ສາເຫດໜຶ່ງຂອງການແພ່ລະບາດຄືການບໍ່ປະຕິບັດຕາມມາດຕະການຂອງລັດ

ສາເຫດໜຶ່ງຂອງການແພ່ລະບາດຄືການບໍ່ປະຕິບັດຕາມມາດຕະການຂອງລັດ - IMG 20210501 070449 - ສາເຫດໜຶ່ງຂອງການແພ່ລະບາດຄືການບໍ່ປະຕິບັດຕາມມາດຕະການຂອງລັດ
ສາເຫດໜຶ່ງຂອງການແພ່ລະບາດຄືການບໍ່ປະຕິບັດຕາມມາດຕະການຂອງລັດ - kitchen vibe - ສາເຫດໜຶ່ງຂອງການແພ່ລະບາດຄືການບໍ່ປະຕິບັດຕາມມາດຕະການຂອງລັດ

ການແພ່ລະບາດຂອງເຊື້ອໂຄວິດ-19​ ໃນຮອບນີ້ເລີ່ມແຕ່ວັນທີ 11​ ເມສາ​ 2021​ ກໍລະນີ​ ທີ​ 50​ ທີ່ນັກທຸລະກິດໄທ ນັບວ່າເປັນການເລີ່ມຕົ້ນ ສ້າງຄວາມກັງວົນແກ່ຄະນະສະເພາະກິດ ແລະ ປະຊາຊົນເປັນທີ່ສຸດ ເນື່ອງຈາກເປັນໄລຍະດັ່ງກ່າວພວມຈະເຂົ້າສູ່ເທສະການສະຫລອງປີໃໝ່ລາວ ແລະ​ ຍັງປາກົດເຫັນມີການລະເມີດລັກຂ້າມຊາຍແດນແບບຜິດກົດໝາຍ​ພ້ອມທັງມີຜູ້ຕິດເຊື້ອໃໝ່ຕໍ່ເນື່ອງ​ ທາງພາກລັດກໍຄືຄະນະສະເພາະກິດໄດ້ສັ່ງດ່ວນໃຫ້ປິດສະຖານບັນເທີງ,​ ຮ້ານຄາຣາໂອເກະ, ຮ້ານອິນເຕີເນັດຄາເຟ່,​ ພ້ອມທັງໃຫ້ງົດການສັງສັນປີໃໝ່ລາວ,​ ຫ້າມ​ໂຮມຊຸມນຸມ,​ ຫ້າມຈັດງານເອີກກະເຫລີກ ທີ່ເປັນການມົ້ວສຸມ ແລະ ຈົນເກືອບລັອກດາວນະຄອນຫລວງວຽງຈັນແລ້ວໃນຕອນນັ້ນ.
ເຖິງແມ່ນວ່າຄະນະສະເພາະກິດໄດ້ອອກຄຳສັ່ງຫ້າມແລ້ວກໍຕາມ ແຕ່ປາກົດວ່າປະຊາຊາຊົນຈໍານວນໜຶ່ງ​ ຍັງເມີນເສີຍບໍ່ໄດ້ເຫັນຄວາມສຳຄັນຕໍ່ມາດຕະການນັ້ນ ໂດຍສະເພາະໄວໜຸ່ມໄວສາວຍັງມີການຫລິ້ນກິນຊຸມແຊວ,​ ເຂົ້າຮ້ານເທັກບາ ສະປານວດ ກະໂດດໂລດເຕັ້ນເຫັນຄວາມມ່ວນຊວນກັນຫຼົງ ໄປທົ່ວທີບ​ໂດຍສະເພາະກໍລະນີທີ 59​ ເປັນຈຸດປະກາຍ.
ອີງຕາມປະຫວັດການເຄື່ອນໄຫວຂອງກໍລະນີດັ່ງກ່າວແລ້ວເປັນການສະສົມເຊື້ອແບບຍືດເຍື້ອຍາວນານ ຍ້ອນບໍ່ສະແດງອາການຂອງເຊື້ອ ໂດຍໃຊ້ເວລາ​ 12​ ວັນ​ ( ວັນທີ ​8-20 ເມສາ ) ຈຶ່ງພົບເຊື້ອກໍຄືຫລັງປີໃໝ່ ເຊິ່ງມັນໄປໄກຫລາຍແລ້ວ​ ເພາະຜູ້ກ່ຽວມີປະຫວັດການສັງສັນ,​ ຊຸມແຊວແມວໂພງຢູ່ຫລາຍຈຸດ,​ ຫລາຍກຸ່ມ ແລະ​ ຫລາຍ​ສະຖານທີ່.
ເຖິງ​ຢ່າງໃດ​ກໍຕາມ​ ພາຍຫລັງໄດ້ກວດເຫັນປະຫວັດດັ່ງກ່າວຄະນະສະເພາະກິດໄດ້ຮີບສັ່ງດ່ວນໃນການປິດການເຂົ້າອອກນະຄອນຫລວງ, ຈຳກັດການເຂົ້າອອກນອກເຮືອນຂອງປະຊາຊົນ​ ແຕ່ຜົນປາກົດອອກມາຍັງບໍ່ຈົບສິ້ນ​ ຜູ້ຕິດເຊື້ອເພີ່ມຂຶ້ນ​ລາມໜ້າເລື້ອຍໆ​ ນັບແຕ່ວັນທີ 21​-ວັນທີ​ 30​ ເມສາ​ ຈາກນະຄອນຫລວງໄປສູ່ 15 ແຂວງ​ ພາຍໃນ​ 10​ ວັນຂອງການລະບາດ ຈາກໂຕເລກຫລັກ 10 ​ກໍກາຍ​ເປັນຫລັກຮ້ອຍ ແລະ ສະສົມຂ້ອນເຄິ່ງພັນ​ (708 ເປັນຕົວເລກເພີ່ມໃໝ່)ເຊິ່ງຄະນະສະເພາະກິດຄາດວ່າຈະມີຜູ້ຕິດເຊື້ອບໍ່ຕໍ່າກວ່າ 2​ ພັນຄົນ.
ອັນທີ່ເວົ້າມາທັງໝົດນັ້ນເປັນການຍົກໃຫ້ເຫັນວ່າພະຍາດມັນລະບາດຢ່າງໄວວາ ບໍ່ແມ່ນຍ້ອນໂຕຂອງຍາດມີລິດໃນການແພ່ເຊື້ອໄດ້ໄວ ແຕ່ເປັນຍ້ອນປະຊາຊົນຄົນລາວບາງກຸ່ມໄຮ້ສາມັນສຳນຶກ ບໍ່ຕຶກຕອງເຖິງເພດໄພທີ່ຈະບັງເກີດ ເລີຍຕະເຫລີດຕາມອາລົມ ແລະ​ ຄວາມເຫັນແກ່ຕົວ.
ອັນເນື່ອງຈາກບໍ່ພາກັນປະຕິບັດຕາມມາດຕະການຫ້າມ ຍິ່ງຫ້າມກໍຍິ່ງເຮັດ​ ທັງຜູ້ມັກມ່ວນ ແລະ​ ຮ້ານທີ່ຕອບສະໜອງຄວາມມ່ວນຂອງກຸ່ມຄົນ ໂດຍອີງຕາມປະຫວັດເຄື່ອນໄຫວຜູ້ຕິດເຊື້ອສ່ວນຫລາຍກວມເອົາຫລາຍກວ່າ 80% ແມ່ນມາຈາກການຫລິ້ນກິນຊຸມແຊວ,​ ງານສັງສັນ​ໄລຍະປີໃໝ່​ ແລະ ທີ່ສຸດກວ່ານັ້ນຄືມີຫລາຍກໍລະນີໄດ້ຕິດເຊື້ອຈາກການໄປທ່ຽວຄາຣາໂອເກະ ແລະ ຮ້ານບັນເທີງ ໃນວັນທີຕ້ອງຫ້າມເປີດໃຫ້ບໍລິການຄືດັ່ງກໍລະນີລ່າສຸດອີງຕາມການຖະແຫລງຂ່າວຂອງຄະນະສະເພາະກິດໃນວັນທີ 28 ເມສາ 2021 ຜູ້ກ່ຽວໄດ້ຮ້ອງເພງຢູ່ຮ້ານຄາຣາໂອເກະແຫ່ງໜຶ່ງໃນວັນທີ່ 17 ເມສາ ນັ້ນສະແດງໃຫ້ເຫັນຍັງມີຮ້ານຄາຣາໂອເກະ ແລະ ຮ້ານບັນເທີງຝ່າຝືນຄໍາສັ່ງ ແລະ ຂໍ້ຫ້າມຂອງຄະນະສະເພາະກິດ ຈົນກາຍເປັນສະຖານແພ່ເຊື້ອ.
ຄຳສັ່ງໃຫ້ປິດສະຖານບັນເທີງ, ຮ້ານຄາຣາໂອເກະ, ຮ້ານອິນເຕີເນັດຄາເຟ່, ພ້ອມທັງໃຫ້ງົດການສັງສັນປີໃໝ່ລາວ, ຫ້າມໂຮມຊຸມນຸມ, ຫ້າມຈັດງານເອີກກະເຫລີກຕ່າງໆ ລົງລາຍເຊັນຄຳສັ່ງວັນທີ​ 13 ເມສາ 2021​ ແລະ ໃຫ້ຈັດຕັ້ງປະຕິບັດແຕ່ວັນທີ 13-30 ເມສາ​ 2021 ​ອັນນີ້ມັນຊີ້ໃຫ້ເຫັນຊັດເຈນວ່າ ບັນຫາທັງໝົດທັງມວນທີ່ພວກເຮົາພວມປະເຊີນຢູ່ແມ່ນເກີດຈາກຄວາມປະໝາດ ແລະ​ ເຫັນແກ່ຄວາມມັກມ່ວນ​ ແຕ່ຄົນສ່ວນຫລາຍໄປໂທດແຕ່ກໍລະນີທີ 59​ ຈົນລືມສະຖານທີ່ຝ່າຝືນຄໍາສັ່ງກໍເປັນສ່ວນໜຶ່ງຂອງການແຜ່ລະບາດເຊື້ອຢ່າງໄວວາໃນຄັ້ງນີ້.​
ເຖິງຢ່າງໃດກໍຕາມໃນເມື່ອສະພາບມັນເກີດຂຶ້ນແລ້ວ​ ກໍຈົ່ງພ້ອມກັນແກ້ໄຂ ບໍ່ຄວນຕິຜູ້ນັ້ນ ຕໍາໜິຜູ້ນີ້ ຈົນສັງຄົມວຸ່ນວາຍ,​ ສິ່ງທີ່ພວກເຮົາເຮັດໄດ້ຕອນນີ້ກໍຄືປະຕິບັດຕາມຄຳແນະນຳຂອງຄະນະສະເພາະກິດ,​ ປະຕິບັດຕົນຕາມມາດຕະການປ້ອງກັນ ບໍ່ອອກຈາກບ້ານຫາກບໍ່ຈຳເປັນ​ ໃສ່ຜ້າອັດປາກ-ດັງ,​ ຢູ່ຫ່າງ ແລະ​ ລ້າງມື.​
ສ່ວນມາດຕະການປັບໃໝໃສ່ໂທດຕໍ່ຜູ້ລະເມີດນັ້ນ ທາງຄະນະສະເພາະກິດ ແລະ ເຈົ້າໜ້າທີທີ່ກ່ຽວຂ້ອງ ກໍບໍ່ຄວນຈະປ່ອຍປະລະເລີຍ​ຄວນໃຫ້ພວກເຂົາມີສ່ວນຮັບຜິດຊອບຕໍ່ຜົນເສຍຫາຍທີ່ເກີດຂຶ້ນຄັ້ງນີ້ດ້ວຍ​.
#ຂໍໃຫ້ທຸກຄົນຈົ່ງປິ່ນປົວດີໄວໆ ດ້ວຍເຖີດ.

ສາເຫດໜຶ່ງຂອງການແພ່ລະບາດຄືການບໍ່ປະຕິບັດຕາມມາດຕະການຂອງລັດ - 3 - ສາເຫດໜຶ່ງຂອງການແພ່ລະບາດຄືການບໍ່ປະຕິບັດຕາມມາດຕະການຂອງລັດ
ສາເຫດໜຶ່ງຂອງການແພ່ລະບາດຄືການບໍ່ປະຕິບັດຕາມມາດຕະການຂອງລັດ - 5 - ສາເຫດໜຶ່ງຂອງການແພ່ລະບາດຄືການບໍ່ປະຕິບັດຕາມມາດຕະການຂອງລັດ
ສາເຫດໜຶ່ງຂອງການແພ່ລະບາດຄືການບໍ່ປະຕິບັດຕາມມາດຕະການຂອງລັດ - 4 - ສາເຫດໜຶ່ງຂອງການແພ່ລະບາດຄືການບໍ່ປະຕິບັດຕາມມາດຕະການຂອງລັດ
ສາເຫດໜຶ່ງຂອງການແພ່ລະບາດຄືການບໍ່ປະຕິບັດຕາມມາດຕະການຂອງລັດ - Visit Laos Visit SALANA BOUTIQUE HOTEL - ສາເຫດໜຶ່ງຂອງການແພ່ລະບາດຄືການບໍ່ປະຕິບັດຕາມມາດຕະການຂອງລັດ