ:​ ພວກ​ເຮົາ​ສາມາດ​ກັບ​ມາ​ຂັບ​ເຄື່ອນ​ເດນ​ມາກ​ໄດ້​ອີກ ​ແລະ ນັ້ນ​ເປັນ​ສິ່ງ​ທີ່​ກົງກັນຂ້າມ​ກັບ​ສິ່ງ​ທີ່​ຫລາຍ​ປະ​ເທດ​ກຳລັງ​ປະສົບ​ຢູ່.

​ເຫດຜົນ​ສຳ​ຄັນ​ທີ່​ເຮັດ​ໃຫ້​ເດນ​ມາກ​ເປັນ​ປະ​ເທດ​ທຳ​ອິດ​ໃນ​ເອີຣົບທີ່​ເດີນ​ໜ້າ​ໃຊ້​ໂຄ​ໂຣນາ​ພາສ ​ເນື່ອງ​ຈາກ​ເດນ​ມາກ​ປະສົບ​ຜົນສໍາ​ເລັດ​ໃນ​ການ​ປ້ອງ​ກັນ​ການ​ແຜ່​ລະບາດ​ຂອງ​ໂຄ​ວິດ-19 ຮອບ​ທີ 3 ພ້ອມ​ກັບ​ເດີນ​ໜ້າ​ຫລຸດຜ່ອນ​ມາດ​ຕະການ​ຮັບ​ມື​ໂຄ​ວິດ-19 ​ໂດຍ​ສະ​ເພາະ​ການ​ລັອກດາວ​ທີ່​ປະກາດ​ໃຊ້​ນັບ​ແຕ່​ເດືອນ​ທັນວາ 2020 ຜ່ານ​ມາ. ອີກ​ທັງ​ເດນ​ມາກ​ຍັງ​ມີ​ຜູ້​ຕິດ​ເຊື້ອ ​ແລະ ຜູ້​ເສຍ​ຊີວິດ​ຢູ່​ໃນ​ເກນ​ຕໍ່າ ​ເມື່ອ​ທຽບ​ໃສ່​ປະ​ເທດ​ອື່ນໆ ມີ​ປະຊາກອນ​ປະມານ 1 ​ໃນ 5 ​ເຂົ້າຮັບ​ວັກ​ຊີ​ນ​ໂຄ​ວິດ-19 ​ແລ້ວ​ຢ່າງ​ໜ້ອຍ 1 ​ໂດ​ສ ​ແລະ ທາງ​ການ​ເຊື່ອ​ວ່າ​ສາມາດ​ຄວບ​ຄຸມ​ການ​ແຜ່​ລະບາດ​ຂອງ​ໂຄ​ວິດ-19 ​ໄດ້​ແລ້ວ.

ເດນມາກເດີນໜ້າໃຊ້ “ໂຄໂຣນາພາສ” ປະເທດທຳອິດໃນເອີຣົບ ຫວັງຟື້ນຟູເສດຖະກິດຫລັງໂຄວິດ-19 ຢູ່ໃຕ້ການຄວບຄຸມ - Wave100S AD to Website 2020 0 - ເດນມາກເດີນໜ້າໃຊ້ “ໂຄໂຣນາພາສ” ປະເທດທຳອິດໃນເອີຣົບ ຫວັງຟື້ນຟູເສດຖະກິດຫລັງໂຄວິດ-19 ຢູ່ໃຕ້ການຄວບຄຸມ

ອ້າງ​ອີງ:

https://www.bbc.com/news/world-europe-56812293

https://www.healthcareitnews.com/…/denmark-launches…

https://www.euronews.com/…/covid-19-denmark-launches…

ເດນມາກເດີນໜ້າໃຊ້ “ໂຄໂຣນາພາສ” ປະເທດທຳອິດໃນເອີຣົບ ຫວັງຟື້ນຟູເສດຖະກິດຫລັງໂຄວິດ-19 ຢູ່ໃຕ້ການຄວບຄຸມ - WhatsApp Image 2020 05 27 at 5 - ເດນມາກເດີນໜ້າໃຊ້ “ໂຄໂຣນາພາສ” ປະເທດທຳອິດໃນເອີຣົບ ຫວັງຟື້ນຟູເສດຖະກິດຫລັງໂຄວິດ-19 ຢູ່ໃຕ້ການຄວບຄຸມ
ເດນມາກເດີນໜ້າໃຊ້ “ໂຄໂຣນາພາສ” ປະເທດທຳອິດໃນເອີຣົບ ຫວັງຟື້ນຟູເສດຖະກິດຫລັງໂຄວິດ-19 ຢູ່ໃຕ້ການຄວບຄຸມ - WhatsApp Image 2020 05 27 at 5 - ເດນມາກເດີນໜ້າໃຊ້ “ໂຄໂຣນາພາສ” ປະເທດທຳອິດໃນເອີຣົບ ຫວັງຟື້ນຟູເສດຖະກິດຫລັງໂຄວິດ-19 ຢູ່ໃຕ້ການຄວບຄຸມ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!