ມາຮູ້ຈັກໂຄວິດ-19 “ສາຍພັນເບັງກໍ” ໃນອິນເດຍ ຮ້າຍແຮງກວ່າເກົ່າ

ມາຮູ້ຈັກໂຄວິດ-19 “ສາຍພັນເບັງກໍ” ໃນອິນເດຍ ຮ້າຍແຮງກວ່າເກົ່າ - 1 3 - ມາຮູ້ຈັກໂຄວິດ-19 “ສາຍພັນເບັງກໍ” ໃນອິນເດຍ ຮ້າຍແຮງກວ່າເກົ່າ
ມາຮູ້ຈັກໂຄວິດ-19 “ສາຍພັນເບັງກໍ” ໃນອິນເດຍ ຮ້າຍແຮງກວ່າເກົ່າ - AGL banner - ມາຮູ້ຈັກໂຄວິດ-19 “ສາຍພັນເບັງກໍ” ໃນອິນເດຍ ຮ້າຍແຮງກວ່າເກົ່າ

ອິນເດຍກຳລັງຜະເຊີນການລະບາດຂອງເຊື້ອໄວຣັສໂຄໂຣນາສາຍພັນໃໝ່ 2019 ຫລື ໂຄວິດ-19 ຮອບໃໝ່ ເຊິ່ງເປັນຮອບທີສອງ ເຊິ່ງເປັນວິກິດທີ່ຮ້າຍແຮງ ແລະ ບໍ່ມີປະເທດໃດເຄີຍພົບເຫດການທີ່ໜັກໜາສາຫັດແບບນີ້ມາກ່ອນ.

ຈາກຈຳນວນການພົບຜູ້ຕິດເຊື້ອໃໝ່ໃນອິນເດຍ ພາຍໃນ 24 ຊົ່ວໂມງ ສູງເຖິງ 3 ແສນຄົນນັບແຕ່ວັນທີ 21 ເມສາ ຈົນຖືເປັນການພົບຜູ້ຕິດເຊື້ອໃໝ່ໃນວັນດຽວຫລາຍທີ່ສຸດໃນໂລກ ທຳລາຍສະຖິຕິທີ່ອາເມລິກາເຄີຍເຮັດໄວ້ ຫລັງພົບຜູ້ຕິດເຊື້ອໃໝ່ 2,9 ແສນຄົນ. ອີກທັງ ຍັງເຮັດໃຫ້ອິນເດຍແຊງ ບຣາຊິລ ຂຶ້ນມາຢູ່ອັນດັບສອງຂອງປະເທດທີ່ມີຍອດສະສົມຜູ້ຕິດເຊື້ອໂຄວິດສູງສຸດໃນໂລກໄປຮຽບຮ້ອຍ ຈົນເຖິງວັນທີ 25 ເມສາ 2021 ຍອດສະສົມຜູ້ຕິດເຊື້ອໂຄວິດໃນອິນເດຍເພີ່ມຂຶ້ນຮອດ 16,6 ລ້ານຄົນ ແລະ ເສຍຊີວິດ 1,9 ແສນຄົນ.

ເຊື້ອໂຄວິດກາຍພັນ ຄືເຊື້ອໄວຣັສມໍລະນະທີ່ບັນດານັກວິທະຍາສາດທັງໃນອິນເດຍ ຕະຫລອດຈົນປະເທດຊັ້ນນຳ ລວມທັງອົງການອະນາໄມໂລກ (WHO) ສັນນິຖານວ່າອາດເປັນຕົວການທີ່ເຮັດໃຫ້ເກີດການລະບາດຂອງພະຍາດໂຄວິດໃນອິນເດຍຢ່າງຮຸນແຮງຊະນິດທີ່ບໍ່ເຄີຍພົບເຄີຍເຫັນມາກ່ອນ ຫລັງຈາກອິນເດຍເຄີຍພົບຜູ້ຕິດເຊື້ອໃໝ່ໃນວັນດຽວລະຫວ່າງການລະບາດຮອບທຳອິດສູງສຸດໃນເດືອນກັນຍາ 2020.

ມາຮູ້ຈັກໂຄວິດ-19 “ສາຍພັນເບັງກໍ” ໃນອິນເດຍ ຮ້າຍແຮງກວ່າເກົ່າ - 2 2 300x243 - ມາຮູ້ຈັກໂຄວິດ-19 “ສາຍພັນເບັງກໍ” ໃນອິນເດຍ ຮ້າຍແຮງກວ່າເກົ່າ

ພຽງແຕ່ ຈາກທີ່ນັກວິທະຍາສາດເຄີຍມີຄວາມກັງວົນວ່າ: ເຊື້ອໂຄວິດກາຍພັນຄູ່ ຫລື ໂຄວິດກາຍພັນ 2 ຕຳແໜ່ງ ທີ່ພົບໃນອິນເດຍນັບແຕ່ທ້າຍປີ 2020 ຄືຕົວການສຳຄັນຂອງເຊື້ອໂຄວິດສາຍພັນຫລັກທີ່ເຮັດໃຫ້ເກີດການລະບາດຢ່າງວ່ອງໄວໃນປັດຈຸບັນ ແຕ່ເມື່ອມາເຖິງວັນນີ້ ໃນໄລຍະເວລາພຽງບໍ່ດົນ ຜູ້ຊ່ຽວຊານໄດ້ພົບວ່າມີເຊື້ອໂຄວິດ-19 ທີ່ອັນຕະລາຍກວ່ານີ້ ເກີດຂຶ້ນໃນອິນເດຍແລ້ວ ນັ້ນຄືການພົບໂຄວິດ-19 ກາຍພັນ 3 ຕຳແໜ່ງ ເຊິ່ງຖືກຂະໜານນາມວ່າ: ໂຄວິດສາຍພັນເບັງກໍ.

ໂຄວິດກາຍພັນ 3 ຕຳແໜ່ງ “triple mutant variant” ຫລື ມີຊື່ຢ່າງເປັນທາງການວ່າ: B.1.618 ເປັນເຊື້ອໂຄວິດ-19 ກາຍພັນຊະນິດໃໝ່ທີ່ຖືກພົບຄັ້ງທຳອິດໃນລັດເບັງກໍຕາເວັນຕົກ ເຊິ່ງຢູ່ທາງພາກຕາເວັນອອກຂອງປະເທດອິນເດຍ ຈຶ່ງເຮັດໃຫ້ມີການເອີ້ນຊື່ໂຄວິດ-19 ສາຍພັນໃໝ່ນີ້ວ່າ: “ໂຄວິດສາຍພັນເບັງກໍ”.

ປັດຈຸບັນ ບັນດາຜູ້ຊ່ຽວຊານກ່າວດ້ວຍຄວາມກັງວົນວ່າ: ເຊື້ອໂຄວິດສາຍພັນເບັງກໍ ຄືເຊື້ອໂຄວິດສາຍພັນຫລັກທີ່ກຳລັງລະບາດຢູ່ລັດເບັງກໍຕາເວັນຕົກແທນທີ່ເຊື້ອໂຄວິດ-19 ສາຍພັນອື່ນໆກ່ອນໜ້າ ແລະ ປັດຈຸບັນ ຍັງພົບຜູ້ຕິດເຊື້ອໂຄວິດສາຍພັນເບັງກໍໃນນະຄອນຫລວງນິວເດລີ ແລະ ລັດມະຫາຣາກຣະ ເຊິ່ງເປັນລັດທີ່ຜະເຊີນການລະບາດໜັກທີ່ສຸດແລ້ວ.

ມາຮູ້ຈັກໂຄວິດ-19 “ສາຍພັນເບັງກໍ” ໃນອິນເດຍ ຮ້າຍແຮງກວ່າເກົ່າ - 3 2 300x200 - ມາຮູ້ຈັກໂຄວິດ-19 “ສາຍພັນເບັງກໍ” ໃນອິນເດຍ ຮ້າຍແຮງກວ່າເກົ່າ

 

ວິວັດທະນາການຂອງເຊື້ອໂຄວິດ ກາຍພັນ 3 ຕຳແໜ່ງ

ເຊື້ອໂຄວິດສາຍພັນເບັງກໍ ເຊິ່ງມີຊື່ທາງວິທະຍາສາດວ່າ B.1.618 ເປັນເຊື້ອໂຄວິດ-19 ທີ່ພົບວ່າມີການກາຍພັນ 3 ຕຳແໜ່ງໃນໜາມແຫລມໂປຣຕີນ ຄື ກົດອະມິໂນ H46 ແລະ Y145 ໄດ້ຫາຍໄປ, ແຕ່ເກີດການກາຍພັນສອງຕຳແໜ່ງຢູ່ E484K ແລະ D614G ໃນໂປຣຕີນທີ່ເປັນໜາມແຫລມ.

ກ່ອນໜ້ານີ້ ເຊື້ອໂຄວິດກາຍພັນຄູ່ (double mutant variant) ຖືກຕັ້ງຊື່ຢ່າງເປັນທາງການວ່າ B.1.617 ເຊິ່ງພົບການກາຍພັນສອງຕຳແໜ່ງຢູ່ E484Q ແລະ L452R ໂດຍນັກວິທະຍາສາດພົບຄັ້ງທຳອິດໃນລັດມະຫາຣາກຣະ.

ມາຮູ້ຈັກໂຄວິດ-19 “ສາຍພັນເບັງກໍ” ໃນອິນເດຍ ຮ້າຍແຮງກວ່າເກົ່າ - Wave100S AD to Website 2020 0 - ມາຮູ້ຈັກໂຄວິດ-19 “ສາຍພັນເບັງກໍ” ໃນອິນເດຍ ຮ້າຍແຮງກວ່າເກົ່າ

ໃນຂະນະທີ່ຜູ້ຊ່ຽວຊານເຊື່ອວ່າການລະບາດຢ່າງຮຸນແຮງຂອງພະຍາດໂຄວິດ-19 ໃນຮອບສອງທີ່ອິນເດຍມາຈາກເຊື້ອໂຄວິດກາຍພັນຄູ່, ຈົນຕໍ່ມາມີການພົບເຊື້ອໂຄວິດກາຍພັນ 3 ຕຳແໜ່ງ ໃນລັດເບັງກໍຕາເວັນຕົກ ຈຶ່ງເຮັດໃຫ້ນັກວິທະຍາສາດເຊື່ອວ່າມັນຄືວິວັດທະນາການຈາກເຊື້ອໂຄວິດກາຍພັນສອງຕຳແໜ່ງ ທີ່ມາລວມເປັນໜຶ່ງດຽວ.

ມາຮູ້ຈັກໂຄວິດ-19 “ສາຍພັນເບັງກໍ” ໃນອິນເດຍ ຮ້າຍແຮງກວ່າເກົ່າ - 4 1 300x193 - ມາຮູ້ຈັກໂຄວິດ-19 “ສາຍພັນເບັງກໍ” ໃນອິນເດຍ ຮ້າຍແຮງກວ່າເກົ່າ

 

ຮີບຮ້ອນສະກັດກັ້ນ ຄາດວ່າເຊື້ອຮ້າຍແຮງກວ່າເກົ່າ

ປັດຈຸບັນ ນັກວິທະຍາສາດ ໄດ້ກວດພົບ ເຊື້ອໂຄວິດກາຍພັນ 3 ຕຳແໜ່ງ ຈຳນວນ 2 ສາຍພັນແລ້ວໃນຜູ້ຕິດເຊື້ອຢູ່ 4 ລັດຂອງອິນເດຍ ຄືລັດມະຫາຣາກຣະ, ນະຄອນຫລວງນິວເດລີ, ເບັງກໍຕາເວັນຕົກ ແລະ ລັດສັດຕີສະຄອນ ອີກທັງຍັງກຳລັງກັງວົນວ່າ: ເຊື້ອໂຄວິດກາຍພັນ 3 ຕຳແໜ່ງນີ້ຈະມີຄວາມຮ້າຍແຮງກວ່າເຊື້ອໂຄວິດກາຍພັນຄູ່ທີ່ອົງການອະນາໄມໂລກເຕືອນວ່າມັນເປັນເຊື້ອໂຄວິດທີ່ໜ້າກັງວົນ.

Maria Van Kerkhove ຫົວໜ້າເຈົ້າໜ້າທີ່ຝ່າຍເຕັກນິກດ້ານໂຄວິດຂອງອົງການອະນາໄມໂລກ ກ່າວເຖິງເຊື້ອໂຄວິດກາຍພັນຄູ່ວ່າ: “ເປັນເຊື້ອທີ່ພວກເຮົາກຳລັງຕິດຕາມຢ່າງສົນໃຈ” ໂດຍປັດຈຸບັນພົບໃນຫລາຍປະເທດທົ່ວໂລກເຊັ່ນ: ອິນເດຍ, ອົດສະຕຣາລີ, ນາມິເບຍ, ນິວຊີແລນ, ສິງກະໂປ, ອັງກິດ ແລະ ອາເມລິກາ ເຊິ່ງຕາມລາຍງານທີ່ໄດ້ຮັບຈາກລັດຖະບານອິນເດຍລະບຸວ່າ: ເຊື້ອໂຄວິດກາຍພັນສອງຕຳແໜ່ງມີຄວາມສາມາດໃນການແຜ່ລະບາດໄດ້ຫລາຍຂຶ້ນກວ່າເກົ່າ.

ມາຮູ້ຈັກໂຄວິດ-19 “ສາຍພັນເບັງກໍ” ໃນອິນເດຍ ຮ້າຍແຮງກວ່າເກົ່າ - 5 1 300x200 - ມາຮູ້ຈັກໂຄວິດ-19 “ສາຍພັນເບັງກໍ” ໃນອິນເດຍ ຮ້າຍແຮງກວ່າເກົ່າ

ສຳລັບເຊື້ອໂຄວິດກາຍພັນຄູ່ ຫລື ກາຍພັນສອງຕຳແໜ່ງນັ້ນ ບັນດາຜູ້ຊ່ຽວຊານທີ່ເຝົ້າຕິດຕາມ ຊີ້ວ່າມີຄວາມຮ້າຍແຮງກວ່າເຊື້ອໂຄວິດກ່ອນໜ້າ ເພາະມັນມີປະສິດທິພາບໃນການແຜ່ລະບາດໄດ້ໄວຂຶ້ນ ແລະ ມີຄວາມສາມາດໃນການຫລົບຫລີກແອນຕິບໍດີໃນຮ່າງກາຍຂອງມະນຸດໄດ້ດີຂຶ້ນກວ່າເກົ່າ ຈຶ່ງຍິ່ງເຮັດໃຫ້ປັດຈຸບັນ ນັກວິທະຍາສາດກຳລັງເຝົ້າຕິດຕາມເຊື້ອໂຄວິດກາຍພັນ 3 ຕຳແໜ່ງຢ່າງໃກ້ຊິດດ້ວຍຄວາມກັງວົນຫລາຍຂຶ້ນ ໂດຍສະເພາະກັງວົນວ່າ: ວັກຊີນຕ້ານໂຄວິດ-19 ທີ່ກຳລັງຖືກພັດທະນາກັນຢູ່ໃນປັດຈຸບັນຈະສາມາດຕ້ານມັນຢູ່ ຫລື ບໍ່.

ເພາະປັດຈຸບັນສະຖານະການການລະບາດຂອງພະຍາດໂຄວິດ-19 ໃນອິນເດຍ ໄດ້ເຮັດໃຫ້ອິນເດຍຕ້ອງຜະເຊີນວິກິດຮ້າຍແຮງຢ່າງໜັກ, ຂາດເຂີນອົກຊີ, ຜູ້ຕິດເຊື້ອລົ້ນໂຮງໝໍ ຈົນຢ້ານວ່າອາດມີຄົນຕາຍເປັນໃບໄມ້ຫລົ່ນ. ໃນຂະນະທີ່ມີລາຍງານເສດຖີມີເງິນໃນອິນເດຍຕ່າງຮີບຮ້ອນເດີນທາງອອກຈາກປະເທດດ້ວຍເຮືອບິນເຊົ່າເໝົາລຳ ເພື່ອໜີພະຍາດໂຄວິດ-19 ລະບາດໄປປະເທດທີ່ຍັງບໍ່ມີຄຳສັ່ງຫ້າມບໍ່ໃຫ້ຄົນຈາກອິນເດຍເຂົ້າມາໃນປະເທດແລ້ວ.

ອ້າງອີງ: Indiatoday, Businessinsider,Aljazeera

ມາຮູ້ຈັກໂຄວິດ-19 “ສາຍພັນເບັງກໍ” ໃນອິນເດຍ ຮ້າຍແຮງກວ່າເກົ່າ - WhatsApp Image 2020 05 27 at 5 - ມາຮູ້ຈັກໂຄວິດ-19 “ສາຍພັນເບັງກໍ” ໃນອິນເດຍ ຮ້າຍແຮງກວ່າເກົ່າ
ມາຮູ້ຈັກໂຄວິດ-19 “ສາຍພັນເບັງກໍ” ໃນອິນເດຍ ຮ້າຍແຮງກວ່າເກົ່າ - WhatsApp Image 2020 05 27 at 5 - ມາຮູ້ຈັກໂຄວິດ-19 “ສາຍພັນເບັງກໍ” ໃນອິນເດຍ ຮ້າຍແຮງກວ່າເກົ່າ
error: Alert: ເນື້ອຫາຂ່າວມີລິຂະສິດ !!